மெக்சிக்கோவில் தனது குடும்ப உறுப்பினர்களின் உதவியுடன் இரண்டு தலைமுறையாக போதைப் பொருள் கடத்தல் தொழிலில் ஈடுபட்டு வந்த கொள்ளைக் கும்பலின் தலைவனான கார்லொஸ் பெல்ட்ரான் லெய்வா பசுபிக் கடலோரப்பகுதியின் முக்கிய நகரமான குலியகானில் உள்ள அவனது வீட்டில் வைத்து சனிக்கிழமை இரவு மெக்சிக்கோ போலீசாரால் கைது செய்யப்பட்டுள்ளான்.

இக்கைது நடவடிக்கையின் போது அவன் தன்னுடன் இரு துப்பாக்கிகளையும், பல ரகசியக் குழுக்களுடன் தொடர்பு கொள்ள உதவும் மின்னணு அட்டைகளையும், வேறு ஒரு நபரின் பெயரில் போலி சாரதி அனுமதிப் பத்திரத்தினையும் வைத்திருந்தான் என போலீசார் தெரிவித்துள்ளனர்.

40 வயதாகும் லெய்வா மெக்சிக்கோவின் பல கடத்தல் கும்பல்களின் வழிகாட்டியாக செயற்பட்டவன் ஆவான். இவனின் இரு சகோதரர்களான அர்துரோ மற்றும் மரியோ ஆகியோர் போலீசாரால் தேடப்பட்டு வந்த முக்கிய கடத்தல் குற்றவாளிகள் என்பதுடன் மெக்சிக்கோ இராணுவத்திற்கே சவால் விடக் கூடிய மிகப்பெரிய ஆயுதக் குழுக்களுடன் இவர்கள் தொடர்பு வைத்திருந்தனர் என்பதும் குறிப்பிடத்தக்கது.

இவர்களில் இரு கிழமைக்கு முன்பு கியோர்னவக்கா நகர மத்தியில் அரச படைகள் நடத்திய துப்பாக்கிச் சூட்டில் மிகவும் அபாயகரமானவனாகக் கருதப்பட்ட அர்துரோ கொல்லப்பட்டான். மற்றைய சகோதரனான மரியோ மெக்சிக்கோ அரசாங்கத்தால் தேடப்பட்டு வரும் 24 முக்கிய போதைக் கடத்தல் குற்றவாளிகளில் ஒருவனாக பட்டியல் இடப்பட்டுள்ளதுடன் இவன்      இருக்கும் இடத்தைக் காட்டித் தருபவர்களுக்கு 2 மில்லியன் அமெரிக்க டாலர்கள் பரிசும் அறிவிக்கப்பட்டுள்ளது.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment