எமதுபார்வை

சுவிற்சர்லாந்தில் ஐந்து தனித்தனி விடயங்களுக்கான பொது மக்கள் அபிப்பிராயம் பெறும் சர்வஜன வாக்கெடுப்பு, செப்டம்பர் 27 நடைபெறுகிறது.

தற்போது சுவிற்சர்லாந்தில் முக்கியமான விடயமாக கவனம் பெறத் தொடங்கியுள்ள இந்த வாக்கெடுப்பில் இரண்டு விடயங்கள் அதிக முக்கியத்துவம் பெறுகின்றன.அவை முறையே இடப்பெயர்வு வரம்பு முயற்சி மற்றும் தந்தைவழி விடுப்பு முயற்சி என்பனவையாகும். இவை தவிர மற்றைய மூன்று விடயங்கள் இராணுவம் புதிய போர் விமானங்களை வாங்க அனுமதிக்க வேண்டுமா? குழந்தை பராமரிப்புக்காக வரி விலக்குகளை அதிகரிக்க வேண்டுமா ? வேட்டையாடுவதை கட்டுப்படுத்த வேண்டுமா? என்பனவாகும்.

இடம்பெயர்வு கட்டுப்பாடு, வரி விலக்கு மற்றும் விலங்கு பாதுகாப்பு என்பனவற்றுக்கான வாக்கெடுப்பு முதலில் மே 17 ஆம் தேதி திட்டமிடப்பட்டிருந்தது. ஆயினும் கோவிட் வைரஸ் தொற்றுநோய் காரணமாக அவை ஒத்திவைக்கப்பட்டன.

செப்டம்பர் 27 ஆம் திகதி நடைபெறும், வாக்கெடுப்புக்களில் அதிக முக்கியத்துவமும், கவனமும் பெற்றுள்ளது இடம்பெயர்வு வரம்பு முயற்சி. இந்த யோசனை வெற்றிபெற்றால், ஐரோப்பிய ஒன்றியத்திற்கும் சுவிஸ் அரசாங்கத்திற்கும் இடையிலான தற்போதைய நடைமுறைகள் மாற்றியமைக்க வேண்டிவரும்.

ஐரோப்பிய ஒன்றிய இடம்பெயர்வுக்கு வரம்பு என்ற யோசனையை முன்னிறுத்திப் பிரச்சாரம் செய்கிறது சுவிஸ் வலதுசாரி மக்கள் கட்சி (எஸ்விபி). ‘மிதமான குடியேற்ற வரம்பு முயற்சி’ சுவிற்சர்லாந்தில் ஐரோப்பிய ஒன்றிய இயக்க சுதந்திரத்தை கட்டுப்படுத்தும். வாக்களிப்பு வெற்றிகரமாக இருந்தால், சுவிற்சர்லாந்து மற்றும் ஐரோப்பிய ஒன்றியம் ஒரு வருடத்தில் இயக்க சுதந்திர விதிகளை மறுபரிசீலனை செய்ய வேண்டி வரும்.

எஸ்.வி.பி கட்சியின் நீண்ட கால முக்கிய பிரச்சினைகளில் இது ஒன்றாகும். குறிப்பாக 2014 இல் ஒரு வாக்கெடுப்பில் இதேபோன்ற முன்மொழிவு தோற்கடிக்கப்பட்டிருந்து. எஸ்.வி.பி கட்சி தவிர அனைத்து முக்கிய கட்சிகளும் இந்த முயற்சியை நிராகரிக்கின்றன.

தொழிலாளர்களைக் கண்டுபிடிப்பது மற்றும் பொருளாதாரத்தை சேதப்படுத்துவது கடினமாக்கும் என்று அரசாங்கம் கவலை கொண்டுள்ளது, அதே நேரத்தில் ஐரோப்பிய ஒன்றியத்தில் சுவிஸ் குடிமக்களுக்கான பரஸ்பர உரிமைகள் தடைசெய்யப்படும் என்ற கவலையும் உள்ளது. விளைவுகளைப் பொருட்படுத்தாமல் எடுக்கும் முடிவு, சுவிஸ்-ஐரோப்பிய ஒன்றிய உறவுகள் பாதிக்கப்படக்கூடும் என்றும் நிபுணர்கள் கணித்துள்ளனர்.

எஸ்.வி.பி கட்சி வெளிநாட்டவர்களுக்கு எதிரான கோஷங்களை முன் வைக்கும் போதெல்லாம், கடும் போக்கான விளம்பரங்களைச் செய்வதும், கடுமையான விமர்சனங்களைச் சந்திப்பதும் நடந்திருக்கிறது. இம்முறை சமூகவலைத்தளங்களில் ஒரு சிறு பிள்ளையை இம்முயற்சிக்கு ஆதரவாகச் சிந்திப்பது போல் வெளியிட்டிருக்கும் வீடியோ கடும் விமர்சனத்துக்கும், கருத்து முரண்பாட்டுக்கும் உள்ளாகியுள்ளது. நான்கில் ஒரு பங்கு வெளிநாட்டவர்களைக் கொண்டுள்ள சுவிற்சர்லாந்தின் மக்கள் மிகச் சிறந்த நாட்டுப்பற்றாளர்கள், உழைப்பாளிகள் என்பது மறுப்பதற்கில்லை. ஆயினும் இந்தத் தேசத்தின் பல்வேறு உருவாக்கத்திலும், ஐரோப்பிய ஒன்றிய நாடுகளின் தொழிலாளார்களது உழைப்பு நிராகரிக்கப்பட முடியாதது என்பது பலரது கருத்தாகும்.

இந்த வாக்கெடுப்பில் அடுத்துக் கவனம் பெறும் விடயம் தந்தைவழி விடுப்பு.

சுவிஸ் சட்டத்தின் கீழ் தாய்மார்கள் 15 ஆண்டுகளாக மகப்பேறு விடுப்பு செலுத்தியிருந்தாலும், சுவிஸ் தந்தையர்கள் தற்போது தங்கள் குழந்தை பிறந்தவுடன் ஒரு நாள் விடுமுறைக்கு மட்டுமே உரித்துடையவர்கள். சுவிற்சர்லாந்தின் பெரும்பாலான ஐரோப்பிய அண்டை நாடுகளை விட இது கணிசமான அளவு குறைவானதாகும்.

சுவிற்சர்லாந்தில் அனைத்து உயிரியல் தந்தையர்களுக்கும் இதை இரண்டு வாரங்களுக்கு நீட்டிக்க திட்டம் உள்ளது. இந்த திட்டம் அமுலாகும் போது, இரண்டு வார காலத்திற்கு இழந்த வருவாயில் 80 சதவீதத்தை தந்தையர்கள் பெற்றுக் கொள்ளலாம். இந்தச் சலுகையை தத்தெடுக்கும் தந்தையர்கள் தவிர்த்து, உயிரியல் தந்தையர்கள் பெற்றுக் கொள்ள முடியும் என்பது இதன் சிறப்பு.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

இவற்றையும் பார்வையிடுங்கள்

சுவிற்சர்லாந்து மக்கள் தமது ஜனநாயக உரிமையிலான சர்வஜன வாக்கெடுப்பின் மூலம், இன்று செப்டம்பர் 27ம் திகதி ஞாயிற்றுக்கிழமை, ஐந்து தனித்தனி விடயங்களுக்கு வாக்களிக்கின்றார்கள்.

சுவிற்சர்லாந்தில் ஐந்து தனித்தனி விடயங்களுக்கான பொது மக்கள் அபிப்பிராயம் பெறும் சர்வஜன வாக்கெடுப்பு, செப்டம்பர் 27 நடைபெறுகிறது.

கொரோனா வைரஸ் நெருக்கடியால் மார்ச் மாதத்தில் மூடப்பட்ட பின்னர், இத்தாலியப் பள்ளிகள் வரும் செப்டம்பர் 14 ஆம் திகதி மீண்டும் திறக்கப்பட உள்ளதாக இத்தாலிய அரசு அறிவித்துள்ளது.

இலங்கையின் ஒன்பதாவது பாராளுமன்றத்துக்கான உறுப்பினர்களைத் தெரிவு செய்வதற்காக கடந்த புதன்கிழமை இடம்பெற்ற தேர்தலில், ராஜபக்ஷக்கள் மூன்றில் இரண்டு பெரும்பான்மைக்கு அண்மித்த வெற்றியொன்றைப் பெற்றிருக்கிறார்கள்.