யூடியூப் கோர்னர்

தெற்காசிய சுயாதீன கலைஞர்களின் குரலை உலகளவில் பெருக்கும் நோக்கத்துடன உருவான மஜ்ஜா (maajja) இசைத்தளத்தின் முதலாவது பாடல் "என்ஜோய், எஞ்சாமி... " இன்று வெளியாகியுள்ளது.

திறமையான சுற்றுச்சூழல் அமைப்பினுள் வளங்களை ஆதரிப்பதற்கும், பொருளாதார வாய்ப்புகளை உருவாக்குவதற்கும், கலைஞர்களுக்குள் நேரடியான தொடர்பாடலுக்கு உதவவும் உருவான இந்த அமைப்பின் கட்டமைப்பில், இசையமைப்பாளர் ஏ.ஆர்.ரகுமான், பிரபல பாடகி (M.I.A) மாயா அருட்பிரகாசம், முதலானோர் பங்குகொள்கின்றார்கள்.

மஜ்ஜா (maajja) வின் முதல் பாடலான "Enjoy, எஞ்சாமி... !" இன்று வெளியாகியுள்ளது. பிரபல இசையமைப்பாளர் சந்தோஷ் நாரயணனின் இசைக் கோப்பில், தீ, அறிவு, ஆகியோர் பாடியுள்ளார்கள். மண்ணின் மீதானநேசமும், இயற்கையின் மீதான காதலும் பேசும் பாடல் வரிகளும், காட்சிகளும், அருமையாக விரிகின்றன.

உலகமயமாகி வரும் கலைத்துவங்களோடு கைகோர்க்கும் இந்த முயற்சி பாராட்டுக்குரியதே. அதில் மாற்றுக் கருத்தில்லை. ஆனால் நமது பாரம்பரிய வரிகளையும், வாழ்க்கையையும், புதிய பாணியிலான காட்சிப்படுத்தல்களோடு சேர்க்கையில், எழக் கூடிய அந்நியத் தன்மை குறித்து அவதானம் கொள்ளுதல் அவசியம் எனக் கருத வேண்டியிருக்கிறது. இல்லையெனில் உலகமயமதல் எனும் பேரலைக்குள் நமக்கான தனித்துவங்கள் சிக்கிச் சின்னாபின்னமாகிவிடும் பேரபாயமும் உள்ளது என்பதையும், கவனத்திற் கொள்ள வேண்டும்.

நமது பண்டைய கிராமிய வாழ்வின் வரிகளாக வரும் பாடலின் வரிகளை, தளத்தில் தங்கிலீஸில் பதிவு செய்திருப்பது, பிறமொழியாளருக்கு வரிகளை அறிந்து கொள்ள உதவும் என்பது உண்மைதான். ஆனால் பாடல் வரிகளின் தாய் மொழியில் அதனை பகிர்ந்து கொள்ளாது விடுவது உறுத்தலாக இருக்கிறது. இசையினை உலகத் தளத்தில் உயர்ந்த நினைக்கும் இவர்களைப் போலவே பலரது உழைப்பின் பயனிலேயே, இன்று இணையத்தில் தமிழ் எழுதப்படுகிறது. அதற்கான வாய்ப்பிருந்தும், அதனை நாம் கண்டுகொள்ளாதோ அன்றி தவிர்த்து விடுவதோ நமது நல்ல நோக்கங்களை சிதறடித்துவிடும் என்பதை கவனத்திற் கொள்ள வேண்டும்.

மற்றும்படி "Enjoy, எஞ்சாமி... !" தமிழ் மண்ணின் மணம் மணக்கும் பாடல் என்பதில் மாற்றில்லை.

சுயாதீன இசைக் கலைஞர்களுக்கான உலகளாவிய 'யாழ்' இசைவிழா !

Artist: Dhee ft. Arivu
Producer: Santhosh Narayanan
Director: Amith Krishnan (Studio MOCA)
Produced by: maajja

 

இந்தச் செய்தியை மற்றவர்களும் அறிவது நல்லது எனில் கீழேயுள்ள பட்டன்களில் அழுத்தி உங்கள் சமூக வலைத் தளங்களில் பகிர்ந்து கொள்ளுங்கள்

 

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

சிவகார்த்திகேயன் - இயக்குநர் நெல்சன் - இசையமைப்பாளர் அனிருத் கூட்டணியில் உருவான ‘கோலமாவு கோகிலா’, ‘டாக்டர்’ ஆகிய படங்களில் சிவகார்த்திகேயன் எழுதிய பாடல்கள் ரசிகர்களால் பெரிதும் கொண்டாடப்பட்டன.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

ராசம் மெல்ல அனுங்கிக் கொண்டிருந்தாள்.
தலைவாசல் அறைக்குள்ளிருந்து கேட்ட அவள் அனுங்கலில் “வேம்பி..!”

கொரோனா பேரிடரின் இரண்டாம் அலையை, இஸ்ரலேல் உள்ளிட்ட உலகின் பல நாடுகள் திறம்பட சமாளித்து வரும் வேளையில் இந்தியா அதில் கோட்டை விட்டுவிட்டதாக இந்திய ஊடகங்கள் கடும் கண்டனங்களை தெரிவித்து வருகின்றன.

பிரபல சமூக வலைதளமான ட்விட்டரில் மோடி பிரதமர் பதவியிலிருந்து ராஜினாமா செய்ய வேண்டும் என்று #reginmodi என்கிற ஹேஷ் டேக் இந்திய அளவில் பிரபலமாகி வருகிறது.

நாம் வாழும் பூமியின் சுற்றுச்சூழலின் முக்கியத்துவத்தை வலியுறுத்தவும் மாசாடையாமால் பாதுகாக்கவும் ஒவ்வொரு ஏப்ரல் 22 ஆம் திகதி புவி தினம் உலகம் முழுவதும் அனுசரிக்கப்பட்டு கொண்டாடப்படுகிறது.