சமயம்

செளபாக்கியங்கள் யாவும் எப்போதும் நிறைந்து இருக்கவேண்டும் என்றே இப்பூவுலகில் வாழும் அனைவரும் விரும்புவர். அப்படிப்பட்ட செளக்கியத்தை வாரி வளங்கி ஆனந்தம் அளிப்பவர் எமது அன்னை.

ஆம் இல்லாள் அகத்திருக்க இல்லாதது ஒன்றில்லை.. அம்மா வீட்டில் இருந்தால் எல்லாம் வீட்டில் இருக்கும். அதுபோல் இல்லாது இருப்பவர்க்கும் அகிலத்தை ஆளும் அகிலாண்டேஸ்வரி அன்னை எம் உள்ளத்தில் குடிகொண்டிருந்தால் எல்லாம் இருக்கும். இதற்காகவே என்றும் குறைவில்லாத நிறைவோடு வாழ்தலுக்கு அம்பிகை அருள் வேண்டும். அதற்கு நாம் என்ன செய்யலாம் அம்பிகையானவள் ஆதிபரசக்தியாக, அகிலலோகநாயகியாக ,
காஞ்சிகாமாட்சியாக மதுரை மினாட்சியாக, காசிவிசாலாட்சியாக, ஜகதாம்பிகையாக, அபிராமியாக, கருமாரியம்மனாக, கன்னியா குமரியாக, கனகதுர்க்கையாக, சரஸ்வதியாக, மகாலஸ்மியாக, கெளரியாக உமாபார்வதியாக இப்படி பல்வேறு உருவங்கள் தாங்கி பாரத சேத்திரத்திலும் உலகெங்கிலும் வீற்றிருக்கிறார்.

பக்தர்கள் அவர்கற்கு ஏற்ப வேண்டியதை வேண்டுவார்க்கு அருள அன்னை ஆயிரம் நாமங்கள் கொண்டு விளங்குகிறாள். மானிடப்பிறவி எடுத்த அனைவருமே வினையினால் வேதனைப்படிபவர். அதுதான் கர்ம வினை எனப்படுவது. இக்கர்மவினை வெல்லப்படுமானால் பிறவிகள் தோன்றாது. அதற்காகவே ஆன்மா தெளிவு பெறவேண்டும். அதற்குரிய சக்தியை அளிக்கும் அன்னையை விரத வழிபாடுகளால் மகிழ்வுறச் செய்வதன் மூலம் நம் ஆன்மா தெளிவு பெற்று உய்வடையும்.

எல்லாவித செலபாக்கியங்களையும் தரும் அம்மையை அபிராமிப்பட்டர் துதி பாடுகிறார். அபிராமிப்பதிகத்தில் பதினாறு பேறுகளும் ஒருமனிதன் பெற்று பெருவாழ்வு வாழ வேண்டும் என்கிறார்.

அவை கலையாத கல்வி, குறையாத வயது, கபடில்லா நட்பு, கன்றிடாத வளம், குன்றிடா இளமை, பிணியிலா உடல், சலியாத மனம், அன்புள்ள மனைவி, சந்தானம்(குழந்தைப்பேறு) , குறையாப்புகழ், மாறாதவார்த்தை(வாக்கு), தடையில்லா கொடை, நிலைத்த நிதி, வளையாதஅரசாட்சி, துன்புறா வாழ்வு, இறைபத அன்பு, தொண்டரோடு கூட்டு இப்பதினாறு பேறும் பெற இறைவியிடம் இடையறா அன்பு கொண்டு தெய்வ வழிபாடுகள் ஆற்ற வேண்டும்.

இறைவனும் இறைவியும் சேர்ந்தே இருப்பதை பூரணத்துவம் எண்கிறோம். ஆற்றைல் உடையவனை விட்டு அவன் ஆற்றலை பிரிக்க முடியாது. அக்னியும் சூடும் போல சூரியனும் சுடரொளியும் போல், சந்திரனும் குளிரொளியும் போல் இருவரும் ஒன்றாய் கலந்திருப்பவர்கள், ஒரே வஸ்துவில் இரு பரிமாணங்கள் பூரணபரப்பிரம்மங்களாக ஶ்ரீ சக்கரத்தில் என்றும் கலந்து நிலைத்திருப்பவர்கள், இந்த செளபாக்கிய விரத நாளில் முப்புரையாக விளங்கும் துர்க்கை இலஸ்மி சரஸ்வதி இவர்களின் மும்மூர்த்திகளாக விளங்கும் பிரம்மா, விஸ்ணு உருத்திரன் இவர்களையும் தியானித்து மந்திர யந்திர,தந்திர வழிபாடுகளால் பூஜிக்க எல்லாவித மங்களங்களும் கிடைக்கும். உன்னை நினைந்தர்க்கு சௌக்கியம், உன்னை வணங்குபவருக்கு பாக்கியம்!

''சர்வமங்கள மாங்கல்யே சிவே சர்வாத்தசாதிகே சரண்யே திரியம்பிகே
கெளரி நாராயணி நமோஸ்துதே ஜெய நாராயணி நமோஸ்துதே" 

கதாநாயகி, நடன இயக்குநர், சமூக ஆர்வலர், வளர்ந்து வரும் அரசியல்வாதி என பல முகங்கள் கொண்டவர் நடிகை காயத்ரி ரகுராம்.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

முகநூல், ட்விட்டர், இண்டாகிராம், டிண்டர், செயலிகள் உள்ளிட்ட சமூக வலைதளங்கள் இல்லாமல் போனால் தற்கால மனிதன் கற்கால மனிதனைப்போல பின்னோக்கிப் போய்விடுவான் என்ற நிலைதான் தற்போது நிகழ்கிறது.

இருபதாம் நூற்றாண்டின் தலைசிறந்த கவிஞர் எனவும், ஒரு நூற்றாண்டின் துரோகம் அவர் என்றும் இருவேறு விமர்சனம் பெற்வர்.

TESS தொலைக் காட்டி

நாம் தனிமையில் இல்லை..! -பாகம் -1 (We are Not Alone..Part-1)

முன்னைய பாகத்தில் நாம் 2009 ஆமாண்டு விண்ணில் ஏவப்பட்ட கெப்ளர் தொலைக் காட்டியினால் அவதானிக்கப் பட்ட வெளிப்புறக் கிரகங்கள் தொடர்பான அறிமுகத்தைப் பார்த்தோம். அதன் தொடர்ச்சி இனி..

சிலுக்கு சுமிதா எண்பதுகளின் கலைஞர். இவரின் ஆடலும் பாடலும் இல்லாத படங்களை வாங்க விநியோகஸ்தர்கள் மறுத்தனர்.

ஐபிஎல் கிரிக்கெட் போட்டிகள் ஆரம்பமாகி சூடு பிடித்திருக்கும் இவ்வேளையில் ஐபிஎல் கிரிக்கெட்டின் சென்னை சூப்பர் கிங்ஸ் வீரர்கள் "சலாம் சென்னையே" எனும் இந்த விழிப்புணர்வு வீடியோ பாடலில் தோன்றி கொரோனா நோய்ப்பரவலை தடுக்கும் சுகாதார வழிமுறைகள் குறித்து அறிவுறுத்திகிறார்கள். நீங்களும் சற்று 'கேட்டுத்தான்' பாருங்கள் : 

 

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்