திருச்செந்தூர், வந்தவாசி, இடைத் தேர்தல் முடிவுகள் வெளியாகிவிட்டன.  இரு தொகுதிகளிலும், திமுக பெரும் வெற்றியீட்டியுள்ளது. திருச்செந்தூர் தொகுதியை திமுகவின் தொகுதியாக வெற்றிக் கொண்ட பெருமிதம் திமுகவினர் மத்தியில் வெளிப்படையாகத தெரிகிறது. இந்தத் தேர்தலில் முக்கிய போட்டியாளர்களாக இருந்த,  திமுக, அதிமுக, தேமுதிக, கட்சிகளின் தலைவர்கள் என்ன சொல்கின்றார்கள்.

திமுகவின் தளபதி என அழைக்கப்படுபவரும், துணைமுதல்வரும், இந்த இடைத் தேர்தல் பிரச்சாரங்களில் சுறுசுறுப்புடன் செயற்பட்டவருமாகிய மு.க.ஸ்டாலின் கருத்துத் தெரிவிக்கையில், " கலைஞரின் சாதனை மகுடத்தில் பதிப்பிக்கப்பட்ட மேலும் இரு வெற்றி வைரங்கள். இந்தப் பெருமைக்குக் காரணமான வாக்காளர்களுக்கு நன்றி தெரிவிக்கின்றோம்." எனத் தெரிவித்தார்.

திமுகவிற்கு பிரதான சவாலாக இருந்த அதிமுகவின் பொதுச் செயலாளர் செல்வி ஜெயலலிதா தெரிவிக்கையில், " தமிழகத்தில் திமுக ஆட்சியில் நடைபெறும் தேர்தல்தல்களின் முடிவுகளை மக்கள் தீர்ப்பு எனச் சொல்லிவிட முடியாது. அந்தளவுக்கு திமுகவின் செயற்பாடுகள் இருக்கின்றன. பாதங்கங்களையும் சாதகமாக்க எங்களால் முடியும் எனக் கருணாநிதி சொல்வதிலிருந்தே அதனை நாம் அறிந்து கொள்ள முடியும். எப்படியாயினும் திமுகவின்  எதிர் செயற்பாடுகளை முறியடித்து எங்களுக்கு வாக்களித்த மக்களுக்கு நன்றி தெரிவித்துக் கொள்கின்றேன் ' என்றார்.

தேமுதிக தலைவர் விஜய்காந் கருத்துத் தெரிவிக்கையில், 'எது நடக்கக் கூடாதோ அது நடந்துள்ளது. இந்தத் தேர்தல் முடிவுகள் மக்களின் ஜனநாயக உரிமைக்கச் பெரும் தீங்கு தருவதாக இருக்கப்போகிறது" எனத்தெரிவித்த அவர்,  எங்கள் கட்சியின் மீது நம்பிக்கை கொண்டு வாக்களித்த வாக்காளர்களுக்கு நன்றிகளைக் கூறிக்கொள்கின்றோம். " என்றார்.

அதெல்லாம் சரி வாக்காளர்கள் என்ன சொல்கிறார்கள் எனக்கேட்டால், இன்னுமொரு தேர்தல் வந்தால் கூட நல்லதுதான் , என்கிறார்களாம் நமுட்டுச் சிரிப்புடன்.  

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment