உலகம்

அண்டார்ட்டிக்காவில் வரலாற்றில் மிக அதிகபட்ச 2 ஆவது வெப்பநிலையாக அண்மையில் 18.3 செல்சியஸ் அளவுக்கு வெப்பநிலை பதிவாகியுள்ளது. இதற்கு முன்பு 2015 மார் மாதம் பதிவான 17.5 செல்சியஸ் தான் அதிகளவு வெப்பநிலையாக இருந்தது.

அண்டார்ட்டிக்கா கண்டத்தின் வடக்கு முனையில் இருக்கும் உலகில் அதிக விகிதத்தில் வெப்பநிலை அதிகரித்து வரும் பகுதி இது என்பதும் குறிப்பிடத்தக்கது.

ஐ.நா சபையின் உலக வானிலை ஆய்வு நிறுவனத்தால் இத்தகவல் வெளியிடப் பட்டுள்ளது. சாதாரணமாக வெயில் காலத்தில் கூட அண்டார்ட்டிக்காவில் இந்தளவு வெப்பம் பதிவாகாது என்றும் இந்த வானிலை ஆய்வு மையம் தெரிவித்துள்ளது. கடந்த 50 ஆண்டுகளில் அண்டார்ட்டிக்காவில் 3 டிகிரி வெப்பம் அதிகமாகியுள்ளதுடன் மேற்குக் கடற்கரையில் இருக்கும் 87% வீதப் பனிப்பாறைகள் இதுவரை உருகியிருப்பதாகவும் கணிப்புக் கூறுகின்றது.

கடந்த 12 ஆண்டுகளில் அண்டார்ட்டிக்காவில் பனிப்பாறைகள் உருகுவது அதிகமாகியுள்ளது என்பதும் குறிப்பிடத்தக்கது. தென் துருவத்தில் புவி வெப்பமாகி அதிகளவு பனிப்பாறைகள் உருகுவது பூமியில் ஒரு நூற்றாண்டுக்கு 10 அடி கடல் மட்டத்தை உயர்த்தக் கூடியது என விஞ்ஞானிகள் எச்சரித்துள்ளனர். 1979 இலிருந்து 2017 வரை அண்டார்ட்டிக்காவில் பனிப் படுக்கைகளில் பனி உருகுவது 6 மடங்கு அதிகரித்துள்ளது. இது உண்மையில் மிக மோசமான ஒரு பிரச்சினையாகும்.

கடல் மட்டம் உயர்ந்தால் சிறிய சிறிய தீவுகள் அனைத்தும் கடலில் மூழ்கும் அபாயமும் உலகில் கடற்கரைக்கு அருகே இருக்கும் மிகப் பெரும் நகரங்கள் கடலால் உள் வாங்கப் படவும் அபாயம் உள்ளது என்பது குறிப்பிடத்தக்கது.

அரச கணக்குகள் பற்றிய குழுவின் (CoPA) தலைவராக ஆளுங்கட்சி பாராளுமன்ற உறுப்பினர் பேராசிரியர் திஸ்ஸ விதாரண நியமிக்கப்பட்டுள்ளார். 

‘20வது அரசியலமைப்புத் திருத்தச் சட்டமூலத்துக்கு ஆதரவாக தற்போது கருத்து வெளியிடும் ஆளுங்கட்சியினர் இன்னும் சில வருடங்களில் இதற்காக மக்களிடம் மன்னிப்புக் கேட்க வேண்டிவரும்.’ என்று மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் விஜித ஹேரத் தெரிவித்துள்ளார். 

இந்தியாவில் 10 நாட்கள் நடைபெற்ற மாநிலங்களவையின் மழைக்கால கூட்டத்தொடர் முன்கூட்டியே நிறைவு செய்யப்பட்டு ஒத்திவைக்கப்பட்டுள்ளது.

இன்று அதிகாலை மராட்டிய மாநிலம் தானே மாவட்டத்தின் பிவண்டி பகுதியில் அமைந்துள்ள 3மாடி கட்டிடம் ஒன்று திடிரென இடிந்து விழுந்தது.

கடந்த வியாழக்கிழமை ஐரோப்பிய யூனியன் தலைவர்களை புருஸ்ஸெல்ஸில் சந்தித்த நிலையில், தொடர்ந்து இழுபறியில் இருந்து வரும் பிரெக்ஸிட் விடயத்தில் தொடர்ந்து விளையாட வேண்டாம் என இலண்டனில் இருக்கும் பிரிட்டன் அதிகாரிகளிடம் ஜேர்மனியின் ஐரோப்பா விவகாரங்களுக்கான அமைச்சர் மைக்கேல் றொத் எச்சரிக்கை விடுத்துள்ளார்.

உலகின் வடதுருவத்துக்கு அருகே உள்ள கிறீன்லாந்து மற்றும் தென் துருவத்தின் அத்திலாந்திக் கடல் ஆகிய இடங்களில் இருக்கும் பனிப்பாறைகள் நிகழ்காலத்தில் அதிகரித்து வரும் உலக வெப்பமயமாக்கலினால் வேகமாக உருகி வருகின்றன.