வன்னியில் இறுதி யுத்தம் நடைபெற்ற போதில், உலகெங்கிலும் இப்பிரச்சனை குறித்து ஐ.நா சபை அக்கறை கொள்ள வேண்டும் எனக் கோரிக்கை வைத்து புலம் பெயர் தமிழர்கள் போராட்டங்களை நடத்திய போது, ஐ.நா சபை இது விடயத்தில் நடந்து கொண்ட மெத்தனப் போக்கினை, பத்திரிகையாளர்கள் சந்திப்புக்கள் பலவற்றிலும், இடித்துரைத்த ஒரு ஊடகம் இன்னர் சிற்றி பிறஸ்.

குறித்த காலப்பகுதியில், ஐ.நா. சபையின்  சிறப்புப் பிரிதிநிதியாக, இலங்கைக்ககுச் சென்ற விஜய் நம்பியாரின் விஜயங்கள், தொடர்பாடல்கள் பற்றி பலத்த சந்தேகங்களை எழப்பியிருந்தது இன்னர் சிற்றி பிறஸ். தற்போது  இலங்கை விவகாரம் தொடர்பில்,  ஐ.நா சபையிடம்  அது மீண்டும் ஒரு முக்கிய கேள்வியை எழுப்பியுள்ளது.

சரணடைந்த விடுதலைப்புலிகளின் தலைவர்கள் படுகொலை செய்யப்பட்ட விவகாரம் தொடர்பாக சிறிலங்கா அரசிடம் விளக்கம் கோரியுள்ள ஐக்கிய நாடுகள் சபை, இது விடயம் குறித்து போர் நடைபெற்ற கடைசி காலப்பகுதியில் விடுதலைப்புலிகளின் தலைவர்களால் தொடர்புகொண்டு தாம் சரணடைவதாக அறிவிக்கப்பட்ட ஐக்கிய நாடுகள் சபையின் விசேட பிரதிநிதி விஜய் நம்பியாரிடம் விளக்கம் கோரதது ஏன்? எனக் கேட்டுள்ளது.

இன்னர் சிற்றி பிறஸ் இது தொடர்பில் மேலும் தெரிவிக்கையில், சனல்4 செய்திச் சேவை, சிறிலங்கா படையினரால்  தமிழர்கள் சுடப்பட்ட விடயத்தைக் கானொளிப் படமாக வெளிவந்த போது கூட, அதற்கு சர்வசாதரணமாக, சிறிலங்காப் படைகள் அவ்விதம் நடந்து கொள்ளவில்லை எனப் பதிலை விடுத்திருக்கிறது. அதே போல் தற்போது சரணடைந்த விடுதலைப்புலிகள் விவகாரம் தொடர்பாக ஐ.நா பிரதிநிதி பிலப் அல்ஸ்டன் கேட்டிருக்கும் கேள்விக்கும் ஒப்புக்கு ஒரு பதிலைச் சொல்லிவிட்டு சிறிலங்கா அரசு பேசாது இருந்துவிடும் எனத் தெரிவித்திருக்கிறது.

  இது விடயத்தில் தொடரப்படும் விடயங்கள் குறித்துக் காணப்படும் நம்பமற்ற தன்மையை இன்னர் சிற்றி பிறஸ் வெளிப்படுத்தியிருக்கிறது.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment