உலகம்

சுவிற்சர்லாந்து நாட்டின் தேசிய கீதத்தின் புதிய ஆங்கில பதிப்பை, 30 பேர் கொண்ட நடுவர் குழுவும், 24,000 க்கும் மேற்பட்ட மக்களும் வாக்களித்ததன் மூலம் தெரிவு செய்தனர்.

ஒரு போட்டி மூலம் தெரிவு செய்வதற்கு அறிவிக்கப்பட்ட போது, 200 க்கும் மேற்பட்ட பதிப்புகள் இப்போட்டிக்காக வந்திருந்தன. இவற்றில் ஆன்லைன் வாக்காளர்களில் அதிகமானோரும், நடுவர்களில் இருவரும் வாக்களித்த பாடல் தெரிவு செய்யப்பட்டது.

சுவிஸ் கலைஞரான வெர்னர் விட்மர் எழுதிய அப்பாடல் வெற்றி பெற்றதாக அறிவிக்கபட்டு அதற்கான பரிசுத் தொகையாக 10,000 பிராங்க் பரிசு வழங்கப்பட்டது. இந்தப் பரிசுத் தொகையை ஒரு சமூக அமைப்புக்கு விட்மர் வழங்கினார். தேர்ந்தெடுக்கபட்ட இந்தப் பாடலை, சுவிட்சர்லாந்தின் 500,000 பூர்வீக ஆங்கிலம் பேசும் குடியிருப்பாளர்கள், தாங்கள் தாய்மொழியில் பாடி, சுவிஸ் தேசிய தினத்தை கொண்டாட முடியும்.

‘ஒயிட் கிராஸ் ஆன் எ ஷைனிங் ரெட்’, “அரசியலமைப்பு முன்னுரையின் அத்தியாவசிய மதிப்புகளை வெர்னர் விட்மர் பாடல் வசனத்தில் கொண்டிருப்பதால் தேர்வு செய்யப்பட்டது " எனக் கூறப்படுகிறது. மேலும் இந்தப்பாடல் சுவிஸின் உத்தியோகபூர்வ சுவிஸ் கீதத்தை மாற்றவில்லை. சுவிட்சர்லாந்தில் வசிக்கும் ஒவ்வொருவரும் மற்றும் உலகெங்கிலும் உள்ள அனைத்து சுவிஸ் மக்களும் வெர்னர் விட்மரின் புதிய பாடல் வரிகள் மூலம் எளிதாக அடையாளம் காண முடியும்.

இன்று சுவிஸ் தேசிய தினம் ( ஆகஸ்ட் 1) !

 

எமதுபார்வை

தமிழகத்தின் தலைப்புச் செய்திகள்

கோடம்பாக்கம் கோனர்

“எதிர்வரும் பொதுத் தேர்தலில் பொதுஜன பெரமுனவினராகிய நாங்கள் 130க்கும் அதிகமான ஆசனங்களை வெற்றிகொள்வோம்.” என்று பொதுஜன பெரமுனவின் தவிசாளர் பஷில் ராஜபக்ஷ தெரிவித்துள்ளார். 

“நாட்டு மக்களின் இன்ப துன்பங்களில் பங்கெடுக்கும் அக்கறையுள்ள அரசாங்கத்தை நாம் உருவாக்குவோம்.” என்று ஐக்கிய மக்கள் சக்தியின் தலைவர் சஜித் பிரேமதாச தெரிவித்துள்ளார். 

இந்தியாவில் சர்வதேச விமான சேவை ஆகஸ்ட் 31 ஆம் திகதி வரை ரத்து செய்யப்படுவதாக அறிவிக்கப்பட்டுள்ளது.

தமிழகத்தில் ஆக. 31-ம் தேதி வரை ஊரடங்கு நீட்டித்திருப்பதாகவும் அனைத்து ஞாயிற்றுக்கிழமைகளிலும் முழு ஊரடங்கு அமல் எனவும் முதல்வர் பழனிசாமி அறிவித்துள்ளார்.

சுவிற்சர்லாந்தின், வாட், வலாய்ஸ் மற்றும் ஜெனீவா மாநிலங்களை கொரோனா வைரஸ் தொற்று சிவப்பட்டியலிட்டு, பயணத்தை தடை செய்ய பெல்ஜியம் முடிவு செய்துள்ளது.

9 வருட இடைவெளியின் பின் சொந்த அமெரிக்க மண்ணில் இருந்து ஸ்பேஸ் எக்ஸ் தனியார் நிறுவனத்தின் க்ரூ டிராகன் விண்கலம் மூலம் இரு மாதங்களுக்கு முன்பு சர்வதேச விண்வெளி ஆய்வு மையமான ISS இற்குச் சென்றிருந்த அமெரிக்காவின் விண்வெளி வீரர்கள் இருவரும் தற்போது (ஞாயிறு இரவு இந்திய நேரப்படி) அந்த ஓடத்தின் மூலம் வெற்றிகரமாகப் பூமி திரும்பியுள்ளனர்.