உலகம்

ரஷ்யா தனது S-300V4 ரக நவீன ஏவுகணைப் பாதுகாப்பு பொறிமுறையை ஜப்பானின் சர்ச்சைக்குரிய தீவுகளின் தொகுதி அருகே நிலை நிறுத்தியிருப்பதாக செவ்வாய்க்கிழமை அறிவித்துள்ளது.

இது ஜப்பான் அரசுக்கு ஆத்திரமூட்டும் ஒரு இராணுவ நகர்வு என்று கூறப்படுகின்றது.

இது குறித்து ரஷ்ய பாதுகாப்பு அமைச்சின் ஊடகமான Zvezda TV இல், இந்த நகர்வானது ரஷ்யாவால் கையகப் படுத்தப் பட்ட 4 தீவுகளில் ஒன்றான இட்டுருப் இல் கண்டம் விட்டுக் கண்டம் பாயும் ஏவுகணை மற்றும் வான் வழித் தாக்குதல்களைத் தடுத்து நிறுத்தவே என்று தெரிவிக்கப் பட்டுள்ளது. குறித்த இந்த 4 தீவுகளின் வடக்குப் பகுதிகளை ஜப்பான் உரிமை கோருவது குறிப்பிடத்தக்கது. இங்கு ஏற்கனவே ரஷ்யாவின் குறுகிய வீச்சம் கொண்ட போர் விமான எதிர்ப்பு ஏவுகணைப் பொறிமுறை செயற்பட்டு வருவதும் குறிப்பிடத்தக்கது.

தெற்கு குரில்ஸ் தீவுகள் என்று அழைக்கப் படும் இத்தீவுப் பகுதிகளை 2 ஆம் உலகப் போரின் இறுதியில் சோவியத் ரஷ்யா கைப்பற்றியது. அன்றிலிருந்து ஜப்பானுக்கும் ரஷ்யாவுக்கும் இடையே இவை தொடர்பில் முறுகல் போக்கு நீடிப்பதுடன் அதிகாரப்பூர்வ அமைதி ஒப்பந்தம் ஒன்றை மேற்கொள்ள இயலாத நிலையும் நீடிக்கின்றது.

இந்நிலையில் ரஷ்யாவின் இராணுவ நகர்வுகள் ஜப்பானை மிகவும் உணர்வு பூர்வமாகப் பாதிக்கும் போதும் ஆக்டோபரில் இந்த நகர்வானது இராணுவப் பயிற்சியின் ஒரு அங்கமே என்றும் போர் முனைப்புக்காக அல்ல என்றும் ரஷ்யா தெரிவித்திருந்தது. இந்த நடவடிக்கைகள் தொடர்பில் ரஷ்ய அதிபர் புடினுடன் பேச்சுவார்த்தை நடத்தி சுமுக தீர்வை விரைவில் எட்டுவேன் என்று தெரிவித்திருந்த ஜப்பானின் முன்னால் பிரதமர் ஷின்ஷோ அபே உடல் நலக் குறைவால் ஆகஸ்ட்டில் பதவி துறந்திருந்தார். இதன் பின்பு ரஷ்யா இந்த ஏவுகணை நகர்வை மேற்கொண்டுள்ளது என்பதும் குறிப்பிடத்தக்கது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.