நவம்பர் 26 2008ம் ஆண்டு மும்பையில் நூற்றுக் கணக்கான பொது மக்களைக் கண் மூடித் தனமாக சுட்டுக் கொன்ற சம்பவத்தில் பிடிபட்ட ஒரே தீவிரவாதியான அஜ்மல் அமீர் கசாப் இன்று மும்பை ஆர்தர் சிறைச்சலையில் அமைக்கப்பட்டிருந்த சிறப்பு நீதி மன்றத்தில் வாக்கு மூலம் அளிக்கும்போது பெரும் சலசலப்பு ஏற்பட்டது.

குற்ற விசாரணை செய்யப்பட்ட கசாப் தனக்கும் மும்பைத் தாக்குதல் சம்பவத்திற்கும் எந்தத் தொடர்பும் இல்லை என்று கூறியதுடன் தாக்குதல் நடக்க 20 நாட்களுக்கு முன்பே மும்பைக்குத் தான் விசா அனுமதியுடன் வந்து விட்டதாகவும் கூறினார்.

எதற்காக வந்தீர்கள் என்று கேட்கப்பட்ட போது மும்பையில் திரைப்பட கல்லூரியில் சேர்வதற்கு வந்தததாகவும் தாக்குதல் இடம்பெறுவதற்கு முதல் நாள் இரவே தான் ஏதோ ஒரு காரணத்திற்காக கைது செய்யப்பட்டதாகவும் மும்பை வழக்கில் வீணாகத் தன்மேல் பழி சுமத்தப் பட்டு வேண்டுமென்றே சிக்க வைக்கப் பட்டிருப்பதாகவும் கூறியுள்ளார்.

மேலும் தன்னைப் போலீஸார் சித்திரவதை செய்து ஒப்புதல் வாக்கு மூலத்தில் கையெழுத்து வாங்கியதாகக் கூறி அதிர்ச்சி ஏற்படுத்தியுள்ளார். இவ்வழக்கை நீதிபதி தஹிளியானி விசாரித்து வருகிறார்.  இந்நிலையில் ஒரு வருடத்துக்கும் மேலாக நீடித்து வந்த இந்த வழக்கு தற்போது இறுதிக் கட்டத்தை எட்டியுள்ளது. 250க்கும் மேற்பட்ட சாட்சிகளிடம் இதற்காக விசாரணை நடத்தப்பட்டு விட்டது என்பது குறிப்பிடத்தக்கது.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment