உலகம்

கடந்த 2016 ஆமாண்டு அமெரிக்க ஹாலிவுட் நடிகர், சமூக சேவகி மற்றும் பெண்ணிய வாதியான மேகன் மார்க்கலை சந்தித்து காதலிக்கத் தொடங்கிய பிரிட்டன் இளம் இளவரசர் ஹரி 2017 இல் தன் காதலை அறிவித்து அவரைத் திருமணமும் செய்து கொண்டார்.

இதற்கு பிரிட்டன் அரச குடும்பம் கடும் எதிர்ப்பைத் தெரிவித்திருந்தது. திருமணத்தின் பின் இவர்கள் இருவரும் தனியாக வீடு எடுத்து அதில் வசித்து வந்தனர். இக்கால கட்டத்தில் பொது நிகழ்ச்சிகளிலும் ஒன்று கூடல்களிலும் இராஜ குடும்பத்தைச் சேர்ந்தவர்களால் இவர்கள் பலமுறை அவமானப் படுத்தப் பட்டனர்.

தொலைக்காட்சிப் பேட்டிகளிலும் கூட மேகனைக் குறித்து தவறாகப் பேசப்பட்டன. வெள்ளை இனத்தைச் சேர்ந்திராத மேகன் ஹரிக்கு முன்பே ஒருவரைத் திருமணம் செய்து விவாகரத்துப் பெற்றவர் என்பதும் இதற்கு ஒரு காரணமாகும்.
மேகன் கர்ப்பம் தரித்திருந்த வேளையில் ஊடகங்களின் அழுத்தத்தால் மேகன் மற்றும் ஹரி இருவருமே மன உளைச்சலுக்கு ஆளானார்கள். இதையடுத்து ஊடகங்களை கடுமையாகப் பேசி தம்மைத் தனியே இருக்க விடுமாறு இன்ஸ்டாகிராமில் ஹரி பதிவை வெளியிட்டார்.

இந்நிலையில் தற்போது பிரிட்டன் அரச குடும்பத்தின் பொறுப்புக்களைத் துறப்பதாகவும், பரம்பரை சொத்து வேண்டாம் என்றும் பிரிட்டன் அரசி அழைத்தால் உதவிக்குப் போவோம் என்றும் ஹரியும் மேகனும் இணைந்து அறிவித்துள்ளனர்.

மேலும் இவர்கள் வட அமெரிக்கா சென்று சொந்தமாக உழைத்து வாழவிருப்பதாகவும் தெரிய வருகின்றது. இளவரசர் ஹரியை உண்மையாக நேசிக்கும் பிரிட்டன் மக்கள் அவரது இந்த முடிவை வரவேற்றிருப்பதும் குறிப்பிடத்தக்கது.

அரச கணக்குகள் பற்றிய குழுவின் (CoPA) தலைவராக ஆளுங்கட்சி பாராளுமன்ற உறுப்பினர் பேராசிரியர் திஸ்ஸ விதாரண நியமிக்கப்பட்டுள்ளார். 

‘20வது அரசியலமைப்புத் திருத்தச் சட்டமூலத்துக்கு ஆதரவாக தற்போது கருத்து வெளியிடும் ஆளுங்கட்சியினர் இன்னும் சில வருடங்களில் இதற்காக மக்களிடம் மன்னிப்புக் கேட்க வேண்டிவரும்.’ என்று மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் விஜித ஹேரத் தெரிவித்துள்ளார். 

இந்தியாவில் 10 நாட்கள் நடைபெற்ற மாநிலங்களவையின் மழைக்கால கூட்டத்தொடர் முன்கூட்டியே நிறைவு செய்யப்பட்டு ஒத்திவைக்கப்பட்டுள்ளது.

இன்று அதிகாலை மராட்டிய மாநிலம் தானே மாவட்டத்தின் பிவண்டி பகுதியில் அமைந்துள்ள 3மாடி கட்டிடம் ஒன்று திடிரென இடிந்து விழுந்தது.

கடந்த வியாழக்கிழமை ஐரோப்பிய யூனியன் தலைவர்களை புருஸ்ஸெல்ஸில் சந்தித்த நிலையில், தொடர்ந்து இழுபறியில் இருந்து வரும் பிரெக்ஸிட் விடயத்தில் தொடர்ந்து விளையாட வேண்டாம் என இலண்டனில் இருக்கும் பிரிட்டன் அதிகாரிகளிடம் ஜேர்மனியின் ஐரோப்பா விவகாரங்களுக்கான அமைச்சர் மைக்கேல் றொத் எச்சரிக்கை விடுத்துள்ளார்.

உலகின் வடதுருவத்துக்கு அருகே உள்ள கிறீன்லாந்து மற்றும் தென் துருவத்தின் அத்திலாந்திக் கடல் ஆகிய இடங்களில் இருக்கும் பனிப்பாறைகள் நிகழ்காலத்தில் அதிகரித்து வரும் உலக வெப்பமயமாக்கலினால் வேகமாக உருகி வருகின்றன.