உலகம்

இந்திய மற்றும் சீன எல்லைப் பகுதியில் நிலவி வரும் கடினமான சூழலைத் தீர்த்து வைக்க இரு நாடுகளுடனும் அமெரிக்க அரச நிர்வாகம் பேச்சுவார்த்தை நடத்தி வருவதாக அமெரிக்க அதிபர் டிரம்ப் தெரிவித்துள்ளார்.

இத்தகவலை அதிபர் தேர்தல் பிரச்சாரத்துக்காக ஓக்லஹோமா புறப்பட முன்பு வெள்ளை மாளிகையில் செய்தியாளர்களிடம் பேசிய போதே டிரம்ப் தெரிவித்துள்ளார். அவர் மேலும் தெரிவித்ததாவது,

'தற்போது இந்தியாவுக்கும் சீனாவுக்கும் இடையே ஏற்பட்டுள்ள முறுகல் நிலையானது இரு தேசங்களுக்குமே பெரிய பிரச்சினை தான். இதில் இருந்து இவையிரண்டுமே விடுபட நாம் உதவ முயற்சிப்போம். அடுத்து என்ன நிகழ்கின்றது என்று பார்ப்போம்.' என்றுள்ளார். கடந்த மாதம் எல்லைப் பிரச்சினையில் மத்தியஸ்தம் வகிக்கத் தயார் என டிரம்ப் அறிவித்த வேளையில் இந்தியா மற்றும் சீனா ஆகிய இரு நாடுகளுமே அதற்கு இணங்கவில்லை. நாமே இதனைப் பேசித் தீர்த்துக் கொள்வோம் என்று அறிவித்து விட்டன.

ஜூன் 2 ஆம் திகதி இந்த விவகாரம் தொடர்பில் இந்தியப் பிரதமர் நரேந்திர மோடியுடன் அதிபர் டிரம்ப் தொலைபேசியில் உரையாடியுள்ளார். இந்திய, சீன எல்லைப் பிரச்சினையில் அமெரிக்க அரச நிர்வாகத்தைச் சேர்ந்த பல எம்பிக்கள், உயரதிகாரிகள் பலர் இந்தியாவுக்கு ஆதரவாகவே உள்ளனர். சீனா நம்பகத்தன்மையற்ற நாடு என்பது இவர்களில் பெரும்பாலானவர்களின் கருத்தாக இருப்பதும் குறிப்பிடத்தக்கது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.