நாடுகடந்த தமிழீழ அரசுக்கான தேர்தல், வரும் மே மாதம் 2ந்திகதி அனைத்து நாடுகளிலும் நடத்தப்படும் என இணைப்பாளர் வி.உருத்திகுமாரன் தெரிவித்துள்ளார்.  இந்த அரசு அமைப்பாக்கம் தொடர்பான விடயங்களின் மீளாய்வு செய்யப்பட்ட விடயங்களை உள்ளடக்கி வெளியிடப்பட்டுள்ள அறிக்கை ஊடகங்களுக்கு அனுப்பி வைக்கப்பட்டுள்ள  அறிக்கையிலேயே மேற்கண்டவாறு  தெரிவிக்கப்பட்டிருக்கிறது. 

பிரித்தானியாவில். 'விடுதலைப் புலிகளின் மக்கள் முன்னணி' அரசியல் கட்சியாகப் பதிவுசெய்யப்பட்டிருப்பதாக அறியப்படுகிறது. 1989ம் ஆண்டு, விடுதலைப்புலிகள் தலைவர் பிரபாகரனால் அரசியல் கட்சியாக உருவாக்கப்பட்ட இக்கட்சி ஏற்கனவே சிறிலங்காவில் பதிவு செய்யப்பட்ட  அரசியற்கட்சியாகவும் செயற்பட்டுள்ளது. 

தாய்லாந்தில் தற்போதைய  அரசுக்கு எதிராக நடைபெற்று வரும் போராட்டங்கள் இன்று மேலும் தீவிரமடைந்துள்ளதாக அறியப்படுகிறது. இப் போராட்டங்களில்  ஈடுபட்டோர்  இன்று  இரத்தப் போராட்டம்  எனும்  புதிய முறையில் தங்கள் எதிர்ப்பினைத் தெரிவித்திருந்தனர்.

சிறிலங்காவின் முன்னாள் இராணுவத்தளபதி ஜெனரல் சரத் பொன்சேகாவிற்கு எதிராக கடற்படைத் தலைமையகத்தில் இன்று இராணுவ நீதிமன்றம் கூட்டப்பட்டது.  இராணுவ நீதிமன்றத்தின் விசாரணைகள் இன்று ஆரம்பித்த போது  சரத் பொன்சேகா சார்பில் ஆஜரான சட்டத்தரணிகள்   முன்வைத்த அடிப்படை எதிர்ப்புகள் காரணமாக விசாரணைகள் ஏப்ரல் மாதம் 6ம் திகதி வரை ஒத்திவைக்கப்பட்டுள்ளதாகத் தெரியவருகிறது.