சபரிமலை மண்டலபூஜை சமீபித்திருக்கும்  வேளையில், அப்பிரதேசத்தில் குண்டு வெடிப்புப் பதற்றம் ஏற்பட்டிருப்பதாகத் தெரிவிக்கப்படுகிறது. வரும் மகரஜோதிப் பெருவிழாவிற்காக, சபரிமலைக்கு ஐயப்ப பக்தர்கள்   வந்து கொண்டிருக்கின்றனர். கடந்த மாதம் 15ந்திகதி ஆரம்பமாகிய மண்டலபூஜைச் சிறப்புப் பிரார்த்தனை வரும் சனிக்கிழமை நடைபெறவுள்ளது. 

 கடந்த 20-ந்தேதி இப்பிரதேசப்பகுதியில்  இடம்பெற்ற குண்டுவெடிப்புக்குப் பின், பாதுகாப்பு நடவடிக்கையாக  பம்பை முதல், சன்னிதானம் வரை அனைத்து பகுதிகளிலும் பாதுகாப்பு பலப்படுத்தப் பட்இருப்பதுடன்,  பக்தர்கள் தனிதனித் தனியாக, தீவிர  சோதனைக்கு உட்படுத்தப்பட்டே மலையேற அனுமதிக்கப்பட்டதாகவும் அறியப்படுகிறது.  பக்தர்கள் தனித்தனியாகச் சோதித்து அனுமதிக்கப்பட்டதால்,  ப‌க்த‌ர்க‌ளி‌ன் வரிசை மிக மெதுவாகவே  நகர்ந்ததாகவும், இதனால் மிக நீண்ட வரிசையில் பல மணிநேரம் பக்தர்கள் காத்திருக்க வேண்டியிருந்ததாககவும் தெரிய வருகிறது.

கடந்த சில தினங்களுக்குள் இப்பிரதேசத்தில் அடுத்தடுத்து ஐந்து குண்டு  வெடிப்புக்கள் நடந்திருப்பதால், பாதுகாப்பில் இந்த இறுக்கமான நடைமுறை தவிர்க்க முடியாதுள்ளதாக காவல்துறை வட்டாரங்கள் தெரிவிக்கின்றன.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment