உலகம்

கடந்த சில தசாப்தங்களில் இல்லாதவாறு இஸ்ரேல் அரசானது ஒரு பாரிய இரகசிய அணுவாயுத செயற்திட்டத்தை முன்னெடுத்து வருவதாக AP ஊடகம் செய்மதிப் புகைப் படங்களது ஆதாரத்தை சுட்டிக் காட்டி செய்தி வெளியிட்டுள்ளது.

இஸ்ரேலின் மத்தியிலுள்ள அணுசக்தி கூடத்தில் இந்த செயற்திட்டம் முன்னெடுக்கப் படுவதாகவும் இது தொடர்பில் இஸ்ரேல் அரசு இதுவரை எந்தவித விளக்கமும் அளிக்கவில்லை என்றும் கூறப்பட்டுள்ளது.

இஸ்ரேலின் டிமோனா நகருக்கு அருகில் ஒரு உதைப் பந்தாட்ட மைதானத்தின் அளவுடைய பிரதேசத்தில் பல அடிகள் ஆழத்தில் சிமோன் பெரெஸ் நெகெவ் அணுசக்தி ஆய்வு மைய ரியாக்டரில் இந்த புதிய இரகசிய ஆய்வு முன்னெடுக்கப் படுகின்றது. இந்த ஆய்வு மையம் கடந்த சில தசாப்தங்களாக இஸ்ரேலின் அணுசக்தி இலக்குகளை அடையும் புளூட்டோனிய அகழ்வுக்குப் பயன் படுத்தப் பட்டு வந்துள்ளது.

இந்நிலையில் புதிய இரகசிய செயற்திட்டம் குறித்து இஸ்ரேல் எந்தவித கருத்தும் இதுவரை எந்தவொரு ஊடகத்துக்கும் தெரிவிக்கவில்லை. உலகின் அணுவாயுத உற்பத்தியைக் கட்டுப்படுத்தும் சர்வதேச ஒப்பந்தத்தில் இதுவரை இணையாத இஸ்ரேல் தனது அணுசக்தித் திட்டங்கள் குறித்து கட்டாயம் அறிவிக்க வேண்டிய நிர்ப்பந்தத்தில் இல்லை என்பதும் குறிப்பிடத்தக்கது.

மத்திய கிழக்கில் சர்வதேசத்துடனும், அமெரிக்காவுடனும் 2015 ஆமாண்டு தான் மேற்கொண்டிருந்த அணுசக்தி ஒப்பந்தத்தில் இருந்து முன்னால் அமெரிக்க அதிபர் டிரம்பின் ஆட்சியில் ஈரான் வெளியேறி இருந்தது. இதையடுத்து இஸ்ரேல் தன்னைப் பலப் படுத்திக் கொள்வதில் முனைப்புக் காட்டி வருகின்றது. ஈரானில் தற்போது அதிபர் ஹசன் றௌஹானியின் ஆட்சி முடியடையவுள்ள நிலையில் அங்கு ஜூன் மாதம் அதிபர் தேர்தல் நடைபெறவுள்ளது. இந்த அதிபர் தேர்தலில் ஈரான் அணுசக்தி விவகாரம் முக்கிய செல்வாக்கு செலுத்தும் என்றும் எதிர்பார்ப்பு நிலவுகின்றது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

ஓர் இனம் இன்னொரு இனத்திற்கு எதிராக செயற்படுவது உகந்ததல்ல என்று மன்னார் மறை மாவட்ட ஆயர் கலாநிதி இம்மானுவேல் பெர்னாண்டோ ஆண்டகை தெரிவித்துள்ளார். 

இலங்கை – இந்திய மீனவர்களுக்கு இடையிலான பிரச்சினையைத் தீர்ப்பதற்கு இலங்கையின் கடல் எல்லைக்குள் ஊடுருவும் இந்திய மீனவர்களைக் கைது செய்வதே ஒரே தீர்வு என்று கடற்றொழில் அமைச்சர் டக்ளஸ் தேவானந்தா தெரிவித்துள்ளார். 

இந்தியாவில் கொரோனா வைரஸ் தொற்றின் 2வது அலை கடந்த சில நாட்களில் அதிகரித்து வந்த நிலையில், நேற்று ஒரே நாளில் மூன்று இலட்சத்திற்கும் அதிகமானவர்கள் புதிய தொற்றாளர்கள் உறுதி செய்யப்பட்டுள்ளார்கள்.

இந்தியாவில் கடந்த நாட்களில் தொடர்ச்சியாக இரண்டு லட்சத்திற்கு மேலாக இருந்து வந்த கொரோனா பாதிப்புகளின் எண்ணிக்கை, கடந்த 24 மணி நேரத்தில் மூன்று இலட்சத்தை நெருங்கியுள்ளன.

சுவிற்சர்லாந்தில் தற்போதைய கட்டுப்பாடுகளின் தளர்த்தலின் பின்னதாக கொரோனா வைரஸ் தொற்றுக்களின் எண்ணிக்கை உயரும் என்று நிபுணர்கள் எச்சரித்துள்ளனர்.

இத்தாலியின் அதிக ஆபத்துள்ள கொரோனா வைரஸ் பிராந்தியங்களுக்குள் நுழைய அல்லது வெளியேற ஒரு பயண "பாஸ்" விரைவில் தேவைப்படும் என்று இத்தாலியின் பிரதமர் அறிவித்துள்ளார்.