உலகம்

சுவிற்சர்லாந்தில் இன்று நன்பகல் வெளியான புள்ளி விபரங்களின் படி கொரோனா வைரஸ் தொற்று 1000க்கும் அதிகமாகியுள்ளதாகத் தெரியவருகிறது.

சுவிஸிற்கு அன்மையிலுள்ள மன்னராட்சிப்பகுதியான லிங்சென்ஸ்டைனில் உறுதி சய்யப்பட்ட 4 தொற்றாளார்கள் உட்பட 1125 நேர்மறையான சோதனையாளர்கள் உள்ளதாக அறிவிக்கப்படுகிறது. இவற்றில் 1009 பேர் தொற்று உறுதிப்படுத்தப்பட்டவர்கள் எனவும், மிகுதியான 116 பேர் பரிசோதனை முடிவுகளுக்காக காத்திருப்பதாகவும், பொது சுகாதார கூட்டாட்சி அலுவலகம் (FOPH) தெரிவித்துள்ளது.

நேற்று வியாழக்கிழமை உறுதிப்படுத்தப்பட்ட எண்ணிக்கையிலிருந்து 194 அலகுகள் அதிகரித்துள்ளதாகவும் தெரிவிக்கப்படுகிறது. வைரஸ் தொற்று காணப்படும் மாநிலங்களில், அதிகம் பாதிக்கப்பட்டுள்ள மாநிலங்களாக டிசினோ, வாட் , சூரிச், பாஸல்-நகரப்பகுதி, மற்றும் ஜெனீவா ஆகியன காணப்படுகின்றன.

இத்தாலியில் இருந்து சுவிற்சர்லாந்துக்கு எல்லை தாண்டிய பணியாளர்கள், சுவிஸ் குடியிருப்பாளர்கள் மற்றும் சுவிஸ் குடிமக்கள் மட்டுமே பயணிக்க முடியும். இதுவே ஜேர்மன், பிரான்ஸ், ஆஸ்திரியா நாடுகளின் எல்லைகளுக்கும் பொருந்தும். பள்ளிகள் ஏப்ரல் 5 வரை மூடப்பட்டன. பொது இடங்களில் ஒரே நேரத்தில் அதிகபட்சம் 50 பேர் வரையிலே கூட முடியும். பிள்ளைகளை பேரன், பேத்தியிடமோ வயதானவர்களிடமோ பராமரிக்க விட்டுச் செல்வதை தவிர்க்கவும். என்பன இன்று தலைநகர் பேர்ணில் கூடிய கூட்டாட்சி அரச தலைவர்கள் கூட்டத்தில் எடுக்கபட்ட புதிய முடிவுகளாகும்.