பாகிஸ்தான் மக்கள் கட்சியின் தலைவியும் முன்னாள் பிரதமருமான பெனாசீர் பூட்டோ கொலை செய்யப்பட்டு இரண்டு ஆண்டுகள் நிறைவுற்றுள்ள நிலையில் இக்கொலை வழக்குத் தொடர்பாக தற்போது புதிய தகவல் வெளியாகியுள்ளது.

பிரிட்டனுக்கான பாகிஸ்தான் தூதரக அதிகாரி வாஜி சம்சுல் ஹசன் தொலைக்காட்சி ஒன்றுக்கு அளித்த பேட்டியிலேயே இத்தகவலை வெளியிட்டுள்ளார்.

இதன்போது அவர் பாகிஸ்தான் முன்னாள் அதிபரும் இராணுவத் தளபதியுமான பர்வேஸ் முஷாரப்பை கடுமையாகக் குற்றம் சாட்டியுள்ளார். அதாவது இக்கொலைத் திட்டத்தை முன்னெடுத்துச் சென்றிருந்த தெஹ்ரிக்-இ-தலிபான் அமைப்பின் பாகிஸ்தான் தலைவர் பைதுல்லா மசூத் முஷராப் அனுமதியில்லாமல் சம்பவ இடத்திற்கு வந்திருக்கவே முடியாது என அவர் தெரிவித்துள்ளார்.

ஏற்கனவே பாகிஸ்தானில் சில முக்கிய அரசுப் பிரமுகர்கள் கொல்லப்பட்டது தொடர்பாகவும் பதவி மாற்றங்கள் மேற்கொள்ளப்பட்டது தொடர்பாகவும் சந்தேக வழக்குகள் முஷாரப் மீது சுமத்தப்பட்டுள்ள நிலையில் பெனாசிர் பதவிக்கு வந்தால் தனக்கு ஆபத்து நிச்சயம் என்பதால் அவர் இவ்வாறு செயற்பட்டிருக்கலாம் என பிரிட்டன் தூதுவர் உறுதியாகத் தெரிவித்துள்ளார்.

பெனாசிர் கொலை வழக்கு தொடர்பாக முதல்கட்ட விசாரணைகளை மேற்கொண்டு வந்த ஸ்காட்லாந்து யார்ட் உளவுத் துறை இவ்வழக்கில் முஷராப்பிற்கு உள்ள தொடர்பு பற்றி இதுவரை தகவல் எதுவும் வெளியிடவில்லை என்பது குறிப்பிடத்தக்கது. இந்நிலையில் பெனாசிர் மறைவுக்கான இரண்டாம் ஆண்டு நினைவஞ்சலி பாகிஸ்தானின் பல பகுதிகளில் பலத்த பாதுகாப்புக்கு மத்தியில் நேற்று அனுஷ்டிக்கப்பட்டது.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment