முற்றம்

சென்ற வருடத்தில் ஒருநாள் ஏதேச்சையாக அந்தக் கானொலியைப் பார்க்க முடிந்தது. தெருவோரத்தில் ஒரு குட்டிப் பெண் வெகு இலாவகமாக வயலின் இசைத்த வண்ணமிருந்தாள். வயலினின் இசையும், அவளது வாசிப்பின் உடல்மொழியும், அபாரமாக இருந்தது.

யாரிவள்..? அப்போதிருந்த வேலைப்பளுவில் கேட்கத் தோன்றினாலும் தேட முடியவில்லை. நேற்று மறுபடியும் அவளது கானொலிப் பகிர்வொன்று கண்ணில்பட்டது. இம்முறை தேடினேன். யாரிவள்....?

கரோலினா புரோட்சென்கோ ( Karolina Protsenko Violin ). 2008 அக்டோபர் 3, ந் திகதி, உக்ரைனில் நிகாலே , எல்லா தம்பதிகளுக்கு முதல் பெண்ணாகப் பிறந்தவள். 2014ல் குடும்பம் அமெரிக்காவுக்கு இடம்பெயர்ந்தது. அங்கே தனது ஆறாவது வயதில் வயலின் இசைக்கத் தொடங்கினாள். வயலின் அவளை ஆகர்ஷித்துக் கொண்டது. 2017ல் தெருவோரக்கலைஞராக அறிமுகமாகிய கரோலினாவுக்கு இன்று உலகில் ஐம்பதுக்கும் மேற்பட்ட நாடுகளில், பல மில்லியன் இரசிகர்கள்.

இதுவரை மூன்று ஆல்பத் தொகுப்புக்களை வெளியிட்டுள்ள கரோலினா பல தொலைக்காட்சிகளிலும் இசைத்துள்ளாள். அதேபோல் பல பிரபலங்களின் பாராட்டினையும் பெற்றிருக்கின்றாள். யூடியூப் சேனல்கள் மூன்று உள்ளன. பேஸ்புக், ட்விட்டர் மற்றும் இன்ஸ்டாகிராம் எனச் சமூக வலைத்தளங்களிலும், பரவலான அறிமுகம் பெற்றிருக்கின்றாள் இந்த இளம் இசைமேதை. இவ்வளவு பிரபலம் பெற்றாலும், சாண்டா மோனிகா 3 வது தெருதான் தனக்குப் பிடித்தமான அரங்கம் என்கிறாள் கரோலினா.

தெருவில் இசைத்தாலும், சூழலின் எந்த நிலையும் பாதிக்காத அளவிற்கு வயலினோடு அவள் ஐக்கியமாகிவிடுவதும், பிரபலமான பாடல்களை இசைத்தாலும் தன் தனித்துவமான இசைக் கோப்புக்களைச் சேர்ப்பதும் அவளது சிறப்பெனலாம்.

சென்ற ஆண்டில் நாம் பார்த்த அவளது முதல் கானொளி.

நேற்றைய தினம் அவளது புதிய கானொளி.

- 4தமிழ்மீடியாவிற்காக: மலைநாடான்

கொரோனா வைரஸ் தொற்றின் தாக்கத்தில் முடங்கிப்போன நாடுகள் அதிலிருந்து மெல்ல மீண்டு வரத் தொடங்கியுள்ளன. வைரஸ் தொற்றின் இரண்டாம் அலை யின் எழுச்சி குறித்த அச்சத்துடனும், அவதானத்துடனுமே அனைத்து நாடுகளும் தளர்வுகளை அறிவித்து இயங்கத் தொடங்கியுள்ளன.

உரிமைகளுக்காக போராடிய இனமொன்றின் ஆன்மாவின் மீதெறி பேரினவாதத்தின் கால்கள் நர்த்தனமாடி கொக்கரித்தன. தொடர்ந்தும் இனப்படுகொலையை எதிர்கொண்டிருக்கின்ற தமிழ் மக்களின் பெருங்குருதியால் முள்ளிவாய்க்கால் மண் உறைந்து திரண்டிருந்தது. போராடி வீழ்ந்தவர்களும், உயிர் பிழைக்க ஓடியவர்களும் உடலங்களாக கிடந்தார்கள். பெரும் ஓலமொன்று அடங்கியிருந்தது.

உலகெங்கிலும் இப்போது எழுகின்ற மிகப்பெரிய கேள்விகள், கோரோனா வைரஸ் தொற்றின் துன்பம் எப்போது முடியும், எவ்வாறு முடியும் என்பவையே. ஒரு தொற்றுநோய் எப்படி முடிவுக்கு வருகிறது ? எனக் கேட்டால், ஒன்றுக்கு மேற்பட்ட வழிகளில் முடிவடையும் என்கிறார்கள் வரலாற்று ஆசிரியர்கள்.

உலகை அச்சுறுத்தும் கொரோனா வைரஸ் ஐரோப்பாவிலும் கடுமையான பாதிப்புக்களை ஏற்படுத்தியிருக்கிறது. இத்தாலி, ஸ்பெயின். பிரான்ஸ், பிரித்தானியா போன்ற நாடுகள் பெருமளவிலான உயிரிழப்புகளைச் சந்தித்துள்ளன. அனைத்து நாடுகளுமே இரு மாதங்களுக்கு மேலான முடக்கத்தால், பெரும் பொருளாதார இழப்புக்களைச் சந்தித்துள்ளன.