உலகம்

அண்மையில் ஏற்பட்ட நெஞ்சு வலியை அடுத்து காத்மண்டு கங்காலால் தேசிய இருதய மையத்தில் அனுமதிக்கப் பட்டுள்ள நேபாள பிரதமர் சர்மா ஒலி விரைவில் பணிக்குத் திரும்புவார் என்றும் அதன் பின் மக்களிடம் பேசுவார் என்றும் அவரின் செய்தி ஆலோசகர் டுவிட்டரில் தெரிவித்துள்ளார்.

எனினும் பிரதமர் சர்மா ஒலிக்கு அரசியல் நெருக்கடிகள் முற்றியிருப்பதாகவும், விரைவில் அவர் பதவியை இழக்கக் கூடும் என்று தகவல் வெளியாகியுள்ளது.

ஏற்கனவே கடந்த ஞாயிற்றுக் கிழமை பிரதமர் பதவியில் இருந்து தம்மை நீக்க இந்தியா மறைமுகமாக வேலை செய்கின்றது என பிரதமர் சர்மா ஒலி குற்றம் சாட்டியிருந்தார். தற்போது இவருக்கு எதிராக நேபாளத்தின் ஆளும் கம்யூனிசக் கட்சி மூத்த தலைவர்கள் கொடி பிடித்துள்ளனர். கடந்த செவ்வாய்க்கிழமை பதவியை ராஜினாமா செய்யுமாறு சர்மா ஒலிக்கு இவர்கள் நெருக்கடி அளித்தனர். இவரை அமைச்சரவைக் கூட்டத்தில் கலந்து கொள்ளுமாறு ஆளும் கட்சி அழைப்பு விடுத்த போதும் அதனை சர்மா ஒலி நிராகரித்துள்ளார்.

புதன்கிழமை இவ்விவகாரம் தொடர்பில் சர்மா ஒலி ஜனாதிபதியைச் சந்தித்துப் பேசியுள்ளார். சீனாவுடன் மறைமுகமாக கைகோர்த்துக் கொண்டு எல்லை வரைபட விவகாரத்தில் இந்தியாவுக்கு எதிராகச் செயற்பட்டதன் விளைவாகவே ஆளும் கம்யூனிசக் கட்சியில் பிரதமர் சர்மா ஒலிக்கு எதிராக கடும் எதிர்ப்பு எழுந்துள்ளது. முக்கியமாக இறுதியாக நடந்த கம்யூனிசக் கட்சியின் நிலைக்குழு கமிட்டி கூட்டத்தில் மொத்தம் இருந்த 44 உறுப்பினர்களில் 31 உறுப்பினர்கள் சர்மா ஒலிக்கு எதிர்ப்புத் தெரிவித்திருந்தனர் என்பது குறிப்பிடத்தக்கது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

இவற்றையும் பார்வையிடுங்கள்

நாடு மிக வேகமாக இராணுவ ஆட்சியை நோக்கி செல்வதாக ஐக்கிய மக்கள் சக்தியின் பாராளுமன்ற உறுப்பினர் தலதா அத்துகோரல தெரிவித்துள்ளார். 

‘வெறுமனே சத்தமிட்டுக் கொண்டிருப்பதல்ல, செயலில் செய்து காட்டுவதே எனது வழி’ என ஜனாதிபதி கோட்டாபய ராஜபக்ஷ தெரிவித்துள்ளார். 

இந்தியாவின் 72வது குடியரசு தின விழா, தலைநகர் டெல்லியில் கோலாகலமாக கொண்டாடப்பட்டது. குடியரசு தின விழாவில் முப்படைகளின் அணிவகுப்பு இடம்பெற்றது. முப்படைகளின் அணிவகுப்பு நிறைவுற்றதும், கண்கவர் கலைநிகழ்ச்சிகளும், கலாச்சார நிகழ்வுகளும் இடம்பெற்றன.

வேளாண் சட்டங்களுக்கு எதிராக முன்னேடுக்கப்பட்டு வரும் விவசாயிகளின் டெல்லி போராட்டம் இன்று பிரமாண்ட அளவில் நடத்தப்படுகிறது.

ஜனவரி 20 ஆம் திகதி அமெரிக்காவின் புதிய அதிபராகப் பதவியேற்றுக் கொள்ளும் விழாவில் கலந்து கொண்டிருந்த போது அதிபர் ஜோ பைடென் சுவிட்சர்லாந்து தயாரிப்பான சுமார் $7000 டாலர் பெறுமதியான றோலெக்ஸ் கடிகாரத்தை அணிந்திருந்தது அனைவரின் கவனத்தையும் ஈர்த்துள்ளது.

சமீபத்தில் தென் சீனக் கடற்பரப்பில் அமெரிக்காவின் விமானம் தாங்கிக் கப்பல் ரோந்து நடவடிக்கைக்காக நுழைந்ததால் பதற்றம் அதிகரித்தது.