கடந்த பல வாரங்களாக இந்தோனேசியாவின் மேரக் துறைமுகத்தில் நங்கூரமிட்டிருக்கும் இலங்கை  அகதிகள்  கப்பலில் உள்ள அகதிகளில் ஒருவர் மரணமாகிய துயரச் சம்பவத்திற்கு ஆஸ்திரேலிய பிரதமர் கெவின் ரூட் பொறுப்பேற்க வேண்டுமென ஆஸ்திரேலிய  எதிர்க்கட்சியினர்  குற்றம் சாட்டியுள்ளதாகச் செய்திகள் தெரிவிக்கின்றன.

இந் நிலையில் அக்கப்பலில் பயனித்த  29 வயதான ஜேக்கப் கிறிஸ்டியன் என்ற தமிழ் வாலிபர் உடல் நலம் குன்றி, இரத்த வாந்தி எடுத்து மரணமானார்.  சுகயீனமடைந்திருந்த அவரை மருத்துவமனையில் சேர்க்க ஏற்பாடு செய்யுமாறு கப்பலில் இருந்து தமிழர்கள், இந்தோனேசிய அதிகாரிகளுக்கு கோரிக்கை விடுத்த போதும், அவர்களது கோரிக்கை ஏற்றுக் கொள்ளப்படாத நிலையில்,  நேற்று இரவு 11.30 மணியளவில் ஜேக்கப் பரிதாபமாக உயிரிழந்தார்.

இந்த இளைஞரின் மரணம் குறித்த தகவல், ஆஸ்திரேலியாவின் சோசலிச கட்சி அதிகாரிகளுக்கு தெரிவிக்கப்பட்டது. இது தொடர்பாக ஆஸ்திரேலிய சோசலிச கட்சி தேசிய ஒருங்கிணைப்பாளர் அந்தோணி மெய்ன்  கருத்துத் தெரிவிக்கையில்,  இந்த துயரத்திற்கு ஒரே ஒருவரைத்தான் குறை கூற முடியும். அவர் கெவின் ரூட்.  இந்தக் கப்பல் இந்தோனேசிய அரச படைகளால் தடுத்துவைக்கக் கோரியவர் இவர்தான். 

இதன் காரணமாக,  ஓசியானிக் வைகிங் கப்பலில் உள்ளவர்களுக்குக் கிடைத்தது போன்று  அகதிகள் அந்தஸ்து இவர்களுக்கும் கிடைக்காமல் போனது. தனது பொறுப்பைச் சரிவரச் செய்யாமல், கடலில் தத்தளிக்கும் மக்களைச் சாகக் கொடுக்கின்றார்  கெவின் ரூட்.  இதை உடனடியாக நிறுத்த அந்த  மக்கள் உடனடியாக ஆஸ்திரேலியா வருவதற்கு கெவின் ரூட் ஆவண செய்ய வேண்டும். இதுவே அந்த மக்களைக் காப்பாற்றுவதற்கு உரியவழிமுறை ஆகும்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment