உலகம்

2008 ஆமாண்டு பல மனித உயிர்களைக் கொன்று குவித்த மும்பைத் தீவிரவாதத் தாக்குதலின் சூத்திர தாரியான லஷ்கர் இ தொய்பா அமைப்பின் தலைவன் ஹபீஸ் சயீதுக்கு பாகிஸ்தான் நீதிமன்றம் 11 ஆண்டு சிறைத் தண்டனை விதித்துள்ளது.

தீவிரவாதத்துக்கு நிதியுதவி செய்த குற்றச்சாட்டின் பேரில் தான் ஹபீஸ் சயீதுக்கு இச்சிறைத் தண்டனை அளிக்கப் பட்டுள்ளது.

மும்பைத் தாக்குதலின் பின் ஹபீஸ் சயீது மற்றும் அவனுடன் தொடர்புடைய ஜமாத் உத் தாவா என்ற பல்வேறு தீவிரவாத அமைப்புக்களையும் ஐ.நா ஏற்கனவே தீவிரவாத அமைப்புக்களாகப் பிரகடனப் படுத்தி தடை விதித்திருந்தது குறிப்பிடத்தக்கது. இந்த கொடூர மும்பைத் தாக்குதலுக்கான ஆதாரங்களை இந்தியா பாகிஸ்தானுக்கு வழங்கிய போதும் இவன் பாகிஸ்தானில் சுதந்திரமாக செயலாற்றி வந்திருந்தான். இவன் மீது ஏற்கனவே 23 தீவிரவாத வழக்குகள் உள்ளன.

2017 இல் ஏற்கனவே ஹபீஸ் சயிது மற்றும் அவனின் 4 உறவினர்கள் தீவிரவாதத் தடுப்புச் சட்டத்தின் கீழ் சிறையில் அடைக்கப் பட்டனர். ஆனால் 11 மாதத்துக்குள் விடுவிக்கப் பட்டனர். இதையடுத்து அதிகரித்த சர்வதேசத்தின் அழுத்தத்தினால் பஞ்சாப் போலிசின் தீவிரவாதத் தடுப்புப் பிரிவினர் குற்றப் பத்திரிக்கை தாக்கல் செய்து ஹபீஸ் சயீதைக் கைது செய்துள்ளனர்.

அரச கணக்குகள் பற்றிய குழுவின் (CoPA) தலைவராக ஆளுங்கட்சி பாராளுமன்ற உறுப்பினர் பேராசிரியர் திஸ்ஸ விதாரண நியமிக்கப்பட்டுள்ளார். 

‘20வது அரசியலமைப்புத் திருத்தச் சட்டமூலத்துக்கு ஆதரவாக தற்போது கருத்து வெளியிடும் ஆளுங்கட்சியினர் இன்னும் சில வருடங்களில் இதற்காக மக்களிடம் மன்னிப்புக் கேட்க வேண்டிவரும்.’ என்று மக்கள் விடுதலை முன்னணியின் (ஜே.வி.பி) பாராளுமன்ற உறுப்பினர் விஜித ஹேரத் தெரிவித்துள்ளார். 

இந்தியாவில் 10 நாட்கள் நடைபெற்ற மாநிலங்களவையின் மழைக்கால கூட்டத்தொடர் முன்கூட்டியே நிறைவு செய்யப்பட்டு ஒத்திவைக்கப்பட்டுள்ளது.

இன்று அதிகாலை மராட்டிய மாநிலம் தானே மாவட்டத்தின் பிவண்டி பகுதியில் அமைந்துள்ள 3மாடி கட்டிடம் ஒன்று திடிரென இடிந்து விழுந்தது.

கடந்த வியாழக்கிழமை ஐரோப்பிய யூனியன் தலைவர்களை புருஸ்ஸெல்ஸில் சந்தித்த நிலையில், தொடர்ந்து இழுபறியில் இருந்து வரும் பிரெக்ஸிட் விடயத்தில் தொடர்ந்து விளையாட வேண்டாம் என இலண்டனில் இருக்கும் பிரிட்டன் அதிகாரிகளிடம் ஜேர்மனியின் ஐரோப்பா விவகாரங்களுக்கான அமைச்சர் மைக்கேல் றொத் எச்சரிக்கை விடுத்துள்ளார்.

உலகின் வடதுருவத்துக்கு அருகே உள்ள கிறீன்லாந்து மற்றும் தென் துருவத்தின் அத்திலாந்திக் கடல் ஆகிய இடங்களில் இருக்கும் பனிப்பாறைகள் நிகழ்காலத்தில் அதிகரித்து வரும் உலக வெப்பமயமாக்கலினால் வேகமாக உருகி வருகின்றன.