உலகம்

சமீபத்தில் போயிங் 737-800 ரக விமனம் டெஹ்ரான் விமான நிலையத்தில் இருந்து புறப்பட்டு சற்று நேரத்தில் ஏற்பட்ட கோளாறினால் விமான நிலையத்துக்குத் திரும்பிச் செல்கையில் தீப்பிடித்து தரையில் வேகமாக மோதி முற்றிலும் சிதைவடைந்து விபத்துக்குள்ளானது.

இதில் அதில் பயணித்த 176 பயணிகளும் உயிரிழந்தனர்.

தற்போது ஈரானுக்கும், அமெரிக்காவுக்கும் இடையே போர்ப் பதற்றம் இருப்பதால் விபத்துக்குள்ளான விமானத்தின் கருப்புப் பெட்டியை அதன் உரிமையாளரான போயிங் நிறுவனத்துக்கோ அல்லது அமெரிக்காவுக்கோ கையளிக்க மாட்டோம் என ஈரான் விமானப் போக்குவரத்து அமைப்புத் தலைவர் அலி அபெட்ஸாதே தெரிவித்துள்ளார். மேலும் சர்வதேச விதிகளின் படி விசாரணையை மேற்கொள்ள ஈரானுக்கும் உரிமை இருப்பது குறிப்பிடத்தக்கது.

இந்த விமானம் புறப்பட முன்னர் எந்த வகையான கோளாறுகளையும் கொண்டிருந்ததாக அமெரிக்க, ஐரோப்பிய விமானப் பயணக் கண்காணிப்பு அதிகாரிகள் எவரும் இதுவரை தகவல் தெரிவிக்கவில்லை. உலகில் தற்போது ஆயிரக் கணக்கான போயிங் 737-800 ரக விமானங்கள் பயன்பாட்டில் உள்ளது குறிப்பிடத்தக்கது. இதுவரை பலகோடி விமானப் பயணங்களை வெற்றிகரமாக இவை முடித்துள்ளதாகவும், இந்த வகை விமானங்களில், இந்த விபத்து 10 ஆவது சம்பவம் என்றும் விமானப் பயணப் பாதுகாப்பு நிபுணர் டாட் கர்டிஸ் பிபிசிக்குத் தெரிவித்துள்ளார்.

இந்த விமான விபத்தில் 82 ஈரானியர்கள், 63 கனேடியர்கள், 9 விமான ஊழியர்கள் உட்பட 11 உக்ரைனியர்கள், 10 சுவீடன் நாட்டவர்கள், 4 ஆப்கானியர்கள், 3 பிரித்தானியர்கள் மற்றும் 3 ஜேர்மனியர்களும் உயிர் துறந்ததாகத் தெரிய வருகின்றது.

அரச கணக்குகள் பற்றிய குழுவின் (CoPA) தலைவராக ஆளுங்கட்சி பாராளுமன்ற உறுப்பினர் பேராசிரியர் திஸ்ஸ விதாரண நியமிக்கப்பட்டுள்ளார். 

‘20வது அரசியலமைப்புத் திருத்தச் சட்டமூலத்துக்கு ஆதரவாக தற்போது கருத்து வெளியிடும் ஆளுங்கட்சியினர் இன்னும் சில வருடங்களில் இதற்காக மக்களிடம் மன்னிப்புக் கேட்க வேண்டிவரும்.’ என்று மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் விஜித ஹேரத் தெரிவித்துள்ளார். 

இந்தியாவில் 10 நாட்கள் நடைபெற்ற மாநிலங்களவையின் மழைக்கால கூட்டத்தொடர் முன்கூட்டியே நிறைவு செய்யப்பட்டு ஒத்திவைக்கப்பட்டுள்ளது.

இன்று அதிகாலை மராட்டிய மாநிலம் தானே மாவட்டத்தின் பிவண்டி பகுதியில் அமைந்துள்ள 3மாடி கட்டிடம் ஒன்று திடிரென இடிந்து விழுந்தது.

கடந்த வியாழக்கிழமை ஐரோப்பிய யூனியன் தலைவர்களை புருஸ்ஸெல்ஸில் சந்தித்த நிலையில், தொடர்ந்து இழுபறியில் இருந்து வரும் பிரெக்ஸிட் விடயத்தில் தொடர்ந்து விளையாட வேண்டாம் என இலண்டனில் இருக்கும் பிரிட்டன் அதிகாரிகளிடம் ஜேர்மனியின் ஐரோப்பா விவகாரங்களுக்கான அமைச்சர் மைக்கேல் றொத் எச்சரிக்கை விடுத்துள்ளார்.

உலகின் வடதுருவத்துக்கு அருகே உள்ள கிறீன்லாந்து மற்றும் தென் துருவத்தின் அத்திலாந்திக் கடல் ஆகிய இடங்களில் இருக்கும் பனிப்பாறைகள் நிகழ்காலத்தில் அதிகரித்து வரும் உலக வெப்பமயமாக்கலினால் வேகமாக உருகி வருகின்றன.