உலகம்

இத்தாலியின் கிழக்குப் பகுதியில் அமைந்துள்ள அங்கோனா துறைமுகத்தில் இன்று புதன் கிழமை (16) அதிகாலையில் பாரிய வெடிவிபத்தும், தீ விபத்தும் ஏற்பட்டதாகத் தெரிய வருகிறது.

வண்ணப்பூச்சுகள், கரைப்பான்கள், மற்றும் திரவ நைட்ரஜன் மற்றும் மீத்தேன் உற்பத்தி செய்யும் தொழிற்சாலைகள் அடங்கியதாகக் கூறப்படும் பகுதியில் வெடிவிபத்து ஏற்பட்ட தாகவும், தொடர்ந்து ஏற்பட்ட தீயை அணைக்க தீயணைப்பு வீரர்கள் கடுமையாகப் போராடினார்கள். நகரம் முழுவதும் அடர்த்தியான, கடுமையான புகையால் மூடப்பட்டிருந்தது. உள்ளூர்வாசிகள் தங்கள் ஜன்னல்களை மூடி வைக்க அறிவுறுத்தப்பட்டார்கள். உடனடியாக பூங்காக்கள், பள்ளிகள் மற்றும் நகர அலுவலகங்கள் மூடப்பட அறிவுறுத்தப்பட்டது.

சேமிப்புக் கிடங்குகளின் ஒரு தொகுதியில் ஏற்பட்ட தீ விபத்தைத் தொடர்ந்தே புதன்கிழமை அதிகாலையில் வெடிவிபத்து ஏற்பட்டிருக்கலாம் எனக் கருதப்படுகிறது. ஆயினும் வெடிவிபத்தின் பின்னரே தீவிபத்து ஏற்பட்டதாக மக்கள் சிலர் தெரிவித்துள்ளார்கள். இந்த விபத்துக்கான காரணம் என்ன என்பது இன்னும் தெளிவாகத் தெரியவில்லை.

அட்ரியாடிக் கடற்கரையில் உள்ள லு மார்ச்சே பிராந்தியத்தில் உள்ள அன்கோனா மற்றும் பல அண்டை நகரங்களைச் சேர்ந்த தீயணைப்பு வீரர்கள் தீயை அணைப்பதற்கு ஒன்றினைந்து போராடினார்கள்.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

இவற்றையும் பார்வையிடுங்கள்

கொரோனா வைரஸ் தொற்று காரணமாக வீடுகளில் நிகழும் உயிரிழப்புக்களைத் தடுப்பதற்கு உடனடி நடவடிக்கை எடுக்குமாறு ஜனாதிபதி கோட்டாபய ராஜபக்ஷ உத்தரவிட்டுள்ளதாக இராணுவ தளபதி சவேந்திர சில்வா தெரிவித்துள்ளார். 

மஹர சிறைச்சாலையில் நேற்று ஞாயிற்றுக்கிழமை இடம்பெற்ற வன்முறையை அடுத்து தமது வைத்தியசாலைக்கு 6 சடலங்கள் எடுத்து வரப்பட்டதாக ராகம வைத்தியசாலை நிர்வாகம் அறிவித்துள்ளது. 

மீண்டும் வங்கடலில் உருவாகியுள்ள காற்றழுத்த தாழ்வுபகுதியால் தென் தமிழகத்தில் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

இந்தியாவின் டெல்லியை நோக்கி விவசாயிகள் 2வது நாளாக பேரணி மேற்கொண்டுள்ளனர். இதனால் டெல்லியில் போக்குவரத்து பாதிக்கப்பட்டுள்ளதாக தெரிவிக்கப்படுகிறது.

இத்தாலியின் சுகாதார அதிகாரிகள் கடந்த வெள்ளிக்கிழமை வழங்கிய சோதனை தரவுகளின் படி, கடந்த 14 நாட்களில் நாடு முழுவதும் , கோவிட் -19 வைரஸ் தொற்று வீதம் குறைந்திருப்பதனால், மூன்று சிவப்பு மண்டலங்கள் மற்றும் இரண்டு ஆரஞ்சு மண்டலங்களில் இந்த வார இறுதியில் அதாவது இன்று ஞாயிறு முதல் பாதுகாப்பு விதிகள் தளர்த்தப்படும்.

சுவிற்சர்லாந்தில் முதல் கொரோனா வைரஸ் தடுப்பூசிகள் அடுத்து வரும் இரண்டு மாதங்களுக்குள் வெளியிடப்படும் என்று சுவிஸ் சுகாதார அமைச்சர் அலைன் பெர்செட் தெரிவித்துள்ளார். சென்ற வியாழக்கிழமை இடம்பெற்ற செய்தியாளர் சந்திப்பொன்றில், பெர்செட் இதனைத் தெரிவித்துள்ளார்.