உலகம்

தேசத் துரோக குற்றச்சாட்டின் கீழ் பாகிஸ்தான் முன்னால் அதிபர் முஷராபுக்கு பெஷாவர் நீதிமன்றம் விதித்த தூக்குத் தண்டனையை லாகூர் உயர்நீதிமன்றம் ரத்து செய்துள்ளது.

முஷாரப் அதிபராக இருந்த 2001 முதல் 2008 வரையிலான காலப் பகுதியில் அவர் அவசர நிலையைப் பிரகடனப் படுத்தி அரசியல் எதிரிகளைப் பழி வாங்கி நாட்டுக்கு எதிராக சதி செய்து பல நீதிபதிகளைப் பதவி இறக்கிய காரணங்களுக்காகவே அவர் மீது தேசத் துரோக வழக்குப் பதிவு செய்யப் பட்டது.

இவருக்குத் தூக்குத் தண்டனை விதித்த பெஷாவர் நீதிமன்றம் தண்டனைக்கு முன் முஷாரப் இறந்தால் அவரது உடலை 3 நாள் தூக்கில் தொங்க விட வேண்டும் என்றும் அதிரடியாக அறிவித்திருந்தது. இந்நிலையில் தற்போது முஷாரபுக்கு அளிக்கப் பட்ட தூக்குத் தண்டனையை ரத்து செய்துள்ள லாகூர் உயர் நீதிமன்றம், முஷராப் மீதான வழக்கை விசாரிக்க சிறப்பு நீதிமன்றம் அமைத்தது அரசியலமைப்புக்கு விரோதமானது என்றும் தீர்ப்பில் தெரிவித்திருந்தது குறிப்பிடத்தக்கது.

 

 

 

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“கடந்த நல்லாட்சிக் காலத்தில் நியமிக்கப்பட்ட சுயாதீன ஆணைக்குழுக்கள் உண்மையாகவே சுயாதீனமானவையா? இல்லையா? என்பது தொடர்பில் சிக்கல் ஒன்று உள்ளமையினால், அவை பற்றி ஆராய உயர் மட்டத்தில் சுயாதீன ஆணைக்குழு அமைக்க நடவடிக்கை மேற்கொள்ளப்படும்.” என்று பிரதமர் மஹிந்த ராஜபக்ஷ தெரிவித்துள்ளார். 

‘இலங்கை அரசியலமைப்பின் ஒற்றையாட்சியைப் பேணி பாதுகாப்போம் என வேட்புமனுவில் உறுதியுரை எடுத்துவிட்டு, ‘ஒரு நாடு இரு தேசம்’ என தமிழ்த் தேசிய மக்கள் முன்னணியினர் போலித்தேசியம் பேசி வருகின்றனர்’ என்று ஈழமக்கள் ஜனநாயகக் கட்சியின் முக்கியஸ்தரும், முன்னாள் வடக்கு மாகாண எதிர்க்கட்சித் தலைவருமான சி.தவராசா தெரிவித்துள்ளார். 

9 முதல் 12 வகுப்புகளுக்கான பாடத்திட்டங்களை 30 சதவீதம் குறைக்க மத்திய இடைநிலைக் கல்வி வாரியம் (சிபிஎஸ்இ) மனித வள மேம்பாட்டு அமைச்சகத்திடம் கேட்டுள்ளது.

இந்திய சீன எல்லைப்பகுதியான லடாக்கில் இருந்து சீன வீரர்கள் 2 கிலோமீட்டர் தூரம் பின்வாங்கிச் சென்றுள்ளதாகவும் தற்காலிக கூடாரங்கள் உற்பட கட்டுமானங்கள் அகற்றப்பட்டதாகவும் தெரிவிக்கப்படுகிறது.

இந்தோனேசிய தீவின் ஜாவா கடற்கரையில் 6.6 ரிக்டர் அளவிலான நிலநடுக்கம் ஏற்பட்டுள்ளதாக தகவல்கள் தெரிவிக்கின்றன. உள்ளூர் அதிகாரிகள் வெளியிட்ட தகவல்களின்படி நிலநடுக்கம் காரணமாக எந்தவிதமான சேதமும் ஏற்படவில்லை என அறியவருகிறது.

தெற்காசிய நாடுகளில் இந்தியாவை அடுத்து மிக அதிக கொரோனா தொற்றுக்கள் கொண்ட நாடாக பாகிஸ்தான் விளங்குகின்றது.