இந்தியாவிலிருந்து  நீண்ட நாலத்தின் பி்ன்னர்  நாடு திரும்பிய தமிழ்த்தேசியக்  கூட்டமைப்பு நாடாளுமன்ற உறுப்பினர், செல்வம் அடைக்கலநாதன் எம்.பி, கட்டுநாயக்க விமானநிலையத்தில் வைத்து விசாரண செய்த குற்றப்புலனாய்வுப்பிரிவினர்,  அவரை போகம்பர சிறைச்சாலையில் தடுத்து வைத்திருப்பதாகக்  கொழும்புச் செய்திகள் தெரிவிக்கி்ன்றன.

தமிழ்த்தேசிய கூட்டமைப்பு நாடாளுமன்ற உறுப்பினரும் ரெலோ இயக்க மத்திய குழு உறுப்பினருமான செல்வம் அடைக்கலநாதன் சிறிலங்கா குற்றப்புலனாய்வு பிரிவினரால் போகம்பர சிறையில் தடுத்துவைக்கப்பட்டு விசாரிக்கப்பட்டுவருகிறார்.

வவுனியாவில்    ரொலோ முகாமில் ஆயுதங்கள் உள்ளதாக தமக்குக் கிடைத்த தகவலின் அடிப்படையில்,  முகாமை சோதனையிட்ட  காவல்துறையினர், அங்கிருந்து ஆயுதங்களை மீட்டெடுத்ததுடன்,  முகாமிலிருந்த  சிலரைக் கைதுசெய்து சென்று விசாரணை செய்தததாகவும் செய்திகள் வெளியாகியிருந்தன. தற்போது செல்வம் அடைக்கலநாதனிடமும் இது தொடர்பில் விசாரிக்கப்பட்டு வருவதாகத் தெரியவருகிறது.

ரெலோ மத்திய குழு உறுப்பினர் செல்வம் அடைக்கலநாதனை சதிவலையில் மாட்டுவதற்கு, சிலர் திட்டமிட்டு மேற்கொண்ட  சூழ்ச்சித் திட்டம்,  இது என்று  கட்சி வட்டாரங்கள் தெரிவித்துள்ளன. இச் சூழ்சித்திட்டத்துடன், கட்சி அதிருப்தியாளர்கள் சிலரும், மற்றுமொரு கட்சியைச் சார்ந்த அதிருப்பதியாளர்களும், இணைந்தே இந்த சூழ்சித் திட்டம் செயற்படுத்தப்பட்டதாகவும் மேலும் சில தகவல்கள் தெரிவிக்கின்றன. நாடாளுமன்ற உறுப்பினர் செல்வம் அடைக்கலநாதன், நேற்று பல மணி நேர விசாரணைக்கு உட்படுத்தப்பட்டதாகத் தமிழ்த் தேசியக் கூட்டமைப்பு தகவல்கள் தெரிவிக்கின்றன. 

8 மணிநேரத்துக்கும் மேலாக  இவர் விசாரணைக்கு உட்படுத்தப்பட்டதாக வெளியிலே தெரிவிக்கப்படுகின்ற போதும், விசாரணைகள் குறித்து எந்தவிதமான கருத்துக்களையும், ஊடகங்களுக்குத் தெரிவிக்காது செல்வம் மெளனமாகியுள்ளார். தமது கட்சி நாடாளுமன்ற உறுப்பினர் மீதான குறித்த விசாரணை முடியும்  முன் ஊடகங்களுக்குக் கருத்துத் தெரிவிக்கமுடியாது என  நாடாளுமன்ற உறுப்பினர் என்.ஸ்ரீகாந்தா இது தொடர்பில் கருத்துத் தெரிவித்துள்ளார்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment