பக்தாத்தில் இன்று காலை இடம்பெற்ற தொடர் தற்கொலைக்குண்டு தாக்குதலில் 118 க்கும் அதிகமானோர் கொல்லப்பட்டுள்ளதாக தெரிவிக்கப்படுகிறது.

தொடர்ந்து 5 குண்டு வெடிப்புக்கள் இடம்பெற்றுள்ளன. தொழிலாளர் அமைச்சகம், ஈராக்கின் நிதியமைச்சகம், ஆகியனவும் தெற்கு பக்தாத்தில், டோரா பகுதியில் சுன்னி இனத்தவரின் மாவட்டத்தில் அமைந்துள்ள பாதுகாப்பு வலயமாக அறிவிக்கப்பட்டிருந்த நீதிமன்ற வளாகம், காவற்துறை நிலையம் என்பனவும் தாக்குதலுக்கு இலக்காகியுள்ளன.

கிழக்கு பக்தாத்தில் அமைந்திருக்கும், தொழில் நுட்ப கல்லூரிக்கு அருகாமையில் பாதையொரமாகவும் குண்டு வெடிப்பு இடம்பெற்றுள்ளது. இதில் 513 க்கும் அதிகமானோர் படுகாயமடைந்துள்ளனர்.

அல்கைதா அமைப்பினரதும், முன்னாள் அதிபர் சதாம் ஹுசனைன் தடை செய்யபப்ட்ட இயக்கமான பாத் கட்சியினருமே இத்தாக்குதலை நடத்தியுள்ளதாக ஈராக் இராணுவ பேச்சாளர், தெரிவித்திருக்கிறார்.

ஈராக்கின் இன்றைய பாராளுமன்ற கூட்டத்தொடரிலும், ஈராக்கின் பாதுகாப்பு செயற்பாடுகள் தோல்வி அடைந்துள்ளதை நிரூபிக்கும் மிகப்பெரிய தாக்குதல் சம்பவமாக இதை கருதலாம் என காரசாரமான விவாதம் நடைபெற்றுள்ளது.

அமெரிக்க, நேட்டோ படைகள் கூட்டிணைந்து மேலதிக துருப்புக்களை ஆப்கானுக்கு அனுப்புவதாக தெரிவித்திருக்கும் நிலையில்,  இதற்கு அஞ்சப்போவதில்லை, எமது தாக்குதல் நடவடிக்கைகளை மேலும் தீவிரப்படுத்தப்போகிறோம் என் தலிபான்கள் எச்சரித்திருந்த சில தினங்களுக்குள் பாகிஸ்த்தானில் தொடர் குண்டு வெடிப்புக்கள் இடம்பெற்று வந்தன. தற்போது ஈராக்கிலும் தொடரும் இக்குண்டு வெடிப்பு, அமெரிக்கா படைகளிடம் பெரும் பதற்றநிலையை தோற்று வித்துள்ளது.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment