மாமல்லபுரத்தில் செம்மொழி சிற்பப் பூங்கா, மரகதப் பூங்கா திறப்பு விழா மற்றும் இந்திய நாட்டிய திருவிழாவை நேற்று மாண்புமிகு துணை முதலமைச்சர் மு.க.ஸ்டாலின்  முரசொலியெழுப்பித் தொடங்கிவைத்தார்.

இந்த நாட்டியத் திருவிழாவினை காண உலகின் பல்வேறு நாடுகளிலிருந்தும் கலை ரசிகர்களும், சுற்றுலாப்பயணிகளும் ஆண்டுக்காண்டு அதிகரித்து வருவதையொட்டி, 2007 ஆம் ஆண்டு முதல் இந்த நாட்டிய விழா ஒரு மாதகாலம் தொடந்து நடத்தப்பட்டுவருகிறது. இந்த ஆண்டு 25.12.2009 முதல் 25.1.2010 வரை 31 நாட்கள் தொடர்ந்து நடைபெறவுள்ளது.

பல்வேறு மாநில கலை நிகழ்ச்சிகளோடு, தமிழகத்தின் பண்பாட்டு கலாச்சாரங்களையும் இணைத்து மாமல்லபுரம் நாட்டிய விழா, இந்திய நாட்டிய விழாவாக நடைபெறவுள்ளது. தமிழகத்தின் சார்பாக பண்பாட்டு சங்கமம் நிகழ்ச்சி, நடன நிகழ்ச்சி கிராமிய கலை நிகழ்ச்சிகள் போன்ற பல்வேறு நிகழ்ச்சிகள் இந்த நாட்டிய திருவிழாவில் நடைபெற இருக்கின்றது.

இந்த நாட்டிய திருவிழாவில் புதுச்சேரி, கர்நாடகா, ஆந்திரா, கேரளா, மணிப்பூர், மிசோரம், அஸ்ஸாம் போன்ற பல்வேறு மாநிலங்களை சேர்ந்த கலைஞர்கள் கலை நிகழ்ச்சிகளை நடத்தவுள்ளனர். 

 2009-10 ஆம் ஆண்டில் தலைவர் கலைஞர் அவர்கள் தமிழக சுற்றுலா தலங்களில் அடிப்படை வசதிகளை மேம்படுத்திட  ரூ. 57 கோடி ஒதுக்கியுள்ளார். சுற்றுலாப்பயணிகளை கவர்ந்திழுக்கும் வகையில் பல்வேறு நடவடிக்கைகளை தலைவர் கலைஞர் தொடர்ந்து எடுத்துவருகின்றார். சுற்றுலாவிற்கு முக்கியத்துவம் தரும் வகையில் நடைபெற்றுவருகின்ற இந்த இந்திய நாட்டிய திருவிழா சிறப்பாக நடைபெற வாழ்த்துக்களை தெரிவிப்பதாக துணை முதலமைச்சர் மு.க.ஸ்டாலின் பேசினார்கள்.  

இவ்விழாவில்   சுற்றுலா மற்றும் பதிவுத்துறை அமைச்சர் திரு.என்.சுரேஷ்ராஜன்,  தொழிலாளர் நலத்துறை அமைச்சர் திரு.தா.மோ.அன்பரசன், நாடாளுமன்ற உறுப்பினர் திரு. பெ.விஸ்வநாதன், சட்டமன்ற உறுப்பினர்கள் திரு. எஸ்.ஆர்.ராஜா, திருமதி. சங்கரி நாராயணன், திருமதி காயத்ரிதேவி, சுற்றுலாத்துறை செயலாளர் திரு.வெ.இறையன்பு, இயக்குநர் திரு. ஆ.சி.மோகன்தாஸ் மற்றும் உள்ளாட்சி பிரதிநிதிகள், அரசு அலுவலர்கள் ஆகியோர் கலந்து கொண்டனர்.

உங்கள் கருத்துக்கள்

தங்கிலிஷ் Tamil Typewritter Tamil 99
ஒன்லைன் Keymap உதவி
(ஆங்கிலத்தில் கருத்துரைக்க F12 விசையை அழுத்துங்கள்.
Use F12 to toggle between English & Unicode Tamil)
பெயர் *
Email (உங்களின் தொடர்புக்கு)
இக்குறிச் சொல்லை எழுதுங்கள்   

Submit Comment