குற்றச் செயல்களுக்கு அதிகம் பேர் போன நகரம் அமெரிக்காவின் லாஸ் வெகாஸ். அண்மையில் குற்றச்செயல்களை விசாரித்து தண்டனை அளிக்கும் நிலையமான நீதிமன்றத்துக்கு அருகாமையிலேயே வன்முறைச் சம்பவம் ஒன்று இடம் பெற்றுள்ளது இங்கு.

அதாவது திங்கட்கிழமை லாஸ் வெகாஸின் பெடரல் கோர்ட் ஹவுஸ் (நகர நீதிமன்றக் கட்டடத் தொகுதி) முன்பாக அதிகாலை 8 மணியளவில் சந்தேகத்துக்குரிய நபர் ஒருவர் திடீரென தனது கைத் துப்பாக்கியை எடுத்து சுட ஆரம்பித்துள்ளார். இதில் சற்று வயதான இரு நீதிமன்ற காவலாளிகள் படுகாயமடைந்தனர்.  இதனையடுத்து போலீசார் திருப்பி துப்பாக்கிச் சூடு நடத்தினர். மிக நீண்ட நேரம் நடந்த இந்த துப்பாக்கிச் சமரில் கிட்டத்தட்ட 30 - 40 துப்பாக்கி வேட்டுக்கள் தீர்க்கப்பட்டன. இறுதியில் சந்தேகத்துக்கு உரிய குற்றவாளி குண்டு தாக்கி நடு வீதியில் வீழ்ந்து இறந்தான்.

இதேவேளை படுகாயமடைந்து வைத்தியசாலையில் அனுமதிக்கப்பட்டிருந்த காவலாளிகளில் ஒருவர் சிகிச்சை பலனின்றி பரிதாபகரமாக உயிரிழந்ததாக பின்னர் அறிவிக்கப்பட்டுள்ளது. இந்நிலையில் நீதிமன்றக் கட்டடத் தொகுதியிலிருந்து பொது மக்கள் அனைவரும் வெளியேற்றப்பட்டு போலீசாரால் பரிசோதிக்கப்படுவதுடன் சந்தேகத்துக்கு உரியவர்கள் சம்பவத்தை நேரில் பார்த்தவர்கள் என அனைவரும் விசாரிக்கப்பட்டும் வருகின்றனர்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment