கோடம்பாக்கம் Corner

சிவாஜிக்கு ‘வீரபாண்டி கட்டப்பொம்மன்’ எப்படி ஒரு திரை அடையாளமோ அப்படித்தான் ‘கர்ணன்’ படம் தனுஷுக்கு.  படத்துக்கு கர்ணன் பட தலைப்பை வைக்க கடும் எதிர்ப்பு கிளம்பியிருக்கிறது.

இந்நிலையில் இய்குனர் மாரி செல்வராஜிடம் படத்துக்கு ஏன் இந்தத் தலைப்பைச் சூட்ட வேண்டும் என்று கேட்டபோது, “கர்ணன் என்று ஏன் படத்துக்குப் தலைப்பு வெச்சீங்கன்னு எல்லோரும் என்னிடம் கேட்குறாங்க. படத்தில் தனுஷ் சார் கேரக்டர் பெயர் ‘கர்ணன்.’ மகாபாரதக் கர்ணன் எல்லாவற்றையும் தானம் கொடுக்கிற கர்ணனாக வாழ்ந்து இறந்தார். ஆனால், இந்தக் கர்ணனிடம் கொடுப்பதற்கு எதுவுமே கிடையாது.

இவன் எனக்குக் கொடு, எனக்குத் தா என்று தனக்கான விஷயங்களை, தனக்கான உரிமைகளைக் கேட்பவனாக இருப்பான். தமிழ் நாட்டில் இதுபோல் கையேந்துந்து கோடிக்கணக்கான கர்ணன்களை என்னால் காட்டமுடியும் இந்த முரண் பகடியை சொல்லவே கர்ணன் என்று பெயர் வைத்தேன். இந்தத் தலைப்பை மாற்ற வேண்டும் என்ற நிலை வந்தால் மாற்றுவதைத் தவிர வேறு வழி இருக்காது. ஆனால் கதாபாத்திரத்தை மாற்றமுடியாது இல்லியா?’ என்றார் நம்மிடம்.

எப்படிச் சாத்தியமானதாம் மாரி செல்வராஜ் - தனுஷ் கூட்டணி? அவரே மனம் திறந்தார் “ ‘பரியேறும் பெருமாள்’ வெளியாகி 15 நாட்கள் ஓடிருச்சி. தனுஷ் சார் போன் பண்ணிப் பேசினார். ஆனால், அப்போது அவர் படம் பார்க்கவில்லை. ‘உங்க படம் பத்தி நிறைய கேள்விப்பட்டேன். கதையிருந்தா சொல்லுங்க’ன்னு சொன்னார்.

ஊர்ல மாடு மேய்ச்சிட்டு இருக்கும்போதிருந்தே சினிமா ஆசைதான். ஆனால், எந்த ஹீரோவுக்கு நாம கதை பண்றது, இவங்கல்லாம் நம்ம கதைக்குள்ள வருவாங்களான்னு அப்போ ஒரு கேள்வி இருக்கும். ஆனால், தனுஷ் சார் சினிமாவுக்குள் வந்தபிறகு என் கதைக்கான ஹீரோ, என் கதைக்கான முகம் கிடைத்துவிட்டது என்கிற நம்பிக்கை எனக்கு வந்தது.

உதவி இயக்குநராக இருக்கும்போதே தனுஷ் சாரிடம் ‘கர்ணன்’ கதையைச் சொல்ல முயற்சி செய்தேன். அப்போது அவரைப் பார்க்கக் கூட முடியல! இப்போது அவரோடு படம் பண்ணுறேன். உண்மையும் அதன் மூலமா கிடைக்கிற வெற்றியும் உங்களை கைவிடாது” என்றார். படப்பிடிப்பைக் காண வந்திருந்த தனது ஒன்றரை வயது மகளை அனைத்தபடி...

‘நேர்கொண்ட பார்வை’ படத்தின் இயக்குநர் எச்.விநோத் இயக்கத்தில் அஜித் மீண்டும் நடித்து வரும் படம் 'வலிமை'.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

கடந்த 2013-ல் வெளியான ‘ஆமென்’ என்ற படத்திலிருந்து தனித்துவமான திரைமொழியை கையாண்டு வெற்றி கண்டவர் லிஜோ ஜோஸ் பெல்லிச்சேரி.

யார்க்ஷயரில் உள்ள ஒரு மலைப்பாதையில் கால்டர்டேல் மலைப்பாதையில் மாபெரும் புற்தரை ஓவியம் ஒன்று வரையப்பட்டுள்ளது.

முந்தைய பாகத்துக்கான இணைப்பு -

நாம் தனிமையில் இல்லை..! - பாகம் - 2 (We are Not Alone..Part-2)

கடந்த தொடரில் நாசாவின் SETI என்ற திட்டம் குறித்துத் தெரிவித்திருந்தோம். அது தொடர்பான விபரங்களை சுருக்கமாக முதலில் பார்ப்போம். SETI என்பது ஆங்கிலத்தில் Search for extraterrestrial intelligence அதாவது விண்வெளியில் அறிவுத்திறன் மிக்க உயிரினங்களுக்கான தேடல் என்று விரிவு பெறும்.

தமிழ் நாட்டிற்கே தலைமை தாங்க தகுதியானவர்கள்...அரசியலை தூய்மைப்படுத்திவிடுவார்கள்...

டாம் & ஜெர்ரி ஆகிய பூனையும் எலியும் விரட்டி விரட்டி சண்டையிட்டுக் கொள்ளும் காட்டூன்களை ரசிக்காத ரசிகர்களே இல்லை எனலாம்.