உலகம்

நியூயோர்க் ஐ.நா பாதுகாப்புச் சபையில் காஷ்மீர் விவகாரம் மீண்டும் ஒருமுறை தோல்வி அடைந்துள்ளது.

காஷ்மீர் பிரச்சினையை எழுப்ப பாகிஸ்தான் சீனாவின் ஆதரவுடன் முயன்ற போதும் இம்முறையும் அது தோல்வியைத் தழுவியதால் பாகிஸ்தானை இந்தியா கடுமையாக விமரிசித்துள்ளது. கடந்த வருடம் ஜம்மு காஷ்மீருக்கான சிறந்த அந்தஸ்தை இந்தியா நீக்கியதை அடுத்து உலக அரங்கில் பாகிஸ்தான் தனிமைப் படுத்தப் பட்டது.

அதனால் இவ்விவகாரத்தை ஏற்கனவே இரு தடவை ஐ.நாவில் கொண்டு வர பாகிஸ்தான் முயன்றும் அது கைகூடவில்லை. இம்முறையும் ஐ.நா பாதுகாப்புச் சபையின் மற்றைய நான்கு நிரந்தர உறுப்பு நாடுகளான அமெரிக்கா, பிரிட்டன், பிரான்ஸ் மற்றும் ரஷ்யா ஆகியவை எதிர்ப்புத் தெரிவித்து காஷ்மீர் இந்தியாவின் உள்விவகாரம் எனக் கைவிரித்ததால் பாகிஸ்தானும் அதன் நட்பு நாடான சீனாவும் ஏமாற்றம் அடைந்துள்ளன.

மேலும் பாகிஸ்தானின் எந்தவொரு ஆதாரமற்ற குற்றச்சாட்டையும் ஐ.நா சபை ஏற்காததற்கு இந்தியா மகிழ்ச்சியடைகின்றது என இந்தியாவுக்கான ஐ.நா பிரதிநிதி சையத் அக்பருதீன் தெரிவித்துள்ளார். மேலும் பாகிஸ்தான் இனிமேலாவது இவ்வாறான முயற்சிகளைக் கைவிட்டு விட்டு இந்தியாவுடன் இயல்பான பேச்சுவார்த்தை வழிமுறைகளுக்குத் திரும்ப வேண்டும் என்றும் சையத் அக்பருதீன் வேண்டுகோள் விடுத்துள்ளார்.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

முல்லைத்தீவு தேவிபுரம் பகுதியில் அமைந்துள்ள செஞ்சோலை வளாகத்தில் கடந்த 2006ஆம் ஆண்டு விமானப்படையினரின் தாக்குதலில் உயிரிழந்த 54 மாணவிகள் உள்ளிட்ட 61 பேரின் 14ஆம் ஆண்டு நினைவு தினம் இன்று வெள்ளிக்கிழமை அனுஷ்டிக்கப்பட்டது. 

தமிழ்த் தேசிய மக்கள் முன்னணியின் தேசிய அமைப்பாளர் மற்றும் ஊடகப் பேச்சாளர் பதவிகளில் இருந்து விஸ்வலிங்கம் மணிவண்ணன் நீக்கப்பட்டுள்ளார். 

காங்கிரஸ் எம்.எல்.ஏ.க்கள் கூட்டத்தில் சச்சின் பைலட் பங்கேற்றதுடன் ராஜஸ்தான் முதல் மந்திரி அசோக் கெலாட்டினையும் இன்று சந்தித்துள்ளார்.

பிரதமர் நரேந்திர மோடி; வெளிப்படையாகவும் நேர்மையாகவும் வரி செலுத்துவோரை கௌரவித்தல் எனும் புதிய திட்டத்தை இன்று காணொலி மூலம் ஆரம்பித்துவைத்தார்.

உலகின் முதல் நாடாக ரஷ்யா அறிவித்திருக்கும் தடுப்பு மருந்தை பரிசோதனைக்கு உட்படுத்திப் பார்க்க பிலிப்பைன்ஸ் நாட்டு அதிபர் ரோட்ரிகோ டியுடெர்ட் விருப்பம் தெரிவித்துள்ளார்.

சுவிற்சர்லாந்தில் COVID-19 வைரஸ் தொற்றுக்கள் மீண்டும் அதிகரித்து வருவதால், 1,000 க்கும் மேற்பட்ட மக்கள் கூடும் நிகழ்வுகளுக்கான தடையினை மேலும் ஒரு மாதத்திற்குள் நீட்டிப்பதாக, சுவிஸ் மத்திய கூட்டாட்சி அமைப்பு புதன் கிழமை அறிவித்துள்ளது.