இணையத் தளத் தேடலின் முன்னணித் தளமான கூகுள் தேடற் தளம் இனத்துவேசத்திற்குத் துணை போகின்றதா என கேள்வி எழுப்பப்பட்டிருக்கிறது. வெள்ளை மாளிகைக்கு வந்த கறுப்புத தங்கம் எனப் புகழப் பெற்ற அமெரிக்க அதிபர் ஒபாமாவின் மனைவி மிஷெல் ஒபாமாவை  சிம்பன்சியாக சித்தரி்த்து வெளியிடப்பட்ட படமொன்று, கூகிள் இணையத்தளத்தின் முதற் பக்கத்தில் வந்து நிற்பது, கூகிள் தளத்தின் மீதான இந்த விமர்சனத்தைத் தோற்றுவித்துள்ளது.

ஆனால்  அந்தப் படம் முன்னணியில் தெரிவது தனது தவறல்ல  என  தொழில் நுட்ப ரீதியில்  இதற்கு மறுப்புத் தெரிவித்துள்ளது கூகிள்.

சில மாதங்களுக்கு முன் இந்தப் படத்தை ஒரு வலைபதிவு வெளியிட்டிருந்த போது, கூகிள் தேடற்பொறிக்குள் அப் படம் வர ஆரம்பித்தது. இது இனவெறித் தனமான செயற்பாடு என எழுந்த எதிர்புக் கருத்துக்களால், அந்த வலைப் பதிவு மன்னிபபுக் கோரி நீக்கிவிட்டபோதும், இணையத்தில் இருந்து அப்படத்தினை தொழில் நுட்ப பிரச்சசினைகள் காரணமாக முழுமையாக அகற்ற முடியாது எனவும்,  காலப் போக்கில் அது பின் தள்ளப்பட்டுவிடும் எனவும் தெரிவித்திருந்தது.

இப்போது மீண்டும் ஒரு தளம் அப்படத்தினை தனது பதிவொன்றில் இணைத்துக் கொண்டதன் மூலம்,  பிரச்சினை மீளவும் ஆரம்பித்திருக்கிறது. மறுபடியும் அப்படம் கூகிள் இணையத் தளத்தின் தேடற்பொறியில் முன்னணியில் தெரிகிறது. தொழில் நுட்பரீதியாக அந்தப் படத்தை இணையதில் அகற்ற முடியாதெனக் கூறும் கூகிள், அது கருத்துச் சுதந்திரத்துக்கு எதிரானதாகும் எனவும் தெரிவித்துள்ளது.

தேடற்பொறியில் அப்படம் முன்னணிக்கு வந்திருப்தற்கு கூகிள் நிறுவனம் பொறுப்பல்ல என்பது தொழில்நுட்ப ரீதியாகச் சரியான வாதம் என்பது ஏற்றுக் கொள்ளப்பட்டாலும், இன, நிற, ரீதியான செயற்பாடு என்ற கருத்தினை கூகிள் நிறுவனம் எவ்வாறு எதிர்கொள்ளப் போகின்றது என்பது தெரியவில்லை.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment