உலகம்

#FridaysForFuture எனும் போராட்டத்தின் மூலம் உலகளாவிய ரீதியில் அறியப்பட்ட இளம் சமூகச் செயற்பாட்டாளர் சிறுமி கிரேட்டா தன்பர்க். சுற்றுச்சூழல் மீது மிகுந்த அக்கறை கொண்ட இவரை 2019 ம் சிறந்த நபராக டைம் பத்திரிகை அறிவித்து, டைம்ஸ் பத்திரிகையில் அட்டைப்படத்தில் அவரது படத்தைவெளியிட்டு மரியாதை செய்துள்ளது.

உலக வெப்பமயமாதலை தடுப்பதற்காகத் தனி ஒரு ஆளாக இவர் தொடங்கிய போராட்டம் உலகளவில் #FridaysForFuture என்ற ஹேஷ்டேக் மிகவும் பிரபலமானது.
இநத் ஆண்டிற்கான நோல் பரிசுக்கும் இவரது பெயர் பரிந்துரை செய்யப்பட்டது. தற்போது "உலகளாவிய அளவில் பருவநிலை மாற்றத்திற்கான இயக்கத்தை அவர் வழி நடத்தும் இளம் சமூகச் செயற்பாட்டாளர் '' என்று டைம் பத்திரிக்கை புகழாரம் சூட்டியிருக்கிறது.

டைம் பத்திரிக்கையின் வரலாற்றில், இந்த விருதுக்கு இதுவரை தேர்வு செய்யப்பட்டவர்களில் 16 வயதுடைய கிரேட்டா தன்பெர்க் தான் மிகவும் இளையவர் என்பது குறிப்பிடத்தக்கது.

டைம் பத்திரிகை வழங்கிய இந்தச் சிறப்புக் கௌரவத்தை, #FridaysForFuture இயக்கத்தினருடனும், உலகெங்கிலும் பருவநிலை மாற்றத்திற்கு எதிராக குரல் கொடுக்கும் செயற்பாட்டாளர்கள் அனைவருடனம் பகிர்ந்துகொள்வதாக கிரேட்டா தன்பெர்க் தனது ட்விட்டர் பக்கத்தில் அறிவித்துள்ளார்.