ஊடகவியலாளர் திஸ்ஸநாயகம் பிணையில் வெளிவரலாம்

சினிமா கேலரி

நண்பர்கள்!

பேஸ்புக் நண்பர்

டுவிட்டர்

ஊடகவியலாளர் திஸ்ஸநாயகம் பிணையில் வெளிவரலாம்

Written by editor

Wednesday, 23 December 2009 15:00

ஊடகவியலாளர் ஜே.எஸ். திஸ்ஸநாயகத்திற்கு பிணை வழங்க ஆட்சேபனை எதுவுமில்லை என்று சட்டமா அதிபர், மேன்றையீட்டு நீதிமன்றத்திற்கு அறிவித்துள்ளார். இதனடிப்படையில் திஸ்ஸநாயகம் விரைவில் பிணையில் விடுவிக்கப்படலாம் என எதிர்பார்க்கப்படுகிறது.

தமக்கு விதிக்கப்பட்ட சிறைத்தண்டனையை எதிர்த்து திஸ்ஸநாயகம் மேன்றையீட்டு நீதிமன்றத்தில் மேன்முறையீடு செய்ததை அடுத்து, தம்மைப் பிணையில் செல்ல அனுமதிக்குமாறு அவர் மனுத்தாக்கல் செய்துள்ளார்.

ஜே.எஸ். திஸ்ஸநாயகம் 2006ஆம் ஆண்டு ஜூன் மாதம் முதலாம் திகதிக்கும், 2007ஆம் ஆண்டு ஜூன் மாதம் முதலாம் திகதிக்கும் இடையே இன நல்லுறவைச் சீர்குலைக்கும் வகையில் நோத்ஈஸ்ட்டன் மன்ந்லி என்ற சஞ்சிகையை எழுதி, அச்சிட்டு விநியோகித்தார் என்றும், இது பயங்கரவாதத் தடைச்சட்டத்தின் கீழ் தண்டனைக்கு உரிய குற்றமாகும் என்றும் அவருக்கு எதிராக மூன்று குற்றச்சாட்டுக்கள் சுமத்தி தொடரப்பட்ட வழக்கில் அவர் குற்றவாளியாகக் காணப்பட்டார்.

மேற்படி சஞ்சிகையை நடத்துவதற்கு நிதி சேகரித்தமை, இதன் மூலம் பயங்கரவாதத்தை ஊக்குவித்தமை போன்ற அவசரகாலப் பிரமாணங்களின் கீழ், தண்டனைக்குரிய குற்றச்செயல்களைப் புரிந்த குற்றவாளியாகவும் அவர் இனம் காணப்பட்டார்.

2008ஆம் ஆண்டு மார்ச் மாதம் 6ஆம் திகதி கைதுசெய்யப்பட்ட தமது நண்பர் யசிகரனையும் அவரது மனைவியையும் பார்ப்பதற்காக மறுதினம் திஸ்ஸநாயகம் பயங்கரவாத விசாரணைப்பிரிவுக்குச் சென்றபோது கைது செய்யப்பட்டார்.

உங்கள் கருத்துக்கள்

Last Updated on Wednesday, 23 December 2009 21:29

சினிமா கேலரி

விளம்பரம்

வந்தவங்க சொன்னாங்க

இலவச நியூஸ்லெட்டர்..

நண்பர்கள்!

கூகுள் நண்பர்

ஒர்குட் குழுமம்

பேஸ்புக் நண்பர்

உங்கள் கருத்துக்கள்

புத்தம் புதுசு! Mp3 , ட்ரெய்லர்ஸ், சினிமா கேலரி..