இலங்கை

ஐக்கிய நாடுகள் மனித உரிமைகள் பேரவையில் இலங்கை தொடர்பில் நிறைவேற்றப்பட்ட 31/1 தீர்மானத்திற்கு அரசாங்கம் இணை அனுசரணை வழங்கும் செயற்பாட்டிலிருந்து விலகுவதற்கு அமைச்சரவை அனுமதி வழங்கியுள்ளது. 

கொழும்பில் இன்று வியாழக்கிழமை இடம்பெற்ற அமைச்சரவை தீர்மானங்களை அறிவிக்கும் ஊடகவியலாளர் சந்திப்பில் இணை அமைச்சரவை பேச்சாளர் அமைச்சர் பந்துல குணவர்த்தன இதனை தெரிவித்துள்ளார்.

வெளிவிவகார அமைச்சர் தினேஷ் குணவர்த்தனவினால் யோசனை முன்வைக்கப்பட்டதாகவும் மக்கள் அதிகளவில் எதிர்ப்புத் தெரிவித்த மற்றும் சர்ச்சையை ஏற்படுத்திய ஐக்கிய நாடுகள் மனித உரிமை பேரவையின் 30/1 மற்றும் 40/1 பிரேரணைகளில் இருந்து விலகுவதற்கான அமைச்சரவைப் பத்திரம் தாக்கல் செய்யப்பட்டதாக பந்துல குணவர்த்தன இதன்போது குறிப்பிட்டுள்ளார்.

நாட்டைக் காப்பாற்றிய இராணுவத்தினருக்கு எதிராக, முன்வைக்கப்பட்ட இந்த யோசனை தொடர்பில் நாட்டை நேசிக்கும், இலங்கை மக்கள் எதிர்ப்பை தெரிவித்ததாக அவர் மேலும் கூறியுள்ளார்.

இவ்வாறான அனர்த்தத்திலிருந்து நாட்டை மீட்பதற்கே ஜனாதிபதி கோட்டாபய ராஜபக்ஸவுக்கு மக்கள் பெரும்பான்மை வாக்குகளை வழங்கிதால் இதற்கு அமைச்சரவை ஏகமனதாக அனுமதியை வழங்கியுள்ளதாக அமைச்சரவை இணைப் பேச்சாளர் கூறினார்.

குறித்த தீர்மானங்களிலிருந்து விலகும் செயற்பாடுகளை பிற நாடுகளின் ஒத்துழைப்புடன் வெளிவிவகார அமைச்சரினால் முன்னெடுக்கப்படவுள்ளதாகவும் தேசிய தேவையாக முன்னெடுக்கப்படும் இந்த செயற்பாட்டிற்கு அமைச்சரவையின் அனைத்து அமைச்சர்களும் ஏக மனதாக ஆதரவு வழங்கியதாக பந்துல குணவர்த்தன தெரிவித்துள்ளார்.

வடக்கு மற்றும் மலையகம் குறித்து கவனம் செலுத்துவது போன்று இந்தியா, இலங்கையின் தென்பகுதி குறித்தும் கவனம் செலுத்தவேண்டும் என்று பிரதமர் மஹிந்த ராஜபக்ஷ வேண்டுகோள் விடுத்துள்ளார். 

இலங்கைக்கு விஜயம் மேற்கொண்டுள்ள இந்திய தேசியப் பாதுகாப்பு ஆலோசகர் அஜித் டோவால், பிரதமர் மஹிந்த ராஜபக்ஷவை சந்தித்து பேசியுள்ளார். இந்தச் சந்திப்பு நேற்று வெள்ளிக்கிழமை பிற்பகல் இடம்பெற்றுள்ளது. 

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இந்தியாவின் ஸ்ரீநகர் புறநகரில் ரோந்து பணியில் ஈடுபட்டிருந்த ராணுவம் மீது நடத்தப்பட்ட பயங்கரவாத தாக்குதலில் இரண்டு பாதுகாப்புப் படையினர் கொல்லப்பட்டதாக போலீசார் தெரிவித்துள்ளனர்.

2016 ஆமாண்டு துருக்கி அதிபர் எர்டோகனுக்கு எதிராக மேற்கொள்ளப் பட்ட ஆட்சிக் கவிழ்ப்பு சதி உலகளவில் கடும் அதிர்வலைகளை ஏற்படுத்தியிருந்தது.

கிழக்கு சிரியாவில் இஸ்ரேல் விமானங்கள் நடத்திய வான்வழி குண்டுத் தாக்குதலில் 19 ஈரான் சார்பு துருப்புக்கள் பலியானதாக வியாழக்கிழமை சிரியாவில் இயங்கி வரும் மனித உரிமைகள் அமைப்பு தெரிவித்துள்ளது.