மஹாராஷ்ட்டிராவில் காங்கிரஸ் மற்றும் தேசியவாத காங்கிரஸ் கூட்டணி, மூன்றாவது முறையாக இன்று பதவியேற்கிறது. அங்கு சட்ட சபை தேர்தல் நடைபெற்று 15 நாட்கள் கடந்த பிறகும், வெற்றி பெற்ற தேசியவாத காங்கிரஸ் மற்றும் காங்கிரஸ் கூட்டணியில் இலாகா பரிமாற்றம் தொடர்ந்து இழுபறியில் இருந்ததால் அமைச்சரவை பதவியேற்பு தாமதமானது.

தேசியவாத காங்கிரஸ், 1999 ம் ஆண்டு காங்கிரஸுடன் செய்து கொண்ட ஒப்பந்தத்தின் படி நிதி, பொதுப்பணி மற்றும் உள்துறை ஆகிய இலாகாக்களை எப்படியும் தாங்கள் எடுத்துக்கொள்ள வேண்டுமென பிடிவாதமாக இருந்தது.  இதனால், அமைச்சரவைப்பகிர்வு என்பது பேச்சுவார்த்தையிலேயே பல நாட்கல் ஓடின.

மாநில அளவில் தலைவர்கள் பேச்சு, அதற்குபின் டில்லியில் ஆலோசனை, மீண்டும் மும்பையில் ஆலோசனை என தொடர்ந்த சர்ச்சை ஒருவழியாக தற்போது முடிவுக்கு வந்துள்ளது.முதல்வராக அசோக் ஷவானும், துணை முதல்வராக சாஜன் புஜ்பாலும் நியமிக்கப்பட்டுள்ளனர்.

மேலும் காங்கிரஸ் சார்பில் 23 அமைச்சர்களும், தேசியவாத காங்கிரஸ் சார்பில் 20 பேரும் பதவியேற்கின்றனர்.

எனினும், நிதி, பொதுப்பணி உள்துறை ஆகிய இலாகாக்கள் யாருக்கு என்பது தொடர்பான முடிவுகள் இன்னமும் எடுக்கப்படவில்லை.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment