நேற்று, அமெரிக்க அதிபரை சந்தித்த இந்திய பிரதமர், வெள்ளை மாளிகையில் நடத்தப்பட்ட பாரம்பரிய இந்திய முறைப்படியான விருந்துபசார வைபவத்திலும் கலந்துகொண்டார்.

ஒபாமா, அமெரிக்க அதிபராக பதவியேற்ற பின்னர், முதன் முறையாக இந்திய பிரதமரை தமது வாசஸ்த்தலத்திற்கு வரவேற்றதால், விருந்துபசார வைபவமும் மிக நேர்த்தியாக ஒழுங்கு செய்யப்பட்டிருந்தது.

விருந்திற்கு கலந்து கொள்ள வந்த போதே 'ஆப்கா ஸ்வாகத் ஹை' என ஹிந்தி மொழியில் வரவேற்றார் ஒபாமா. முதல் பெண்மணியும், அதிபரின் மனைவியுமான மிச்சேல் ஒபாமாவின் நேரடி மேற்பார்வையில் பராமரிக்கபட்ட வந்த வெள்ளை மாளிகை தோட்டத்தில் வளர்ந்த மரக்கறி வைகளே, சமைக்கப்பட்டு உணவாக பரிமாறப்பட்டன.

விருந்தினர்களாக, பல அமெரிக்க பிரபலங்களும், இந்தியப்பிரபலங்களும் அழைக்கப்பட்டனர்.அமெரிக்க வாழ் இந்தியரான பெப்சி தலைமை செயலதிகாரி இந்திரா நூயி, ஆன்மீக ஆலோசகர் தீபிகா சோப்ரா, பிரபல ஹொலிவூட் இயக்குனும் இந்தியருமான மனோஜ் நைட் ஷியாமளன், இசைப்புயல் ஏ.ஆர்.ரஹ்மான்  ஆகியோர் அவர்களில் பிரதானமானவர்கள்.

அமெரிக்க நட்சத்திரங்கள் சார்பில் ஹாலிவூட் ஜாம்பவான்களான ஸ்டீவன் ஸ்பில்பேர்க், டேவிட், ஜெபன் ஜெப்ர், ஆல்ப்ரே உடார்ட், ப்ளேயர் அண்டர்வுட் ஆகியோர் கலந்து கொண்டனர்.

ஓர்க்கெஸ்ட்டா இசை வாசிக்கபப்ட்டு விருந்துபசாரம் ஆரம்பிக்கப்பட, ஏ.ஆர்.ரஹ்மானின் இசை நிகழ்ச்சியும் அடுத்து இடம்பெற்றது. ரஹ்மான் நிகழ்ச்சியை தொடங்கும் முன்,

அமெரிக்க அதிபரின் மனைவி மிச்சேல், 'இவர் ஆஷ்கார் விருது பெற்றவர். இவர் இசையமைத்த திரைப்படம் தான் ஸ்லம் டோக் மில்லியனர். எத்தனை பேர் அந்த படத்தை பார்த்தீர்கள் என தெரியாது.  ஆனால் அற்புதமான படம் என்றார்.

அங்கிருந்தவர்களும் ஏ.ஆர்.ரஹ்மானை பற்றி கௌரவமாக மிச்சேல் கூறியதனை உற்று நோக்கியிருந்தனர். பின்னர்  ஜெனீபர் ஹட்சனுடன் இணைந்து ரஹ்மான் இசை நிகழ்ச்சி நடத்தினார்.

 இவ்விருந்துபசாரத்தில் கலந்துகொள்வதற்காக மிச்சேலே ஒபாமா அணிந்து வந்த ஆடையும், மிகப்பிரபல்யமாகிவிட்டது. அமெரிக்க இந்தியரான நயீம் கான் என்பவரே இந்த ஆடையை வடிவமைத்துக்கொடுத்தார். அழகாகவும் நேர்த்தியாகவும் வடிவைமைக்கபப்ட்ட இவ் ஆடையினால் அசந்தவர்கள், நயீம் கானையும் மொய்க்க ஆரம்பித்துவிட்டனராம்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment