இது "இறப்பதற்கு நேரம் இல்லை'' : ஜேம்ஸ் பாண்ட் திரைப்பட முன்ணோட்டம்

கடந்த ஏப்ரல் மாதமே வெளியிட தயாராகி வந்த இந்த திரைப்படம் கொரோனா அச்சுறுத்தலால் நவம்பர் மாதத்திற்கு ஒத்திவைக்கப்பட்டது. ஜேம்ஸ் பாண்ட் ரசிகர்களால் நீண்டகாலமாக பெரிதும் எதிர்ப்பார்க்கப்பட்ட இத்திரைப்படத்தின் முன்னோட்ட காணொளி வெளியாகியுள்ளது.

காசினோ ராயல், ஸ்கைபால் என தொடர் திரைப்பட பாகங்களில் ஜேம்ஸ் பாண்ட் கதாபாத்திரத்தில் அதிரடியாக நடித்துவந்த டேனியல் கிரெய்கின் இறுதித் திரைப்படம் இதுவென கூறப்படுகிறது. பணி ஓய்விக்குப் பின் ஜமைக்காவில் அமைதியான வாழ்க்கையை வாழ்ந்துவரும் ஜேம்ஸ் பாண்ட், சிஐஏவைச் சேர்ந்த அவரது பழைய நண்பர் பெலிக்ஸ் உதவி ஒன்றை கேட்கிறார். அங்கே தொலைய ஆரம்பிக்கிறது ஜேம்ஸ் பாண்டின் அமைதி. கடத்தப்பட்ட ஒரு விஞ்ஞானியை மீட்பதற்கான நோக்கம் எதிர்பார்த்ததை விட மிகவும் துரோகமாக மாறுகிறது. இது ஆபத்தான புதிய தொழில்நுட்பத்துடன் ஆயுதம் ஏந்திய ஒரு மர்மமான வில்லனின் பாதையில் பாண்டை வழிநடத்துகிறது என்பதே படத்தின் கதை என சுருக்கமாக சொல்கிறார்கள்.

ஆக எப்போதும் போல திரைப்படத்தில் அதிரடியான பல ஆக்‌ஷன் காட்சிகளுக்கு பஞ்சம் இருக்காது என்பது இந்த திரைப்பட கண்ணோட்டத்தில் தெரிகிறது.

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

  இணைப்பினில் அழுத்தி  புதிய கானொளிகள் பார்த்து மகிழுங்கள்