கோடம்பாக்கம் Corner

ஹாலிவுட்டின் முதுபெரும் இயக்குநர்களில் ஒருவரான ரிச்சர்டு அட்டென்பெரோ இயக்கிய காந்தி திரைப்படத்தில் ஆடை வடிவமைப்பாளராகப் பணியாற்றி இந்தியாவுக்கான முதல் ஆஸ்கர் விருதை வென்று வந்தவர் பானு ஆதைய்யா.

மும்பையில் பிறந்து வளர்ந்த இவர் கருப்பு - வெள்ளை காலம் தொடங்கி பாலிவுட்டில் பணிபுரிந்து வந்த பழம்பெரும் பெண் ஆடை வடிவமைப்பாளர் ஆவார். பல ஆண்டுகளாக நோய் வாய்பட்டு இருந்த நிலையில் நேற்று காலை மும்பையில் உள்ள வீட்டில் தமது 91 வயதில் காலமானார்.

பானு ஆதைய்யாவின் உடல் தெற்கு மும்பையில் உள்ள சந்தன்வாடி மயானத்தில் தகனம் செய்யப்பட்டது. இவர் 1956-ஆம் ஆண்டு வெளியான சி.ஐ.டி படத்தின் மூலம் ஆடை வடிவமைப்பாளராக அறிமுகம் ஆனவர். அதன்பிறகு சுமார் 50 ஆண்டு திரையுலக பயணத்தில் நூற்றுக்கும் மேற்பட்ட படங்களில் குறிப்பாக வரலாற்றை பின்னணியாக கொண்ட படங்களுக்குப் பணியாற்றி உள்ளார். 1990-ஆம் ஆண்டு வெளியான ‘லெக்கின்’, 2001-ஆம் ஆமீர்கான் நடிப்பில் வெளிவந்த ‘லகான்’ ஆகிய படங்களுக்காக தேசிய விருதையும் பெற்று உள்ளார். இதேபோல அவர் 1983-ம் ஆண்டு ரிச்சர்டு அட்டென்பெரோ இயக்கி உலகம் முழுவதும் புகழ்பெற்ற ‘காந்தி’ படத்திற்கு சிறந்த ஆடை வடிவமைப்புக்காக ஆஸ்கார் விருதை பெற்று இருந்தார். ஆஸ்கார் விருது பெற்ற முதல் இந்தியர் இவர் என்பது குறிப்பிடத்தக்கது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

கொரோனா பெருந்தொற்று ஒரளவுக்கு குறைந்திருக்கும் நிலையில் திரையரங்குகள் தமிழ்நாட்டில் திரையரங்குகள் திறக்கப்பட்டன.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

ஒருவனின் திறமையைக் கண்டு அவன் மீது காதலில் விழும் பெண், தனக்கு வராத படிப்புடன் வம்படியாக மல்லுக்கட்டும் ஒரு துறுதுறுக் குறும்புப் பெண்ணின் தீவிர முயற்சி என்னவாகிறது என்பது ஒரு வரிக்கதை.

இலேசாக வீசிய காற்றில் இலைகள் சலசலத்தன. கூடு திரும்பிய பறவைகளின் குரல்கள் மலரத் தொடங்கிய மாலையை அறிவிக்க, அவற்றின் நடுவே இராசத்தின் குரல் எனக்குக் கேட்டது.

"வேம்பி..!"

பெப்ரவரி 21 திகதியான இன்று பன்னாட்டுத் தாய்மொழித்தினம் கொண்டாடப்படுகிறது.

கடந்த ஆண்டு மலையாளத் திரையுலகில் ‘ஐயப்பனும் கோஷியும்’, ‘லூசிஃபர்’, ‘ட்ரான்ஸ்’, ‘ஜெல்லிகட்டு’ ஆகிய படங்கள் பெரும் வரவேற்பைப் பெற்றன.

நடிகர் தனுஷ்; மாரி செல்வராஜ் இயக்கத்தில் நடித்துள்ள ‘கர்ணன்’ திரைப்படத்தின் பாடல் அண்மையில் வெளியானது.