உலகம்

மில்லியன் டாலர் பெறுமதியான கேள்வியாக இப்போது உலகெங்கும் இருப்பது எப்போது இந்த வைரஸ் தாக்கம் முடியும் அல்லது குறையும் என்பதே. ஆனால் வைரஸ் தொற்றுக்கு உள்ளான எந்தவொரு நாட்டிலும் இதற்கான துல்லியமான பதிலைத் தரமுடியாத நிலையிலேயே வல்லுனர்கள் இருப்பதுதான் யதார்த்தம்.

கொரோனா வைரஸ் நெருக்கடியின் உச்சம் கோடையின் ஆரம்ப கட்டத்தில் இருக்கக்கூடும் என்று சுவிஸ் அரசு நம்புகிறது.

சுவிற்சர்லாந்தில் கொரோனா வைரஸ் தாக்கத்தின் உச்சம் எப்போது வரும், எப்போது அது வீழ்ச்சி நிலை அடையும் என, சுவிஸ் தொற்று நோய்கள் பிரிவின் முதலாளி டேனியல் கோச் அவர்கள் செய்தியானர் மாநாடு ஒன்றில் பேசுகையில், வைரஸின் கணிக்க முடியாத தன்மையைக் கருத்தில் கொண்டு ஒரு முன்னறிவிப்பை செய்ய தயங்கினாலும், “நான் ஒரு முன்னறிவிப்பை செய்யத் துணியவில்லை. ஆனால் தற்போதைய அலை கோடையின் தொடக்கத்தில் முடிந்துவிடும் என்று நாங்கள் கருதுகிறோம். ”என்று கூறினார்.

சுவிற்சர்லாந்தின் உள்துறை அமைச்சர் அலைன் பெர்செட் பத்திரிகையாளர் சந்திப்பின் போது கூறுகையில்; " ​​உறுதிப்படுத்தப்பட்ட தொற்று நோய்களின் தினசரி எண்ணிக்கையில் குறைவு ஏற்பட்டாலும், அது நெருக்கடியின் முடிவைக் குறிக்காது. மக்கள் பாதிக்கப்படக்கூடிய குழு நிலை ஆபத்துக்கள் உள்ளன. ஆகையால் பாதுகாப்பு நடவடிக்கைகள் தொடரவேண்டும்." என்றார்.

அவர் மேலும் பேசுகையில்; " சுவிஸ் பொதுமக்கள் பொறுமையாக இருக்க வேண்டும் . காலநிலை மேம்படத் தொடங்கும் போது சமூக தொலைதூர நடவடிக்கைகளை முறியடிக்கும் எண்ணங்களும், செயல்களும், உருவாகும். அதை நாம் தவிர்க்கவேண்டும் " என்றும் அவர் எச்சரித்தார்.

"ஏப்ரல் மாத தொடக்கத்தில் குறிப்பாக வானிலை நன்றாக இருக்கும், நீங்கள் வெளியில் இருக்க விரும்புவீர்கள். ஆனால் இந்த ஆண்டு ஏப்ரல் முந்தைய ஆண்டுகளை விட வித்தியாசமான ஏப்ரல் மாதமாக இருக்கும் என்பதனை நாம் உணர்ந்து கொள்ள வேண்டும். நாங்கள் ஒன்றாக நிற்க வேண்டும், விடாமுயற்சியுடன் இருக்க வேண்டும்." என்றார்.

பெப்ரவரி 25 ஆம் தேதி டிசினோ மாநிலத்தில் முதல் தொற்று உறுதி செய்யப்பட்டதிலிருந்து உறுதிப்படுத்தப்பட்ட நோய்த்தொற்றுகளின் எண்ணிக்கை சுவிற்சர்லாந்தில் அதிகமாகவுள்ளது.

ஏப்ரல் 1 ஆம் தேதி புதன்கிழமை மாலை நிலவரப்படி, நாடாளவியரீதியில் 17,785 தொற்றாளர்கள் மாநிலரீதியான புள்ளி விபரங்களின்படி உறுதிசெய்யப்பட்டுள்ளன. அதேபோல்
வைரஸ் தாக்கத்தின் முதல் மரணம் பதிவாகிய மார்ச் 5 ஆம் திகதி முதல் ஏப்ரல் 1 ஆம் திகதி வரையிலான காலப்பகுதியில், மொத்தம் 488 பேர் உயிரிழந்துள்ளதாக மாநில அரசுகளின் அறிவிப்பின் தொகுப்பா மத்திய கூட்டாட்சி அரசு அறிவித்துள்ளது.

இதேவேளை ஆகஸ்ட் முதலாம் திகதி சுவிற்சர்லாந்தின் தேசிய தினத்தை முன்னிட்டு நடத்தப்பெறும் வாணவேடிக்கை நிகழ்ச்சிகள் இம்முறை நடைபெறாது என மாநில ரீதியான அறிவிப்புக்கள் வெளியாகத் தொடங்கியள்ளன.

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.