உலகம்

ஸ்பெயினில் கடந்த 24 மணித்தியாலத்தில் 738 இறப்புக்கள் பதிவாகியுள்ளதை அடுத்து அங்கு மொத்தப் பலி எண்ணிக்கை 3434 ஆகியுள்ளது.

இது கோவிட்-19 வைரஸ் ஆரம்பமாகிய சீனாவில் ஏற்பட்ட உயிரிழப்புக்களை விட அதிகமாகும். மேலும் இத்தாலி, சீனா ஆகிய நாடுகளுக்கு அடுத்து கோவிட்-19 தொற்றினால் அதிகம் பாதிக்கப் பட்ட 3 ஆவது உலக நாடாக ஸ்பெயின் விளங்குகின்றது.

கடந்த 11 நாட்களாக கால வரையறை அற்ற லாக்டவுனில் ஸ்பெயின் இருந்து வருகின்றது. அங்கு தற்போது 47 610 பேர் கோவிட்-19 தொற்றுக்கு உள்ளாகியுள்ளனர். இந்நிலையில் ஏப்பிரல் 11 ஆம் திகதி வரை ஸ்பெயினில் நாடளாவிய முடக்கம் நீட்டிக்கப் பட்டுள்ளது. கோவிட்-19 தொற்றினால் அதிகம் பீடிக்கப் பட்டுள்ள தலைநகர் மேட்ரிட்டில் வைத்திய சாலைகளில் கடும் நெருக்கடி ஏற்பட்டிருப்பதாகவும், அங்கு போர்க்கால அடிப்படையில் இராணுவத்தினர் தற்காலிக மருத்துவ வசதிகளை ஏற்படுத்தி வருவதாகவும் தெரிய வருகின்றது.

மேலும் இந்த நகரில் மரணச்சடங்கு செய்வதற்கான சேவைகளில் எண்ணற்ற சடலங்கள் வந்து சேர்ந்திருப்பதால் அவற்றைப் பாதுகாப்பாக முறைப்படி அகற்றுவதிலும் சவால் ஏற்பட்டிருப்பதாக செய்திகள் வெளியாகி உள்ளன. மேலும் சமீபத்தில் சீனாவிடம் இருந்து 432 மில்லியன் யூரோக்கள் பெறுமதியான மருத்துவ உபகரணங்களை அண்மையில் ஸ்பெயின் கொள்வனவு செய்துள்ளது.

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“மக்கள் வாக்களிப்பு நிலையங்களுக்கு வருவதால் கொரோனா தொற்று பரவலாமென பயப்படத் தேவையில்லை. சுகாதார நடவடிக்கைகள் பலப்படுத்தப்பட்டிருக்கின்றன. அதற்காக 1,000 கோடி ரூபா என்ற பெருந் தொகைப் பணத்தை ஒதுக்கியிருக்கின்றோம்.” என்று தேர்தல் ஆணைக்குழுத் தலைவர் மஹிந்த தேசப்பிரிய தெரிவித்துள்ளார். 

“முஸ்லிம் மக்களை தவறாக வழிநடத்தி அதிகாரத்திற்கு வந்த முஸ்லிம் தலைவர்கள் எனது ஆட்சிக் காலத்திலும் இருந்தனர். ஆனால், அனைத்து இன மக்களையும் ஜனநாயக உரிமைகளுடன் வாழ வைப்பதே எமது இலக்கு.” என்று பிரதமர் மஹிந்த ராஜபக்‌ஷ தெரிவித்துள்ளார். 

இந்திய மத்திய மந்திரிசபை நவம்பர் மாதம் வரை ஏழைமக்களுக்கு இலவச அரிசி மற்றும் பருப்பு வழங்க ஒப்புதல் வழங்கியுள்ளது.

இந்தியாவில் பெரும் பரபரப்பை ஏற்படுத்திய சாத்தான்குளம் போலீசார் விசாரணையில் உயிரிழந்த தந்தை-மகன் சம்பவத்தையடுத்து தமிழ்நாட்டில் பிரெண்ட்ஸ் ஆஃப் போலீஸ் அமைப்பினருக்கு அரசு தடை விதித்துள்ளது.

கொரோனா வைரஸ் தொற்று நோய்களின் அதிக ஆபத்து இருப்பதாக அறிவிக்கப்பட்ட 13 நாடுகளுக்கு இத்தாலி தனது எல்லைகளை மூடுவதாக அறிவித்துள்ளது.

கொரோனா வைரசின் கடும் பாதிப்புக்குள்ளான நாடுகளில் ஒன்றான இத்தாலியில், தலையொட்டிப்பிறந்த இரட்டையர்களை அறுவை சிகிச்சை மூலம் வெற்றிகரமாகப் பிரித்து, மருத்துவ உலகில் மகத்தான சாதனை புரிந்துள்ளார்கள் இத்தாலிய மருத்துவர்கள்.