உலகம்

இன்று செவ்வாய்க்கிழமை மாத்திரம் 103 பேர் மரணித்து கொரோனாவால் சீனாவில் மரணித்தவர்கள் எண்ணிக்கை 1016 ஐக் கடந்துள்ளது.

மேலும் சீனாவில் இந்த வைரஸ் தொற்றால் பாதிக்கப் பட்டவர்கள் தொகை 50 000 ஐ நோக்கி விரைந்து வருகின்றது.

சீனாவைத் தவிர 25 உலக நாடுகளில் இதன் தாக்கம் கண்டறியப் பட்டுள்ள நிலையில் உலகளாவிய மிகக் கொடூரமான நோய் அச்சுறுத்தலாக கொரோனா வைரஸ் அச்சுறுத்தலை உலக சுகாதாரத் தாபனமான WHO அறிவித்துள்ளது. சீனாவின் சில நகரங்களில் மில்லியன் கணக்கான மக்கள் தனிமைப் படுத்தப் பட்டுள்ளதும் குறிப்பிடத்தக்கது.

சீனாவில் இருந்து ஜப்பான் கடற்கரையை வந்த டயமண்ட் பிரின்சஸ் என்ற சொகுசுக் கப்பல் நடுக் கடலில் நிறுத்தப் பட்டு அதில் வந்த 3500 பேரில் 135 பேருக்கு கொரரோனா தொற்று இருப்பது உறுதி செய்யப் பட்டும் உள்ளது. இக்கப்பலை ஜப்பான் அனுமதிக்க மறுத்துள்ள நிலையில் இதில் வந்த நூற்றுக் கணக்கான இந்தியர்களும் தம்மை எப்படியாவது காப்பாற்றுமாறு அவலக் குரல் எழுப்பியுள்ளனர்.

இந்நிலையில் ஒரு வைரஸ் பரவும் போது அது தொடர்பான வதந்திகள் அதிகம் பரவினால் அதனைக் குணப்படுத்தும் மீட்பு நடவடிக்கைகளை மேற்கொள்ள அதிக சிரமம் ஏற்படுகின்றது என WHO இயக்குனர் வலியுறுத்தியுள்ளார்.

இதேவேளை கொரோனா தொற்று கண்டறியப் பட்ட 716 பேர் குணமடைந்து வீடு திரும்பி விட்டதாகவும் சீனா அறிவித்துள்ளது.

அரச கணக்குகள் பற்றிய குழுவின் (CoPA) தலைவராக ஆளுங்கட்சி பாராளுமன்ற உறுப்பினர் பேராசிரியர் திஸ்ஸ விதாரண நியமிக்கப்பட்டுள்ளார். 

‘20வது அரசியலமைப்புத் திருத்தச் சட்டமூலத்துக்கு ஆதரவாக தற்போது கருத்து வெளியிடும் ஆளுங்கட்சியினர் இன்னும் சில வருடங்களில் இதற்காக மக்களிடம் மன்னிப்புக் கேட்க வேண்டிவரும்.’ என்று மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் விஜித ஹேரத் தெரிவித்துள்ளார். 

இந்தியாவில் 10 நாட்கள் நடைபெற்ற மாநிலங்களவையின் மழைக்கால கூட்டத்தொடர் முன்கூட்டியே நிறைவு செய்யப்பட்டு ஒத்திவைக்கப்பட்டுள்ளது.

இன்று அதிகாலை மராட்டிய மாநிலம் தானே மாவட்டத்தின் பிவண்டி பகுதியில் அமைந்துள்ள 3மாடி கட்டிடம் ஒன்று திடிரென இடிந்து விழுந்தது.

கடந்த வியாழக்கிழமை ஐரோப்பிய யூனியன் தலைவர்களை புருஸ்ஸெல்ஸில் சந்தித்த நிலையில், தொடர்ந்து இழுபறியில் இருந்து வரும் பிரெக்ஸிட் விடயத்தில் தொடர்ந்து விளையாட வேண்டாம் என இலண்டனில் இருக்கும் பிரிட்டன் அதிகாரிகளிடம் ஜேர்மனியின் ஐரோப்பா விவகாரங்களுக்கான அமைச்சர் மைக்கேல் றொத் எச்சரிக்கை விடுத்துள்ளார்.

உலகின் வடதுருவத்துக்கு அருகே உள்ள கிறீன்லாந்து மற்றும் தென் துருவத்தின் அத்திலாந்திக் கடல் ஆகிய இடங்களில் இருக்கும் பனிப்பாறைகள் நிகழ்காலத்தில் அதிகரித்து வரும் உலக வெப்பமயமாக்கலினால் வேகமாக உருகி வருகின்றன.