உலகம்

ஐ.நா சபையின் பொதுச் செயலாளராகக் கடமையாற்றி வரும் அந்தோனியோ கட்டரஸ் 2 ஆவது முறையாகவும் 5 வருடங்களுக்கு இதே பதவியில் நீட்டிக்க விருப்பம் தெரிவித்துள்ளார்.

இது தொடர்பில் ஐ,நா பொதுச் சபையின் அதிபர் வொல்கன் பொஷ்கிர் கடந்த வெள்ளிக்கிழமை கட்டரஸின் முடிவுகள் குறித்து விசாரணை நடத்தியுள்ளார்.

இதன் போது ஐ.நா உறுப்பு நாடுகளது தெரிவு என்னவென்று கண்டறியப் பட்டு அதன் பிரகாரம் அந்தோனியோ கட்டரஸுக்கு 2 ஆவது முறையும் பொதுச் செயலாளர் பதவி 5 வருடங்களுக்கு அளிக்கப் படும் என ஐ.நா சபையின் ஊடகப் பேச்சாளர் ஸ்டெபானே டிஜாரிக் திங்கட்கிழமை பத்திரிகையாளர் மாநாட்டில் தெரிவித்தார். அந்தோனியோ கட்டரஸ் தனது விருப்பம் தொடர்பில் ஒரு கடிதத்தையும் பாதுகாப்பு சபை அதிபரிடம் கையளித்துள்ளதாகவும் ஸ்டெபானே மேலும் தெரிவித்தார்.

ஐ.நாவின் 97 ஆவது சட்டப் பிரிவின் படி 5 நிரந்தர உறுப்பு நாடுகளது வீட்டோ அதிகாரம் மற்றும் பாதுகாப்புச் சபை பரிந்துரையின் கீழ் ஐ.நா பொதுச் செயலாளரை நிர்மாணிக்கும் அதிகாரம் ஐ.நா பொதுச் சபைக்கு உள்ளது. 2022 ஆமாண்டு ஜன்வரி 1 ஆம் திகதி அடுத்த ஐ.நா பொதுச் செயலாளர் பதவிக் காலம் தொடங்குகின்றது. 2017 ஆமாண்டு ஜனவரி 1 ஆம் திகதி கட்டரஸ் ஐ.நா பொதுச் செயலாளராகப் பதவியேற்றிருந்தார் என்பதும் குறிப்பிடத்தக்கது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

இவற்றையும் பார்வையிடுங்கள்

தமிழ் மக்கள் சார்பாக, தமிழ்த் தேசியக் கட்சிகள் மற்றும் தமிழ் சிவில் அமைப்புக்களினால் ஐக்கிய நாடுகள் மனித உரிமைகள் பேரவைக்கு நான்கு அம்சக் கோரிக்கைகள் அடங்கிய மகஜர் நேற்றுமுன்தினம் (வெள்ளிக்கிழமை) அனுப்பி வைக்கப்பட்டுள்ளது. 

சுகாதார சேவைகள் பணிப்பாளர் நாயகத்தினால் வெளியிடப்பட்டுள்ள சுற்றறிக்கைக்கு அமைவாக மேல் மாகாணம் உள்ளிட்ட கொரோனா வைரஸ் தொற்று அபாய வலயங்களிலிருந்து வருகை தருவோரை சுயதனிமைப்படுத்தும் நடவடிக்கை நேற்று வெள்ளிக்கிழமை முதல் வடக்கு மாகாணத்தில் இடைநிறுத்தப்பட்டுள்ளது. 

இந்தியா முழுவதிலும், கொரோனா வைரஸ் தொற்றுக்கான தடுப்பூசிகள் போடும் திட்டம் ஆரம்பமாகியது. நாடு முழுவதும் ஆரம்பமாகியுள்ள இந்தப் பணியில், கோவேக்சின், கோவிஷீல்டு ஆகிய இரு தடுப்பூசிகள் செலுத்தப்படுவதாக அறிய வருகிறது.

இந்தியாவில் கோவிட்-19 தொற்று நோயிற்கு எதிராக தயாரிக்கப்பட்ட தடுப்பூசிகள் நாட்டின் அனைத்து பகுதிகளுக்கும் அனுப்பட்டு வருகின்றன.

இந்தோனேசிய விமானம் கடந்த வாரம் விபத்தில் சிக்கியது, சுலவேசி தீவினைத் தாக்கிய மோசமான நிலநடுக்கம், எரிமலை வெடிப்பு என அடுத்தடுத்த சம்பவங்களால் அங்கு மக்கள் நிலை குலைந்துள்ளனர்.

சில தினங்களுக்கு முன்பு ஆப்கானிஸ்தானின் ஹெரட் மாகாண இராணுவ முகாம் ஒன்றில் தங்கியிருந்த இராணுவ வீரர்களில் இருவர் தமது சக வீரர்கள் மீது துப்பாக்கிச் சூடு நடத்தியதில் 12 வீரர்கள் பலியாகினர்.