உலகம்

தைவானில் சமீபத்தில் நடந்து முடிந்த அதிபர் தேர்தலில் ஏற்கனவே பதவியில் இருக்கும் அதிபர் சாய் இங் வென் மீண்டும் அபார வெற்றியை ஈட்டியுள்ளார்.

தைவானில் அதிபர், துணை அதிபர் மற்றும் 113 நாடாளுமனற உறுப்பினர்களைத் தேர்ந்தெடுப்பதற்கான தேர்தல் சனிக்கிழமை இடம்பெற்றது. இதில் அதிபர் சாய் இங் வென் தான் மீண்டும் வெற்றி பெறுவார் என்றே கருத்துக் கணிப்புக்கள் தெரிவித்திருந்தன. தற்போது அது ஊர்ஜிதமாகியுள்ளது.

கிட்டத்தட்ட 57% வீத முன்னணி வாக்குகளால் சாய் இங் வென் வெற்றி பெற்றுள்ளார். சீனாவின் மேலாதிக்கத்தால் அதிகம் பாதிக்கப் பட்டு வரும் தைவானில் சீனாவுக்கு எதிரான கடுமையான நிலைப்பட்டைக் கொண்ட சாய் இங் வென் இனை மக்கள் வெற்றி பெறச் செய்துள்ளனர். இதன் மூலம் சீனாவுக்குத் தமது அரசியல் அபிலாஷைகள் மற்றும் உரிமைகள் குறித்து தக்க பதிலடியை தைவான் மக்கள் தெரிவித்துள்ளதாக அரசியல் அவதானிகள் கூறுகின்றனர்.

அண்மைக் காலமாக தைவானை உலக அரங்கில் இருந்து தனிமைப் படுத்த சீனா மேற்கொண்டு வரும் முயற்சி காரணமாக, சீனாவின் வற்புறுத்தலின் பேரில் சில உலக நாடுகள் தைவானுடனான தூதரக உறவை முறித்துக் கொண்டன என்பது குறிப்பிடத்தக்கது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“கடந்த நல்லாட்சிக் காலத்தில் நியமிக்கப்பட்ட சுயாதீன ஆணைக்குழுக்கள் உண்மையாகவே சுயாதீனமானவையா? இல்லையா? என்பது தொடர்பில் சிக்கல் ஒன்று உள்ளமையினால், அவை பற்றி ஆராய உயர் மட்டத்தில் சுயாதீன ஆணைக்குழு அமைக்க நடவடிக்கை மேற்கொள்ளப்படும்.” என்று பிரதமர் மஹிந்த ராஜபக்ஷ தெரிவித்துள்ளார். 

‘இலங்கை அரசியலமைப்பின் ஒற்றையாட்சியைப் பேணி பாதுகாப்போம் என வேட்புமனுவில் உறுதியுரை எடுத்துவிட்டு, ‘ஒரு நாடு இரு தேசம்’ என தமிழ்த் தேசிய மக்கள் முன்னணியினர் போலித்தேசியம் பேசி வருகின்றனர்’ என்று ஈழமக்கள் ஜனநாயகக் கட்சியின் முக்கியஸ்தரும், முன்னாள் வடக்கு மாகாண எதிர்க்கட்சித் தலைவருமான சி.தவராசா தெரிவித்துள்ளார். 

9 முதல் 12 வகுப்புகளுக்கான பாடத்திட்டங்களை 30 சதவீதம் குறைக்க மத்திய இடைநிலைக் கல்வி வாரியம் (சிபிஎஸ்இ) மனித வள மேம்பாட்டு அமைச்சகத்திடம் கேட்டுள்ளது.

இந்திய சீன எல்லைப்பகுதியான லடாக்கில் இருந்து சீன வீரர்கள் 2 கிலோமீட்டர் தூரம் பின்வாங்கிச் சென்றுள்ளதாகவும் தற்காலிக கூடாரங்கள் உற்பட கட்டுமானங்கள் அகற்றப்பட்டதாகவும் தெரிவிக்கப்படுகிறது.

இந்தோனேசிய தீவின் ஜாவா கடற்கரையில் 6.6 ரிக்டர் அளவிலான நிலநடுக்கம் ஏற்பட்டுள்ளதாக தகவல்கள் தெரிவிக்கின்றன. உள்ளூர் அதிகாரிகள் வெளியிட்ட தகவல்களின்படி நிலநடுக்கம் காரணமாக எந்தவிதமான சேதமும் ஏற்படவில்லை என அறியவருகிறது.

தெற்காசிய நாடுகளில் இந்தியாவை அடுத்து மிக அதிக கொரோனா தொற்றுக்கள் கொண்ட நாடாக பாகிஸ்தான் விளங்குகின்றது.