உலகம்

மார்ச் 21க்குப் பின்னர் கொரோனா வைரஸின் கோரத் தாக்குதலுக்கு உள்ளாகி, மிக மோசமாகப் பாதிக்கப்பட்ட இத்தாலி இன்று முதல் முறையாக சற்று ஆசுவாசம் கொள்ளத் தொடங்கியிருக்கிறது.

இத்தாலியில் கொரோனா வைரஸ் இறப்பு எண்ணிக்கை இன்று சனிக்கிழமை 681 இருந்த போதும், சமீபத்திய நாட்களில், தீவிர சிகிச்சைப் பிரிவுக்கு அனுமதியான நோயாளிகள் தொகை குறைவாகக் காணப்பட்டதே இதற்கான காரணம்.

இன்றைய இறப்புக்களுடன் மொத்த எண்ணிக்கை 15,362 பேர் எனப் பதிவாகியுள்ள நிலையில் அதிகாரிகள், நோய் தொற்று வரைநிலைப் புள்ளியை RO -1 என மதிப்பீடு செய்துள்ளார்கள். ஆயினும் இப்புள்ளி RO - 0 வரும் போதே தொற்றின் அபாயம் நீங்கியதாகக் கொள்ள முடியும் என அவர்கள் தெரிவித்துள்ளார்கள்.

அந்த நிலையை அடைவதற்கு மேலும் ஒரு மாதகாலம் ஆகலாம் என்பதனால் தற்போதுள்ள அவசரகால கட்டுப்பாடுகளை உடனடியாக தளர்த்த முடியாதிருக்கும். ஆதலால் இந்தப் புள்ளியின் சரிவுநிலைக்கு ஏதுவாக, படிப்படியாக நடைமுறை வாழ்க்கைக்கான செயற்பாடுகள் தொடங்க முடியும் எனவும் நம்பிக்கை தெரிவித்துள்ளார்கள். ஆகவே பொது மக்கள் இந்த மாதத்தில் வரும் பண்டிகை, மற்றும் , விடுமுறை நாட்களை வெளியே சென்று கொண்டாடும் எண்ணத்தை தவிர்க்குமாறும் அறிவுறுத்தியுள்ளார்கள்.

கொரோனா வைரஸ் நெருக்கடியின் தொடக்கத்திலிருந்து தினசரி அதிக நோயாளர்களால் நிறைந்திருந்த தீவிர சிகிச்சைப் பிரிவுகளிலிருந்து, சமீபத்திய நாட்களில் பலரும் வெளியேறி வருவது, இதுவரை நாம் எடுத்துக் கொண்ட நடவடிக்கைகளின் மீதான நம்பிக்கையை தோற்றுவிக்கின்றது எனவும், கடந்த 24 மணி நேரத்தில் 70 க்கும் மேற்பட்டோர் ஐ.சி.யுவிலிருந்து வெளியேற்றப்பட்டுள்ளனர் என்றும், இது மிகவும் முக்கியமான செய்தி என்றும், சிவில் பாதுகாப்பு சேவைத் தலைவர் ஏஞ்சலோ பொரெல்லி செய்தியாளர்களிடம் தெரிவித்தார்.

அவர் மேலும் பேசுகையில், "இந்த நாட்கள் எங்கள் மருத்துவமனைகளை சுவாசிக்க அனுமதிக்கிறது. நாங்கள் அவசரகால நடவடிக்கைகளை ஆரம்பித்த பின்னர் இந்த எண்ணிக்கை வீழ்ச்சியடைவது இதுவே முதல் முறை. ஆனால் மார்ச் 27 அன்று ஒரேநாநாளில் நாங்கள் கிட்டத்தட்ட 1,000 பேர் இழந்துவிட்டோம் என்பதை நான் உங்களுக்கு நினைவூட்ட விரும்புகிறேன். அன்றைய தினம் இத்தாலி 969 இறப்புகளைப் பதிவு செய்தது. நேற்று வெள்ளிக்கிழமை கிட்டத்தட்ட 1,500 இறப்புகளை அமெரிக்கா அறிவிக்கும் வரை, அன்றைய இழப்புக்களே அதி கூடியவையாக இருந்தன." என்றார்.

