உலகம்

2024 இல் தனது பதவிக் காலம் முடிந்த பின்னர் ரஷ்ய அதிபர் விளாடிமிர் புடின் இன்னும் 12 வருடங்களுக்கு ரஷ்ய அதிபராகச் செயற்படும் விதத்திலான மசோதா ஒன்று ரஷ்யப் பாராளுமன்றத்தில் புதன்கிழமை இடம்பெற்ற மூன்றாவதும், இறுதியுமான அமர்வின் போது நிறைவேற்றப் பட்டுள்ளது.

இது தொடர்பான சட்ட மூலம் கிரெம்லினின் பாராளுமன்ற கீழ் சபையில் 383-0 என்ற வாக்கு வித்தியாசத்திலும் 43 நடுநிலை வாக்குகளாலும் நிறைவேற்றப் பட்டது.

ஆனால் இது ஏப்பிரல் 22 ஆம் திகதி மக்கள் மத்தியில் பொது வாக்கெடுப்புக்கு விடப்படவுள்ளது. ரஷ்யாவின் கிரெம்லின் புரட்சியாளர்கள் இது ஒரு இழிவன அதிகாரத் துஷ்பிரயோகம் என்று விமரிசித்து இதற்கு எதிராக ஆர்ப்பாட்டம் நடத்தப் பொது மக்களுக்கு அழைப்பு விடுத்துள்ளனர். கிட்டத்தட்ட 4 முறை அதிபராகப் பதவி வகித்த 67 வயதாகும் புடின் ரஷ்யாவை 20 ஆண்டுகளாக அதிபராக ஆட்சி செய்துள்ளார்.

ஆனாலும் 2008 ஆமாண்டு பிரதமராக புடின் பதவி இறங்க நேரிட்டதுடன், அவரது நெருங்கிய நண்பர் டிமிட்ரி மெத்வதேவ் 4 ஆண்டுகளுக்கு அதிபரானார். அவரின் ஆட்சிக் காலம் முடிந்ததும் மீண்டும் 2012 இல் மீண்டும் புடின் அதிபரானார். 2018 இல் இன்னும் 6 வருடங்களுக்கு ரஷ்ய அதிபராக புடின் மறுபடியும் பதவியேற்றார். தற்போது புடினின் மேலதிக 12 வருட பதவிக் காலம் தொடர்பான சட்டம் பொது மக்கள் வாக்கெடுப்புக்குப் பின் ரஷ்யாவின் சட்ட அமுலாக்க நீதிமன்றத்திலும் பரிசீலனைக்கு எடுத்துக் கொள்ளப் படும். அதன் பின்பு தான் அதிபர் புடினின் பதவிக்கால நீட்டிப்பு தொடர்பில் முடிவெடுக்கப் படும் என்பது குறிப்பிடத்தக்கது.

ஜனாதிபதி கோட்டாபய ராஜபக்ஷவினால் அண்மையில் நிறுவப்பட்டுள்ள புதிய ஜனாதிபதி செயலணிகள் இரண்டினது அதிகாரங்கள் மற்றும் செயற்பாடுகள் குறித்து பல்வேறு சந்தேகங்கள் காணப்படுவதாக மாற்றுக் கொள்கைகளுக்கான நிலையம் தெரிவித்துள்ளது. 

கேகாலையில் ஆரம்பமான பயிர்களை தாக்கும் மஞ்சள் புள்ளிகளைக் கொண்ட வெட்டுக்கிளிகள் மேலும் பல மாவட்டங்களுக்கு வியாபித்துள்ள நிலையில், பாலைவனத்தில் காணப்படும் வெட்டுக்கிளிகள் இலங்கைக்கு வரக்கூடிய அனர்த்தம் காணப்படுவதாக தெரிவிக்கப்பட்டுள்ளது. 

2,36,657 கொரோனா பாதிப்பாளர்கள் இந்தியாவில் இன்று பதிவாகியுள்ளதாக மத்திய சுகாதார அமைச்சகம் தெரிவித்து உள்ளது. அதோடு கொரோனா நோயாளிகளுக்கு சிகிச்சை அளிக்க மறுக்கும் தனியார் மருத்துவமனைகளுக்கு எதிராக நடவடிக்கை எடுக்கப்படும் என அரவிந்த் கெஜ்ரிவால் எச்சரித்துள்ளார்.

இந்தியா சீனா எல்லைப்பிரச்சனை குறித்து இரு நாட்டு அதிகாரிகளுக்கிடையில் இன்று பேர்ச்சுவார்த்தை நடைபெற இருப்பதாகவும் இரு நாடுகளும் அமைதிப் பேர்ச்சுவார்த்தையின் மூலம் தீர்வு காண சம்மதித்திருப்பதாவும் செய்திகள் தெரிவிக்கின்றன.

கொரோனா வைரஸ் தடுப்பூசி உருவாக்கப்பட்டு வருகின்ற நிலையில், அடுத்த ஆண்டுக்கு முன்னர் அது பரவலாக கிடைப்பது சாத்தியமில்லை என ஊகிக்கப்படுகிறது.

Worldometers இணையத் தளத்தின் சமீபத்திய கொரோனா புள்ளிவிபரம் :