உலகம்

சுவிற்சர்லாந்தின் மாநிலங்கள் சில இன்று வியாழக்கிழமை முதல் கொரோனா வைரஸ் கட்டுப்பாடுகளை மீண்டும் அறிமுகப்படுத்துகின்றன.

சுவிற்சர்லாந்தில் கொரோனா வைரஸ் தொற்று எண்ணிக்கையை மட்டுப்படுத்தும் நோக்கில், சுவிஸின் வடக்கு மாநில அரசுகள் சில, மீளவும் வைரஸ் தொற்றுக் கட்டுப்பாடுகளை நடைமுறைப்படுத்த முடிவு செய்துள்ளன. பாசல் நகரம், பாசல் நாடு, ஆர்காவ் மற்றும் சொலொத்தூன் ஆகிய மாநில அரசுகள் இதற்கான அறிவிப்பினை நேற்று விடுத்துள்ளன.

இன்று ஜூலை 9 வியாழக்கிழமை முதல் நடைமுறைக்கு வரும் கட்டுப்பாடுகளின் படி, தனியார் விருந்து, உணவகம், இரவு விடுதி அல்லது பிற நிகழ்வில் கலந்து கொள்ளக்கூடிய விருந்தினர்களின் அதிகபட்ச அளவு 300 முதல் 100 வரை குறைக்கப்படுவதாக அறிவிக்கப்பட்டுள்ளது.

மேலும் நிகழ்வுகளில் பங்கேற்கபவர்களின் தொடர்புத் தரவுகள் பதிவு செய்யப்பட வேண்டியது கட்டாயமாக்கப்பட்டுள்ளது. வைரஸ் தொடர்பான கட்டுப்பாடுகளுக்காக வழங்கபட்டுள்ள ஆகஸ்ட் 31 ஆக இருந்த காலவரையறையை, டிசம்பர் 31 வரை நீட்டித்துள்ளதாகவும் அறிய வருகிறது.

வார இறுதி இரவுப் பார்ட்டிகளில், பாதுகாப்பு நடவடிக்கை விதிகள் மீறப்படுவதை அவதானித்த அதிகாரிகள், ஜூன் 29, ஞாயிற்றுக்கிழமை, சூரிச் நகரிலுள்ள ஒரு இரவு விடுதியை தற்காலிகமாக மூடுவதாக அறிவித்துள்ளனர்.

சுவிஸ் பார்கள் மற்றும் இரவு விடுதிகளில் கலந்து கொண்ட பங்கேற்பாளர்களில், மேலும் பலர் வைரஸ் தொற்றுக்குள்ளான செய்திகள் இப்போது வெளிவந்துள்ளன. இதனால் விடுதிகளின் உரிமையாளர்கள், தாங்கள் பாதிக்கப்படக்கூடும் எனவும், சிலர் தனிமைப்படுத்தப்படுவதற்கு அறிவுறுத்தப்பட்டுள்ளதாகவும் தெரிவித்துள்ளார்கள்.

சுவிஸ் மத்திய அரசினால் தடை அறிவிக்கப்பட்ட 29 நாடுகளுக்கு, விடுமுறைப் பயணங்களை மேற்கொண்டால், 10 நாட்கள் ஊதியமற்ற தனிமைப்படுத்தலுக்கு உள்ளாகவேண்டியிருக்கும். மேலும் இது ஒரு சட்ட மீறலாகவும் கவனத்திற் கொள்ளப்பட்டு குற்றவியல் வழக்கினைச் சந்திக்கவும், 5000 முதல் 10 000 சுவிஸ் பிராங்குகள் வரை தண்டம் அறவிடப்படவும் கூடும்.

வைரஸ் தொற்று நிலமை மோசமடைந்தால் நாட்டின் இயல்புநிலையில் மேலும் மாற்றங்கள் கொண்டுவரப்படுமெனவும், எல்லைகளை மூடுவது தொடர்பில் மீண்டும் பரிசீலனை செய்யப்படும் எனவும் எதிர்பார்க்கப்படுகின்றது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

கொரோனா பாதிப்பு காரணமாக தமிழகத்தில் அமுலில் இருந்துவரும் ஊடரங்கில் ஒவ்வொரு மாத முடிவிலும் சில தளர்வுகளை அரசு அறிவித்துவருகிறது.

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.