"இத்தாலி முழுவதும் தினசரி புதிய தொற்றுநோய்களின் அதிகரிப்பு நான்கு சதவீதமாக குறைந்துள்ளதாயினும், அதிகாரிகள் இன்னும் வெற்றியை அறிவிக்கவில்லை. நோயாளிகளின் எண்ணிக்கை வீழ்ச்சி ஒரு வலுவான சமிக்ஞையாகும். அதை முக்கியமான கட்டத்தை நாம் வென்றுவிட்டோம் என்பதற்கான அடையாளமாக எடுத்துக் கொள்ளக்கூடாது" என்று அரசாங்கத்தின் அறிவியல் கவுன்சில் தலைவர் பிராங்கோ லோகடெல்லி கூறினார்.

இது இவ்வாறிருக்க, இத்தாலிய பிரதமர் யூசெப் கோன்டே ஐரோப்பிய ஆணையத்தின் தலைவர் உர்சுலா வான் டெர் லேயனுக்கு எழுதிய கடிதம் ஒன்றில், " கொரோனா வைரஸ் தாக்கத்தின் அவசரநிலையை எதிர்கொள்வதில், ஐரோப்பிய ஒற்றுமை உணரப்படவில்லை, மேலும் இழக்க நேரமில்லை. ஒற்றுமையின் வலிமையைக் காட்ட வேண்டிய தருணம் இது" கூறியுள்ளதாகத் தெரிய வருகிறது.

இவற்றையும் பார்வையிடுங்கள்

வடக்கு மாகாணத்தில் 84 கொரோனா தொற்றாளர்கள் மட்டுமே, கடந்த மார்ச் முதல் இன்று வரையான காலப்பகுதியில் அடையாளம் காணப்பட்டுள்ளதாக வடக்கு மாகாண சுகாதார சேவைகள் பணிப்பாளர் மருத்துவர் ஆ.கேதீஸ்வரன் தெரிவித்துள்ளார். 

மத்திய வங்கி பிணை முறி மோசடி தொடர்பில் குற்றஞ்சாட்டப்பட்டு தற்போது சிங்கப்பூரில் இருக்கும் மத்திய வங்கியின் முன்னாள் ஆளுநர் அர்ஜுன் மகேந்திரனை இலங்கைக்கு அழைத்து வருவது தொடர்பான சட்டமா அதிபரின் அறிக்கை இன்று வியாழக்கிழமை அல்லது நாளை தமக்கு கிடைக்கும் என்று நீதியமைச்சர் அலி சப்ரி தெரிவித்துள்ளார். 

புரேவி புயல் அனர்த்த நடவடிக்கைகள் தொடர்பாக பிரதமர் மோடி; தமிழக முதலமைச்சர் எடப்பாடி பழனிசாமியுடன் ஆலோசனை நடத்தினார்.

இந்திய வானிலை மையம் அறிவித்துள்ள அறிக்கையின் படி வங்கக்கடலில் நிலைகொண்டிருந்த காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாகியுள்ளது.

ஐரோப்பிய நாடுகளின் தற்போதைய பெரும் கவலை, நத்தார் புதுவருடக் கொண்டாட்டங்களை எவ்வாறு கோவிட் - 19 வைரஸ் தொற்றுப் பாதுகாப்புக்களுடன் கொண்டாட மக்களை ஒருங்கமைப்பது என்பதாகும்.

ரஷ்யா தனது S-300V4 ரக நவீன ஏவுகணைப் பாதுகாப்பு பொறிமுறையை ஜப்பானின் சர்ச்சைக்குரிய தீவுகளின் தொகுதி அருகே நிலை நிறுத்தியிருப்பதாக செவ்வாய்க்கிழமை அறிவித்துள்ளது.