நடந்து முடிந்த திருச்செந்தூர், வந்தவாசி, தொகுதிகளில், தமிழக ஆளும் கட்சியான திமுக அமோக வெற்றி பெற்றுள்ளதாக அறிவிக்கப்பட்டுள்ளது. திருச்செந்தூர் சட்டசபைத் தொகுதி இடைத் தேர்தலில் திமுக வேட்பாளர் அனிதா ராதாகிருஷ்ணன் 46,861 வாக்குகள் வித்தியாசத்தில் வெற்றி பெற்றார்.

திருச்செந்தூர் தொகுதிக்கு கடந்த 19 ம் தேதி இடைத் தேர்தல் நடைபெற்றது. இந்தத் தேர்தலில் திமுக சார்பில் அனிதா ராதாகிருஷ்ணன், அதிமுக சார்பில் அம்மன் நாராயணன், தேமுதிக சார்பில் கோமதி கணேசன் உள்பட 25 பேர் போட்டியிட்டனர்.

மொத்தம் வாக்காளர்கள் 1 லட்சத்து 40 ஆயிரத்து 150. இதில் 1 லட்சத்து 10 ஆயிரத்து 951 பேர் வாக்களித்தனர். இது 79.17 சதவீதமாகும்.

இந்த தொகுதியில் வாக்கு பதிவு முடிந்து 434 மின்னனு வாக்கு பதிவு இயந்திரங்கள் சீல் வைக்கப்பட்டு திருசெந்தூர் ஆதித்தனர் கல்லூரியில் வைக்கப்பட்டது.

இன்று காலை 8 மணிக்கு வாக்கு எண்ணிக்கை துவங்கியது. 14 சுற்றுகளாக வாக்கு எண்ணிக்கை நடைபெற்றதில், இதில் திமுக வேட்பாளர் அனிதா ராதா கிருஷ்ணன், தமக்கு அடுத்தபடியாக வந்த அதிமுக வேட்பாளர் அம்மன் நாராயணனை விட 46,861 வாக்குகள் அதிகம் பெற்று வெற்றி பெற்றார்.

அனிதா 75,223 வாக்குகளும், அதிமுக வேட்பாளர் நாராயணன் 28,362 வாக்குகளும், தேமுதிக வேட்பாளர் கணேசன் வெறும் 4,186 வாக்குகளும் பெற்றனர்.

அதிமுகவிடமிருந்த திருச்செந்தூர் தொகுதியை திமுக தடட்டிப் பறித்துள்ளது. தேமுதிக வேட்பாளர் கோமதி கணேசன் டெபாசிட் இழந்தார்.

திருச்செந்தூர் தொகுதியில் கடந்த 2001, 2006 ஆகிய தேர்தல்களில் அதிமுக சார்பில் போட்டியிட்ட அனிதா ராதாகிருஷ்ணன், இம்முறை திமுக சார்பில் போட்டியிட்டு 3 வது முறையாக வெற்றிக் கனியை பறித்துள்ளார்

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment