உலகம்

கொரோன வைரஸ் தொற்றுக் காரணமாக விதிக்கபட்ட கட்டுப்பாடுகளின் மூன்றாங் கட்டத் தளர்வு ஜுன் 8ந் திகதி என அறிவிக்கப்பட்ட போதிலும், நாட்டில் வைரஸ் தொற்றுவதில் ஏற்பட்டுள்ள வீழ்ச்சி காரணமாக, மேலும் சில தளர்வுகளை முன்னதாகவே செய்வதற்கு அரசு முடிவு செய்துள்ளது.

குறிப்பாக மதத் தலங்களில், பொது வழிபாடுகளை நடத்துவதற்கு விதிக்கப்பட்டிருந்த கட்டுப்பாடுகளை மே 28 முதல் தளர்த்துவதற்கு ஆலோசிப்பதாக மத்திய கூட்டாட்சியின் உள்துறை அமைச்சர் அலைன் பெர்செட் தெரிவித்துள்ளார்.

கொரோனா வைரஸ் அவசரநிலை தொடர்பான நிலைமைகள் பற்றிய, இன்றைய பத்திரிகையாளர் சந்திப்பு தலைநகர் பேர்னில் நடைபெற்ற போது, பேசிய உள்துறை துறைத் தலைவர் அலைன் பெர்செட், ; " மூன்று வாரங்களுக்கு, முன் மறு திறப்புகள் தொடங்கியபோது இருந்ததை விட தொற்றுக் குறித்த தற்போதைய புள்ளிவிவரங்கள் ஊக்கமளிக்கின்றன. புதிய நோய்த்தொற்றுகள் குறைவாக உள்ளன. இருப்பினும், ஓய்வெடுக்கவோ அலட்சியமாக இருப்பதற்கோ இன்னும் நேரம் வரவில்லை. இயல்பு நிலை சரியாவதற்கு முன் நாம் தடுமாறக்கூடாது. கோடை மாதங்களை நம்பிக்கையுடன் எதிர்நோக்குவதற்காக விதிகளை நாங்கள் தொடர்ந்து மதிக்க வேண்டும் " என்றார்.

2021 ம் ஆண்டில் சுவிற்சர்லாந்தின் சுகாதார காப்பீடு அதிகரிக்கலாம் !

இரண்டாவது அலை ? இது முன்பு போல இருக்காது - இரண்டாவது அலையைப் பொறுத்தவரை, தன்னை வெளிப்படுத்தாமலும் இருக்கலாம். ஆனாலும் பெரும்பாலும் நாம் ஏற்கனவே எதிர்கொண்டதைப் போல இருக்க முடியாது. இந்த வைரஸைப் பற்றி முன்பு எங்களுக்கு எதுவும் தெரியாது. என்ன நடக்கும் என்று யாருக்கும் தெரியாது, ஆனால் இப்போது நாங்கள் நிறைய கற்றுக்கொண்டோம். அதனால் எதிர்காலத்தில் நாம் எடுக்கும் நடவடிக்கைகள் முற்றிலும் மாறுபட்ட அடிப்படையில் எடுக்கப்படும். எல்லாவற்றிற்கும் மேலாக, சமீபத்திய மாதங்களில் வைரஸ் தொற்றின் வீழ்ச்சி தான் எங்கள் முடிவுகளுக்கு வேகத்தை அளித்தது என்றார்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

மே 28 முதல் அனைத்து மதங்களின் சேவைகளையும் மீண்டும் அனுமதிக்க, மீண்டும் தொடங்குவதை அங்கீகரிக்க அரசாங்கம் இன்று காலை முடிவு செய்தது. ஆயினும் பங்கு கொள்வோர்களது எண்ணிக்கை,  பாதுகாப்புத் திட்டங்கள், தொற்று சங்கிலிகளின் புனரமைப்பை உறுதி செய்வதற்கும் மத்திய சுகாதாரத்துறை (FOPH) பொதுவான பாதுகாப்புத் திட்டமொன்றை உருவாக்கியுள்ளது. அவை தொடர்பான விபரங்கள் அடுத்த வாரத்தில் அறிவிக்கப்படும்.

ஜூன் 8 மூன்றாவது கட்டத்தின் விவரங்களை அரசாங்கம் அறிவிக்கும் போது ஐந்துக்கும் மேற்பட்ட நபர்களின் கூட்டங்கள் மீண்டும் சாத்தியமாகலாம் என எதிர்பார்க்கப்படுகிறது. அதேபோல் விரைவாகவே பிற பள்ளிகள் மற்றும் பயிற்சி மையங்கள், தியேட்டர்கள், சினிமாக்கள், உயிரியல் பூங்காக்கள், தாவரவியல் பூங்காக்கள், நீச்சல் குளங்கள் மற்றும் மலை ரயில்வே ஆகியவற்றை மீண்டும் திறக்க திட்டமிடப்பட்டுள்ளது.

வாழும் பிரபாகரன் ! : பகுதி 6

எல்லைகளைப் பொறுத்தவரை, ஜெர்மனி, ஆஸ்திரியா மற்றும் பிரான்ஸ் உள்ளவர்கள் ஜூன் நடுப்பகுதியில் இருந்து மீண்டும் அனுமதிக்கப்படுவார்கள். இத்தாலியில் நுழைந்து வெளியேறுவதற்கான விதிகள் தொடர்பாக இன்னும் விவாதிக்கப்படுகின்றது.

தொற்றுநோய்களைக் கட்டுப்படுத்தும் நோக்கில் இடப்பெயர்வுகளைக் கண்காணிப்பதற்கான புதிய செயலி, ஜூன் இறுதிக்குள் தயாராக இருக்கக்கூடும். பாராளுமன்றத்தின் கோடைகால அமர்வின் போது பாராளுமன்றத்தால் ஒப்புதல் பெறப்பட வேண்டும் . அதிகாரிகள் அதைப் பயன்படுத்த அனுமதிக்க வேண்டும். மீண்டும் தொற்றின் முடக்கத்திற்கு நாம் செல்ல விரும்பவில்லை. இந்த காரணத்திற்காக, தொற்றுநோய்களின் வளர்ச்சியை சிறப்பாக பின்பற்ற, தொடர்புகளை கண்டுபிடிப்பது முக்கியம் என்று நாங்கள் நம்புகிறோம்.

சுவிற்சர்லாந்தில் மக்களின் நன்நடத்தையே உண்மையில் தொற்று நோயின் வீழ்ச்சிக்கு உதவியது : டேனியல் கோச்
இருப்பினும் கொரோனா வைரஸ் தொற்று ஏற்படுவதற்கான சாத்தியக்கூறுகள் குறித்து மக்களுக்கு தெரிவிக்க மட்டுமே இது உதவும். தரவுகளின் பாதுகாப்பு எல்லா நேரங்களிலும் உத்தரவாதம் இருப்பினும், அதை பதிவிறக்குவது கட்டாயமாக இருக்காது என பெர்செட் குறிப்பிட்டார்.

பாராளுமன்றத்தில் சமர்ப்பிக்கப்பட்டுள்ள 20வது திருத்தச் சட்டமூலத்துக்கு எதிராக இதுவரை 12 மனுக்கள் உயர்நீதிமன்றத்தில் தாக்கல் செய்யப்பட்டுள்ளன. 

தியாகி திலீபனின் நினைவு தினமான 26ஆம் திகதி தொண்டமனாறு செல்வச்சந்நிதி முருகன் ஆலய முன்றலில் உண்ணாவிரதப் போராட்டத்துக்கு தமிழ்க் கட்சிகள் அழைப்பு விடுத்துள்ளன. 

7 மாநில முதல் மந்திரிகளுடனான கொரோனா ஆலோசனை கூட்டத்தில் பிரதமர் நரேந்திர மோடி நேற்று கலந்துரையாடினார்.

இன்று அதிகாலை குஜராத்தில் உள்ள ஓ.என்.ஜி.சி ஆலையில் திடிரென தீ விபத்து ஏற்பட்டது.

நாளை வெள்ளிக்கிழமை முதலான வார இறுதி நாட்களில், சுவிற்சர்லாந்தின் பல பகுதிகளில் பனிப்பொழிவு இடம்பெறலாம் என சுவிஸ் வானிலை மையம் அறிவித்துள்ளது.

சுவிற்சர்லாந்தின் புகழ்பெற்ற லொசேன் ஈ.எச்.எல் ஹாஸ்பிடாலிட்டி மேனேஜ்மென்ட் கல்விக் கூடத்தில் சுமார் 2,500 மாணவர்கள், கொரோனா வைரஸ் தொற்றுக் காரணமாகத் தனிமைப்படுத்தப்பட்டுள்ளனர் என பிராந்திய அதிகாரிகள் நேற்று புதன்கிழமை அறிவித்துள்ளனர்.