டிசம்பர் 6 இந்தியாவில் பரபரப்புக்கும் அச்சத்துக்கும் உரிய ஒரு நாளாகிப்போனது.  இதற்கக் காரணமான சம்பவமாகிய பாபர் மசூதி இடிப்பு குறித்து  விசாரணை மேற்கொண்ட லிபரான் கமிஷன் அறிக்கை, இந்திய நடாளுமன்றத்தில் சமர்ப்பிக்கப்பட்டிருந்தது.

இந்நிலையில் இவ்வருடம் டிசம்பர் 6 குறித்து அதிகளவு அச்சமும், வன்முறைகளுக்கு எதிரான பாதுகாப்பு நடவடிக்கைகளும் மேற்கொள்ளப்பட்டிருந்தது.  இந்நிலையில்,  இன்று அதனையொட்டி பல்வேறு முஸ்லிம் அமைப்புகள் சார்பில் நாடு முழுவதிலும் ஆர்பாட்டங்கள் கண்டன நிகழ்வுகள் நடைபெற்றதாக செய்திகள் தெரிவிக்கின்றன. 

சென்னையில் நடைபெற்ற கண்டன ஆர்ப்பாட்டங்கள், மறியல்களின் போது சுமார்  1000 பேர் வரையில் கைது செய்யப்பட்டுள்ளதாக சென்னைத் தகவல்கள் தெரிவிக்கின்றன. இது குறித்த மேலும் அறிகையில், இடிக்கப்பட்ட பாபர் மசூதி மீளவும்  கட்டித்தர வேண்டும், லிபரான் கமிஷன் அறிக்கையில் குற்றஞ்சாட்டப்பட்ட அனைவரையும் கைது செய்ய வேண்டும் என்ற கோரிக்கைகளை  வலியுறுத்தி மத்திய மந்திரி ப.சிதம்பரம் வீட்டு முன்பு முற்றுகை போராட்டம் நடத்துவதற்காக இந்திய தவ்ஹீத் ஜமாத் அமைப்பினசார்பில் பலர் அவரது வீடு அமைந்துள்ள நுங்கம்பாக்கம் பைகிராப்ட்ஸ் கார்டன் ரோட்டுக்கு வந்தனர். ஆயினும் அங்கு ஆர்ப்பாட்டம் நடத்த அவர்களுக்கு அனுமதி மறுக்கப்பட்டது.

அப்பகுதி முழுவதும் கடுமையான பாதுகாப்பு ஏற்பர்டுகள் செய்யப்பட்டிருந்தன. அப்பகுதியை சேராத புதியவர்கள் எவரும் அப்பகுதிக்குள் செ்ல்ல அனுமதிக்கப்படவில்லை. இந்நிலையில் அனுமதி கொடுக்கபட்ட பிறிதொரு பகுதியில் மேற்படி அமைப்பினர் திரண்டு, ஆர்ப்பாட்டம் நடத்தினர். இங்கு ஆர்பாட்டத்தில் ஈடுபட்டவர்கள் பலர் கைது செய்யப்பட்டனர். இது போலவே  அண்ணாசாலைப் பகுதியில்,  அண்ணா சிலை முன்பாக  தமிழக முஸ்லிம் முன்னேற்ற கழகம் சார்பில் கண்டன பேரணி மற்றும் ஆர்ப்பாட்டம் என்பன நடந்ததாகவும்,   கவர்னர் மாளிகையை முற்று கையிட சென்ற நூற்றுக் கணக்கான இந்திய ஜனநாயக முஸ்லிம் முன்னேற்ற கழக உறுப்பினர்கள்,  சைதாப்பேட்டை பஸ் நிறுத்தத்தில் காவல் துறையால் தடுத்து நிறுத்தப்பட்டு, பின் கைது செய்யப்பட்டதாகவும் தெரிவிக்கப்படுகிறது.

 

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment