உலகம்

Worldometer இணையத் தளத்தின் சமீபத்திய கொரோனா புள்ளி விபரம் :

உலகளாவிய அடிப்படையில்,

மொத்த தொற்றுக்கள் : 12 944 337
மொத்த இறப்புக்கள் : 569 347
குணமடைந்தவர்கள் : 7 543 317
ஆக்டிவ் தொற்றுக்கள் : 4 831 673
மோசமான நிலையில் உள்ளவர்கள் : 58 860

நாடளாவிய புள்ளி விபரம் :

அமெரிக்கா : மொத்த தொற்றுக்கள் : 3 385 377 : மொத்த இறப்புக்கள் : 137 620
பிரேசில் : 1 846 249 : 71 584
இந்தியா : 878 513 : 23 179
ரஷ்யா : 727 162 : 11 335
பெரு : 322 710 : 11 682
சிலி : 312 029 : 6881
ஸ்பெயின் : 300 988 : 28 403
மெக்ஸிக்கோ : 295 268 : 34 730
பிரிட்டன் : 289 603 : 44 819
பாகிஸ்தான் : 248 872 : 5197
இத்தாலி : 243 061 : 34 954
ஜேர்மனி : 199 914 : 9134
பிரான்ஸ் : 170 752 : 30 004
சீனா : 83 594 : 4634
சுவிட்சர்லாந்து : 32 883 : 1968
இலங்கை : 2615 : 11

இன்றைய புள்ளிவிபரப்படி உலகளவில் மொத்தத் தொற்றுக்கள் 1 கோடியே 29 இலட்சத்து 44 ஆயிரத்துக்கும் அதிகமாகவும், மொத்த இறப்புக்கள் 5 இலட்சத்து 69 ஆயிரத்துக்கும் அதிகமாகவும் உள்ளன. மிக அதிகபட்சமாக அமெரிக்காவில் 33 இலட்சத்து 85 ஆயிரத்துக்கும் அதிகமான தொற்றுக்களும், 1 இலட்சத்து 37 ஆயிரத்துக்கும் அதிகமான இறப்புக்களும் பதிவாகியுள்ளன.

2 ஆவது இடத்திலிருக்கும் பிரேசிலில் 18 இலட்சத்து 46 ஆயிரத்துக்கும் அதிகமான தொற்றுக்களும், 71 ஆயிரத்துக்கும் அதிகமான இறப்புக்களும் பதிவாகியுள்ளன. 3 ஆவது இடத்தில் உள்ள இந்தியாவில் 8 இலட்சத்து 78 ஆயிரத்துக்கும் அதிகமான தொற்றுக்களும், 23 ஆயிரத்துக்கும் அதிகமான இறப்புக்களும் பதிவாகியுள்ளன.

சனிக்கிழமை FoxNews ஊடகத்துக்கு ஹாங்கொங்கைச் சேர்ந்த வைரலாஜி மற்றும் நோய் எதிர்ப்புத் துறை நிபுணரான லி மெங் யான் என்ற பெண் விஞ்ஞானி அளித்த பிரத்தியேக பேட்டி ஒன்றில் கொரோனா தொற்றின் தன்மை குறித்து ஆரம்ப கட்டத்திலேயே சீனாவுக்குத் தெரியும் என்றுள்ளார். தற்போது அமெரிக்காவில் புகலிடத்தில் இருக்கும் இவர் தனது இருப்பிடத்தைக் குறிப்பிடாது இந்தப் பேட்டியை அளித்தார்.

டிசம்பரிலேயே இதன் தன்மை குறித்த தகவல்களை சீன அரசு வெளிப்படுத்தியிருந்தால் பல உயிர்களைக் காப்பாற்றியிருக்கலாம் என்று கூறிய லி மெங் யான் இந்த வைரஸ் தொடர்பில் ஆரம்ப கட்டத்திலேயே ஆய்வை மேற்கொள்ள ஹாங்கொங் உட்பட சில வெளிநாட்டவர்களுக்கு அனுமதியளிக்க சீன அரசு மறுத்து விட்டது என்றும் தெரிவித்துள்ளார். உலக சுகாதாரத் தாபனத்துடன் இணைந்துள்ள தனது சொந்த நிறுவனம் கொரோனா பற்றி மௌனமாக இருக்குமாறு வேண்டிக் கொள்ளப் பட்டதாகவும் இதையடுத்து ஹாங்கொங்கை விட்டு வெளியேறத் தான் முடிவு செய்ததாகவும் லி மெங் யான் தெரிவித்துள்ளார்.

ஏப்பிரல் 28 ஆம் திகதி இவர் அமெரிக்கா வந்தடையாது இருந்திருந்தால் சீன அரசிடம் சிக்கி மோசமாக சிறையில் அடைக்கப் பட்டிருக்க அல்லது காணாமற் போயிருக்க வாய்ப்பிருந்தது என்றும் இவர் தெரிவித்துள்ளார்.

கொரோனா பெரும் தொற்று உங்களை அணுகாது இருக்க நீங்கள் பின்பற்ற வேண்டிய அடிப்படைப் பழக்க வழக்கங்கள் குறித்து அறியப் பின்வரும் இணைப்பைப் பின்பற்றுங்கள்..

உலக சுகாதாரத் திணைக்களத்தின் கோவிட்-19 தொடர்பான சில சந்தேகங்களும் விளக்கமும்! (பகுதி 5)

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“எதிர்வரும் பொதுத் தேர்தலில் பொதுஜன பெரமுனவினராகிய நாங்கள் 130க்கும் அதிகமான ஆசனங்களை வெற்றிகொள்வோம்.” என்று பொதுஜன பெரமுனவின் தவிசாளர் பஷில் ராஜபக்ஷ தெரிவித்துள்ளார். 

“நாட்டு மக்களின் இன்ப துன்பங்களில் பங்கெடுக்கும் அக்கறையுள்ள அரசாங்கத்தை நாம் உருவாக்குவோம்.” என்று ஐக்கிய மக்கள் சக்தியின் தலைவர் சஜித் பிரேமதாச தெரிவித்துள்ளார். 

இந்தியாவில் சர்வதேச விமான சேவை ஆகஸ்ட் 31 ஆம் திகதி வரை ரத்து செய்யப்படுவதாக அறிவிக்கப்பட்டுள்ளது.

தமிழகத்தில் ஆக. 31-ம் தேதி வரை ஊரடங்கு நீட்டித்திருப்பதாகவும் அனைத்து ஞாயிற்றுக்கிழமைகளிலும் முழு ஊரடங்கு அமல் எனவும் முதல்வர் பழனிசாமி அறிவித்துள்ளார்.

சுவிற்சர்லாந்தின், வாட், வலாய்ஸ் மற்றும் ஜெனீவா மாநிலங்களை கொரோனா வைரஸ் தொற்று சிவப்பட்டியலிட்டு, பயணத்தை தடை செய்ய பெல்ஜியம் முடிவு செய்துள்ளது.

9 வருட இடைவெளியின் பின் சொந்த அமெரிக்க மண்ணில் இருந்து ஸ்பேஸ் எக்ஸ் தனியார் நிறுவனத்தின் க்ரூ டிராகன் விண்கலம் மூலம் இரு மாதங்களுக்கு முன்பு சர்வதேச விண்வெளி ஆய்வு மையமான ISS இற்குச் சென்றிருந்த அமெரிக்காவின் விண்வெளி வீரர்கள் இருவரும் தற்போது (ஞாயிறு இரவு இந்திய நேரப்படி) அந்த ஓடத்தின் மூலம் வெற்றிகரமாகப் பூமி திரும்பியுள்ளனர்.